draupadi


draupadi ka janm mahaaraaj drupad ke yahaaain yajnyaakund se hua tha| draupadi ka vivaah paaainchon paandav se hua tha| Krishna, yajnyaaseni, mahaabhaarati, sairandhri adi anya naamo se bhi ye vikhyaat hai | paandavon dvaara inse janme paanch putr (kramash: prativindhya, sutasom, shrutakeerti, shataaneek va shrutakarma) up-paandav naam se vikhyaat the |

draupadi ka janm

draupadi panch-kanyaaon mein se ek hain jinhein chir-kumaari kaha jaata hai. jab paandav tatha kaurav raajakumaaron ki shiksha poorn ho gayi to unhonne dronaachaarya ko guru dakshina dena chaaha. dronaachaarya ko drupad ke dvaara kiye gaye apne apamaan ka smaran ho aaya aur unhonne raajakumaaron se kaha, "raajakumaaron! yadi tum gurudakshina dena hi chaahate ho to paanyachaal naresh drupad ko bandi bana kar mere samaksh prastut karo. yahi tum logon ki gurudakshina hogi." gurudev ke is prakaar kehne par samast Rajkumar apne-apne astr-shastr le kar paanyachaal desh ki or chale.

paanyachaal pahuainchane par arjun ne dronaachaarya se kaha, "gurudev! aap pehle kauravon ko raaja drupad se yuddh karne ki aajnyaa deejiye. yadi ve drupad ko bandi banaane mein asafal rahe to ham paandav yuddh kareinge." guru ki aajnyaa milne par duryodhan ke netrutv mein kauravon ne paanyachaal par aakraman kar diya. donon pakshon ke madhya bhayankar yuddh hone laga kintu ant mein kaurav paraast ho kar bhaag nikle. kauravon ko palaayan karte dekh paandavon ne aakraman aarambh kar diya. bheemasen tatha arjun ke paraakram ke samaksh paanyachaal naresh ki sena haar gayi. arjun ne aage badh kar drupad ko bandi bana liya aur guru dronaachaarya ke samaksh le aaye.

drupad ko bandi ke roop mein dekh kar dronaachaarya ne kaha, "he drupad! ab tumhaare raajya ka svaami main ho gaya hooain. main to tumhein apna mitr samajh kar tumhaare paas aaya tha kintu tumane mujhe apna mitr sveekaar naheen kiya tha. ab bataao kya tum meri mitrata sveekaar karte ho?" drupad ne lajja se sir jhuka liya aur apni bhool ke liye kshamaayaachana karte huye bole, "he dron! aapko apna mitr na maanana meri bhool thi aur uske liye ab mere hrudaya mein pashchaataap hai. main tatha mera raajya donon hi ab aapke aadheen hain, ab aapki jo ichha ho karein." dronaachaarya ne kaha, "tumane kaha tha ki mitrata samaan varg ke logon mein hoti hai. at: main tumase baraabari ka mitr bhaav rakhane ke liye tumhein tumhaara aadha raajya lauta raha hooain." itna kah kar dronaachaarya ne ganga nadi ke dakshini tat ka raajya drupad ko saunp diya aur shesh ko swayam rakh liya.

guru dron se paraajit hone ke uparaant mahaaraaj drupad atyant lajjit huye aur unhein kisi prakaar se neecha dikhaane ka upaaya sochane lage. isi chinta mein ek baar ve ghoomate huye kalyaani nagari ke braahmanon ki basti mein ja pahuainche. vahaaain unki bheint yaaj tatha upayaaj naamak mahaan karmakaandi braahman bhaaiyon se hui. raaja drupad ne unki seva karke unhein prasann kar liya evam unase dronaachaarya ke maarane ka upaaya poochha. unke poochhane par bade bhaai yaaj ne kaha, "iske liye aap ek vishaal yagya ka aayojan karke agnidev ko prasann keejiye jisse ki ve aapko ve mahaan balashaali putr ka varadaan de deinge." mahaaraaj ne yaaj aur upayaaj se unke kahe anusaar yagya karavaaya. unke yagya se prasann ho kar agnidev ne unhein ek aisa putr diya jo sampoorn aayudh evam kavach kundal se yukt tha. uske pashchaat us yagya kund se ek kanya utpann hui jiske netr khile huye kamal ke samaan dedeepyamaan the, bhauhein chandrama ke samaan vakr theen tatha usaka varn shyaamal tha. uske utpann hote hi ek aakaashavaani hui ki is baalika ka janm kshatriyon ke sainhaar aur kauravon ke vinaash ke hetu hua hai. baalak ka naam dhrushtadyumn evam baalika ka naam Krishna rakha gaya.

