dholaaveera

dholaaveera ka parishkrut jal rijravaayar.

Gujarat mein kachh pradesh ke utareeya vibhaag khadeer mein dholaaveera gaanv ke paas paanch hajaar saal pehle vishv ka yeh praacheen mahanagar tha. us jamaane mein lagbhag 50,000 log yahaaain rahate the. 4,000 saal pehle is mahanagar ke patan ki shuruaat hui. san 1450 mein vaapas yahaan maanav basaahat shuru hui. puraatattv vibhaag ka yeh ek ati mahattv ka sthaan 23.52 uttar akshaansh aur 70.13 poorv deshaantar par sthit hai. yahaaain uttar se manasar aur dakshin se manahar chhoti nadi se paani jama hota tha. hadppa sanskruti ke is nagar ki jaankaari 1960 mein hui aur 1990 tak iski khudaai chalti rahi. hadppa, mohan jodado, ganereevaala, raakheegadh, dholaaveera tatha lothal ye chh: puraane mahanagar puraatan sanskruti ke nagar hai. jismein dholaaveera aur lothal Bhaarat mein sthit hai. is jagah ka khanan puraatattv vibhaag ke dau॰ aar. S. bist ne kiya tha. dholaaveera ka 100 hekteyar kshetr mein vistaar tha. praant adhikaariyon ke liye tatha saamaanya jan ke liye alag-alag vibhaag the, jismein praant adhikaariyon ka vibhaag majaboot patthar ki surakshit deevaar se bana tha, jo aaj bhi dikhaai deta hai. anya nagaron ka nirmaan kachchi pakki inton se hua hai. dholaaveera ka nirmaan chaukor evam aayataakaar pattharon se hua hai, jo sameep sthit khadaano se milta tha. aisa lagta hai ki dholaaveera mein sabhi vyaapaari the aur yeh vyaapaar ka mukhya kendra tha. yeh kuberapatiyon ka mahanagar tha. aisa lagta hai ki sindhu nadi samudra se yaha milti thi. bhookamp ke kaaran sampoorn kshetr ooaincha-neecha ho gaya. aaj ke aadhunik mahaanagaron jaisi pakki gatar vyavastha paanch hajaar saal pehle dholaaveera mein thi. poore nagar mein dhaarmik sthalon ke koi avashesh naheen paayein gaye hai. is praacheen mahanagar mein paani ki jo vyavastha ki gayi thi vah addabhut hai. aaj ke samay mein baaris mushkil se hoti hai. banjar jameen ke chaaro or samudra ka paani faila hua hai. is mahanagar mein antim sanskaar ki alag-alag vyavasthaaeain thi.

Bhaarat, Japan tatha vishv ke anya nishnaanto ne computer ki madad se nagar ki kuchh tasveerein banaayi hai. krupaya use dekhkar mahanagar ki bhavyata ka darshan karein.

anukram

aitihaasik saain board

dholaaveera ke uttareeya mahaadvaar ke oopar likhe gaye das akshar

surakshit kile ke ek mahaadvaar ke oopar us jamaane ka saain board paaya gaya hai, jis par das bade-bade aksharo mein kuchh likha hai, jo paanch hajaar saal ke baad aaj bhi surakshit hai. vah mahanagar ka naam hai athva praant adhikaariyon ka naam, yeh aaj bhi ek rahasya hai. aisa lagta hai jaise nagarajano ka svaagat ho raha hon? sindhu ghaati ki lipi aaj bhi ek anasulajhi paheli hai. aap hi dekhein sundar aksharon mein kya likha hai.

sindhu ghaati ke logon ki bhaasha evam lipi

Triseal.jpg

haddapa, mohan jodado tatha dholaaveera ke log kaun si bhaasha bolte the aur kis lipi ka upayog karte the, agyaat hai| yahaaain vibhinn prakaar ke lagbhag 400 mool sanket paayein gaye hai | saadhaaranataya shabdon ki likhaavat daayein se baayeen disha ki or hai | inmein se adhiktar lipi muhar (patthar par ubhareen hui pratikruti) tatha chhaap (mitti ki pattika par dabaakar banaai gayi pratikruti) ke rup mein paayi gayi hai | inmein se kuchh lipi taanbein aur kaanse ke prastar tatha kuchh teraakota aur patthar ke roop mein paayi gayi hai | aisa lagta hai ki in muharon ka upayog vyaapaar aur aadhikaarik prashaasakeeya kaarya ke liye kiya jaata raha hoga | in lipiyon ko dekhkar aisa prateet hota hai ki yeh kisi saamoohik utsav (mela, kisi prakaar ka saamoohik vaad-vivaad jismein anek samooh ke netaaon ne bhaag liya ho) ke poster aur banner ke rup me prayukt kiya gaya ho aur kisi vishesh samooh ke naamon ko ingit karta ho |

sindhu ghaati sabhyataa‎

sindhu ghaati sabhyata(3300-1700 E.poo.) yeh hadppa sanskruti vishv ki praacheen nadi ghaati sabhyataaon mein se ek pramukh sabhyata thi. iska vikaas sindhu nadi ke kinaare ki ghaatiyon mein mohanajodado, kaaleebanga, chanhudado, rangapur, lothal, dholaaveera, raakheegari, daimaabaad, sutkangedor, surakotada aur hadppa mein hua tha. british kaal mein hui khudaaiyon ke aadhaar par puraatatvavetta aur itihaasakaaron ka anumaan hai ki yeh atyant viksit sabhyata thi aur ye shahar anek baar base aur ujade hain.

mahanagar mein aapka svaagat

  • havaai jahaaj se kachh ke puraane aitihaasik paatanagar bhuj havaai adde par utar sakte hai. jahaan se 300 kilomeetar ki doori par dholaaveera sthit hai.
  • train se Ahmedabad veeramagaam se aage saamakhiyaari par utarein. vahaan se 160 kilomeetar ki doori par dholaaveera sthit hai.
  • sadak maarg se Ahmedabad ya paalanapur se raapar ya bhachaau hokar dholaaveera aa sakte hai.
  • krupaya paani ki vyavastha apne aap karein. dholaaveera mein shaakaahaari khaana or peya jal milega. yahaaain sadak maarg pakki hai | garami aur dhoop se bachane ke liye November se March ke beech mein yaatra kare to suvidha hogi.

inke sahaare gyaan mein vruddhi hogi