dhrutaraashtr

mahaabhaarat mein dhrutaraashtr hastinaapur ke mahaaraaj vichitraveerya ki pehli patni Ambika ke putr the. unka janm maharshi ved vyaas ke varadaan svaroop hua tha. hastinaapur ke ye netraheen mahaaraaj sau putron aur ek putri ke pita the. unki patni ka naam gaandhaari tha. baad mein ye sau putr kaurav kahalaae. duryodhan aur du:shaasan kramash: pehle do putr the.[1]

janm

apne putr vichitraveerya ki mrutyu ke baad maata satyavati apne sabse pehle janmein putr, vyaas ke paas gain. apni maata ki aajnyaa ka paalan karte hue, vyaas muni vichitraveerya ki donon patniyon ke paas gaye aur apni yaugik shaktiyon se unhein putr utpann karanein ka varadaan diya. unhonne apni maata se kaha ki ve donon raaneeyon ko ek-ek kar unke paas bhejein aur unhe dekhkar jo jis bhaav mein rahega usaka putr vaisa hi hoga. tab pehle badi raani Ambika kaksh mein gain lekin vyaasaji ke bhayaanak roop ko dekhkar dar gayi aur bhaya ke maare apni aaainkhein band kar leen. isliye unhein jo putr utapann hua vah janmaandh tha. vah janmaandh putr tha dhrutaraashtr. unki netraheenata ke kaaran hartinaapur ka mahaaraaj unke anuj paandu ko niyukt kiya gaya. paandu ki mrutyu ke baad ve hastinaapur ke mahaaraaj banein.

sandarbh

  1. "mahaabhaarat ke vo 10 paatr jinhein jaante hain bahut kam log!". dainik bhaaskar. 27 December 2013. Archived from the original on 28 December 2013. http://archive.is/Gz0tp.