divodaas

agar aap rigved mein ullekhit is naam ke raaja par jaankaari dhoondh rahe hain to divodaas (rigved) ka lekh dekhein

praacheen Bhaarat mein divodaas naam ke teen raaja hue the.

(1) pratham divodaas kaashi ka chandravanshi raaja tha. puraanon mein usaki charcha hai (brahm, 11. 39-48; vaayu, 92.23.38,61-68; brahmaand, truteeya, 67.26-31, 64-72). kabhi-kabhi uske vanshaj dviteeya divodaas ke saath ulajhe hue roop mein milte hain. kintu paarjistar mahodaya ka yeh kram nirdhaaran sahi prateet hota hai (ensheint Indian histaurikl tredishns‌, 1962, prusht 153-55) ki pratham divodaas dakshinaapath ke haihayavanshi do raajaaon bhadrashrenya aur dardabh ka samakaaleen tha. vah bheemarath ka putr tha aur haihayon ke aakraman ke kaaran sambhavat: use apni rajdhani Varanasi chhodkar ganga-gomati-sangam ki or bhaagna pada tha.

(2) pratham divodaas ke teen pushton baad usi ke naam ka ek doosra raaja hua. is dviteeya divodaas ke samay haihaya taalajangh vanshi veetihvya (veetihotr) ke putron ne kaashi par pun: aakraman kiya aur use yuddh mein haraaya. kintu sheegra hi uske putr pratardan ne unhein maar bhagaaya.

(3) truteeya divodaas uttari panchaalon ki ek shaakha truts ka raaja tha aur atithigv usaki upaadhi thi. uske pita ka naam vruhadashv (vishn, chaturth 19.61) athva bhadrashv tha. vah ek mahaan‌ yoddha aur vijeta tha tatha pauravon, yaadavon aur turvason se usaki ladaaiyaaain hui heen, pani logon aur daason se bhi uske yuddh hue. daason ka usaka shatru raaja shanbar tha jise usane kai baar haraaya. (rigved, pratham 112,14; pratham, 116,18; pratham, 119,4; pratham, 130-7; dviteeya, 19.6; chaturth 26,3 aadi) yoddha ke saath hi saath vah mahaan‌ vidvaan‌ aur vaidik mantron ka rachayita tha. vaidik saahitya ke anek sthalon mein bhi usaki charchaaeain milti hain (rigved, shashth, 61.1; saptam 19.8; navam. 61.2).