doaab

Bhaarat ka prasiddh doaab : ganga-yamuna ka doaab
uttari bhaarateeya upamahaadveep ke prasiddh doaab

doaab do nadiyon ke beech ke kshetr ko kehte hain. yeh 'do' aur 'aab' (yaani 'paani') shabdon ke jod se bana hai, jaise ganga aur yamuna ke beech ki bhoomi. duniyaaain mein is prakaar ke anek doaab hain, jaise dajala aur faraat ka doaab aadi. par Bhaarat mein doaab vishesh roop se ganga aur yamuna ke madhya ki bhoomi ko hi kehte hain, jo uttar pradesh mein shivaalik pahaadiyon se lekar Allahabad mein donon nadiyon ke sangamasthal tak faila hua hai. nimn doaab, jo itaava jile se lekar Allahabad tak faila hai, antarved kahalaata hai.

anukram

ganga-yamuna ka doaab

ganga yamuna ke doaab ke antargat sahaaranapur, mujaffaranagar, Meerut, bulandashahar, Aligadh jile sampoorn tatha Mathura, Agra, eta, mainapuri, jilon ke kuchh bhaag evam itaava, farrukhaabaad, Kanpur, fatehapur, Allahabad ke adhikaansh bhaag aate hain. ismein adhikaansh upajaaoo jalodh mitti milti hai. yeh kshetr oopari ganga, nimn ganga tatha poorvi yamuna nahar ke dvaara seencha jaata hai. gehooain utpaadan mein yeh uttar pradesh ka pramukh kshetr hai. keval nadiyon ke kinaarevaale bhaagon mein tang ghaati milti hai. ismein kaheen kaheen chhote mote oosar tatha dhaak ke jungle bhi hain. is doaab mein Kanpur, haatharas, Meerut, sahaaranapur, itaava auraiya aadi pramukh nagar hai, jo vyaapaar mein kaafi unnat hain. relon ka jaal chaaron taraf faila hua hai. yahaaain janasankhya kaafi ghani hai, kyonki yahaaain sabhi prakaar ki krushi hoti hai aur yaataayaat ke saadhan aadi uttam hain. jalavaayu bhi uttam hai.

bhaarateeya upamahaadveep ke anya doaab

bhaarateeya upamahaadveep ke uttari kshetr mein bahut se prasiddh doaab hain:[1]

  • uttar Bhaarat mein yadi bina kisi nadi ke naam ke saath keval doaab kaha jaae to yeh ganga aur yamuna ke beech ke kshetr ka naam hai.
  • Jhelum nadi aur chenaab nadi ke beech ka kshetr jech doaab kahalaata hai.
  • chenaab nadi aur raavi nadi ke beech ka kshetr rechana doaab kahalaata hai.
  • raavi nadi aur byaas nadi ke beech ka kshetr baari doaab kahalaata hai.
  • byaas nadi aur sataluj nadi ke beech ka kshetr bist doaab kahalaata hai.

inhein bhi dekhein

sandarbh

  1. Strategies of British India: Britain, Iran, and Afghanistan, 1798-1850, Malcolm Yapp, Clarendon Press, 1980, ... Between the Indus and the Jhelum was the Sind-Sagar Doab; between the Jhelum and the Chenab was the Jech (Chej) Doab ... the Rechna Doab; between the Ravi and the Beas was the Ban Doab; and between the Beas and the Satlej lay the Bist ...