durga bhaabhi

durga bhaabhi Bhaarat ke svatantrata sangraam mein kraantikaariyon ki pramukh sahayogi theen. 18 December 1928 ko bhagat Singh ne inhi durga bhaabhi ke saath vesh badal kar Calcutta-mel se yaatra ki thi. durgaabhaabhi kraantikaari bhagavati charan bohara ki dharmapatni theen.

parichay

durga bhaabhi ka janm saat October 1902 ko shahajaadapur gram mein pandit baanke bihaari ke yahaan hua. inke pita Allahabad kalektret mein naajir the aur inke Baba mahesh prasaad bhatt jaalaun jila mein thaanedaar ke pad par tainaat the. inke daada pan॰ shivshankar shahajaadapur mein jameendaar the jinhonne bachapan se hi durga bhaabhi ke sabhi baaton ko poorn karte the.

das varsh ki alp aayu mein hi inka vivaah Lahore ke bhagavati charan bohara ke saath ho gaya. inke sasur shivcharan ji railway mein oonche pad par tainaat the. angrej sarkaar ne unhein rai saahab ka khitaab diya tha. bhagavati charan bohara rai saahab ka putr hone ke baavajood angrejon ki daasata se desh ko mukt karaana chaahate the. ve kraantikaari sangathan ke prachaar sachiv the. varsh 1920 mein pita ji ki mrutyu ke pashchaat bhagavati charan vohara khulkar kraanti mein aa gaye aur unki pat‍aa‌aani durga bhaabhi ne bhi poorn roop se sahayog kiya. san 1923 mein bhagavati charan vohara ne national kaalej beee ki pareeksha utteern ki aur durga bhaabhi ne prabhaakar ki degree haasil ki. durga bhaabhi ka maayaka va sasuraal donon paksh sampann tha. sasur shivcharan ji ne durga bhaabhi ko 40 hajaar va pita baanke bihaari ne paanch hajaar rupaye sankat ke dinon mein kaam aane ke liye diye the lekin is danpati ne in paison ka upayog kraantikaariyon ke saath milkar desh ko aajaad karaane mein upayog kiya. March 1926 mein bhagavati charan vohara va bhagat Singh ne sanyukt roop se naujavaan Bhaarat sabha ka praaroop taiyaar kiya aur raamachandr Kapoor ke saath milkar iski sthaapana ki. saikadon naujavaanon ne desh ko aajaad karaane ke liye apne praanon ka balidaan vedi par chadhaane ki shapath li. bhagat Singh va bhagavati charan vohara sahit sadasyon ne apne rakt se pratijnyaa patra par hastaakshar kiye. 28 May 1930 ko raavi nadi ke tat par saathiyon ke saath bam banaane ke baad pareekshan karte samay vohara ji shaheed ho gaye. unke shaheed hone ke baavajood durga bhaabhi saathi kraantikaariyon ke saath sakriya raheen.

9 October 1930 ko durga bhaabhi ne Governor haili par goli chala di thi jismein Governor haili to bach gaya lekin sainik adhikaari Taylor ghaayal ho gaya. Mumbai ke police commissioner ko bhi durga bhaabhi ne goli maari thi jiske parinaam svaroop angrej police inke peechhe pad gayi. Mumbai ke ek flat se durga bhaabhi va saathi yashapaal ko giraftaar kar liya gaya. durga bhaabhi ka kaam saathi kraantikaariyon ke liye Rajasthan se pistaul laana va le jaana tha. chandrashekhar aajaad ne angrejon se ladte vakt jis pistaul se khud ko goli maari thi use durga bhaabhi ne hi laakar unako di thi. us samay bhi durga bhaabhi unke saath hi theen. unhonne pistaul chalaane ki training Lahore va Kanpur mein li thi.

bhagat Singh va batukeshvar datt jab keindreeya assembly mein bam feinkane jaane lage to durga bhaabhi va susheela mohan ne apni baanhein kaat kar apne rakt se donon logon ko tilk lagaakar vida kiya tha. assembly mein bam feinkane ke baad in logon ko giraftaar kar liya gaya tatha faansi de di gayi.

saathi kraantikaariyon ke shaheed ho jaane ke baad durga bhaabhi ekdam akeli pad gayi. vah apne paanch varsheeya putr shacheendr ko shiksha dilaane ki vyavastha karne ke uddeshya se vah saahas kar Delhi chali gayi. jahaan par police unhein baraabar pareshaan karti raheen. durga bhaabhi uske baad Delhi se Lahore chali gayi, jahaan par police ne unhein giraftaar kar liya aur teen varsh tak najaraband rakha. faraari, giraftaari va rihaai ka yeh silsila 1931 se 1935 tak chalta raha. ant mein Lahore se jilaabadar kiye jaane ke baad 1935 mein Ghaziabad mein pyaarelaal kanya vidyaalaya mein adhyaapika ki naukri karne lagi aur kuchh samay baad pun: Delhi chali gayi aur Congress mein kaam karne lageen. Congress ka jeevan raas na aane ke kaaran unhonne 1937 mein chhod diya. 1939 mein inhonne Madras jaakar Maria maantesari se maantesari paddhati ka prashikshan liya tatha 1940 mein Lucknow mein kaint road ke (najeeraabaad) ek niji makaan mein sirf paanch bachchon ke saath maantesari vidyaalaya khola. aaj bhi yeh vidyaalaya Lucknow mein maantesari intar kaalej ke naam se jaana jaata hai. 14 October 1999 ko Ghaziabad mein unhonne sabse naata todte hue is duniya se alvida kar liya.

inhein bhi dekhein

baahari kadiyaaain