dimpal Yadav

dimpal Yadav samaajavaadi party ke pradesh adhyaksh, vidhaan mandal dal ke neta va uttar pradesh ke mukhyamantri Akhilesh Yadav ki dharmapatni hain jo ki kannauj se nirvirodh saansad chuni gayi hain. unke teen bachche hain-aditi, Tina aur arjun.

raajaneeti mein aane se poorv dimpal apne parivaar ke sadasyon sahit aay se adhik sampatti arjit karne ke maamale mein shaamil theen.[1][2] raajaneetik kshetr mein pehla chunaav ve haar gayeen lekin unhonne himmat naheen haari. antat: unke pati Akhilesh Yadav ne apne dvaara jeeti gayi kannauj lok sabha seat unke liye khaali kar di. dimpal ne is seat ke liye apna naamaankan patra daakhil kar diya.

mukaabale mein Congress, bhaajapa aur bahujan samaaj party ne unke khilaaf apna pratyaashi hi naheen utaara jabki do anya, dasharath Singh shankavaar (sanyukt samaajavaadi dal) aur sanjoo katiyaar (svatantr ummeedavaar) ne apna naamaankan vaapas le liya. jiska parinaam yeh hua ki 2012 ka lok sabha up-chunaav unhonne nirvirodh jeetkar uttar pradesh mein ek keertimaan sthapit kiya.

dimpal se poorv purushottam das Tandon ne uttar pradesh ki Allahabad pashchimi Loksabha seat san 1952 mein ek purush pratyaashi mein roop mein nirvirodh jeeti thi.

raajaneeti mein apne pati ka haath bataane ke liye ve mukhya mantri Akhilesh Yadav ka twitter va Facebook akaaunt swayam dekhti hain.[3]

celebrity saansad bani dinpal dinpal Yadav uttar pradesh mein celebrity saansad ke roop mein bhi jaani jaati hain. har bade business gharaane aur sansthaan apne kaaryakramon mein shreemati Yadav ko aamantrit karne ki hod mein rahati hain.[4]

sandarbh