draupadi ka vivaah

"main mahaaraaj drupad ki nagari paanyachaal se aa raha hooain. vahaaain par drupad ki kanya draupadi ke svayanvar ke liye anek deshon ke raaja-mahaaraaja padhaare huye hain."

vedavyaas-tum log paanyachaal chale jaao. vahaaain drupad kanya paanyachaali ka svayanvar hone ja raha hai. vah kanya tum logon ke sarvatha yogya hai Shiv ji ne use agale janm mein paaainch uttam pati praapt hone ka varadaan diya tha. vah devisvaroopa baalika sab bhaaainti se tum logon ke yogya hi hai. tum log vahaaain ja kar use praapt karo.

svayanvar sabha mein anek deshon ke raaja-mahaaraaja evam Rajkumar padhaare huye the kuchh hi der mein Rajkumari draupadi haath mein varamaala liye apne bhaai dhrushtadyumn ke saath us sabha mein pahuaincheen. dhrushtadyumn ne sabha ko sambodhit karte huye kaha, "vibhinn desh se padhaare raaja-mahaaraajaaon evam anya ganamaanya jano se meri bahan draupadi ka vivaah hoga."

ek ke baad ek sabhi raaja-mahaaraaja evam raajakumaaron ne ek oopar ghoomti hui machhali ki aankh pr uske pratibimb ko neeche jal mein dekhkar nishaana saadhane ka prayaas kiya kintu safalta haath na lagi aur ve kaantiheen hokar apne sthaan mein laut aaye. in asafal logon mein jaraasandh, shalya, shishupaal tatha duryodhan, du:shaasan aadi kaurav bhi sammilit the. kauravon ke asafal hone par ek braahman ko Rajkumari ko praapt karna chaaha. arjun ne tailapaatr mein pratibimb ko dekhte huye ek hi baan se nishaana laga daala. draupadi ne aage badh kar arjun ke gale mein varamaala daal diya.

ek braahman ke gale mein draupadi ko varamaala daalte dekh samast kshatriya raaja-mahaaraaja evam raajakumaaron ne krodhit ho kar arjun par aakraman kar diya. paandavon tatha kshatriya raajaaon mein ghamaasaan yuddh hone laga.


paandav draupadi ko saath le kar vahaaain pahuainche jahaaain ve apni maata kunti ke saath nivaas kar rahe the. dwaar se hi arjun ne pukaar kar apni maata se kaha, "maate! aaj ham log aapke liye ek adbhut bhiksha le kar aaye hain." us par kunti ne bheetar se hi kaha, "putron! tum log aapas mein mil-baaaint usaka upabhog kar lo." baad mein yeh gyaat hone par ki bhiksha vadhoo ke roop mein hain, kunti ko atyant pashchaataap hua kintu maata ke vachanon ko satya siddh karne ke liye draupadi ne paaainchon paandavon ko pati ke roop mein sveekaar kar liya.

paandavon ke draupadi ko saath le kar apne nivaas par pahuainchane ke kuchh kaal pashchaat unke peechhe-peechhe Krishna bhi vahaaain par aa pahuainche. aupachaariktaaeain poorn hone ke pashchaat kunti ne draupadi se kaha, "draupadi!pehle devataaon ke ansh nikaalo. fir braahmanon ko do. tatpashchaat aashriton ka ansh alag karo. uske baad jo shesh bache usaka aadha bhaag bheem ko aur shesh aadha bhaag ham sabhi ko apni deh paroso."pativrata draupadi ne kunti ke aadesh ka paalan kiya. bhojan ke pashchaat kushaasan par mrugacharm bichha kar ve so gaye. draupadi maata ke pairon ki or soi.

srot

sukhasaagar ke saujanya se