dhaulapur

dhaulapur
shahar
samay mandal: IST (UTC+5:30)
desh Flag of India.svg Bhaarat
jila dhaulapur
janasankhya 92,137 (2001 tak )
kshetrafal
ooainchaai (AMSL)

• 177 meter (581 fee॰)
aadhikaarik jaalasthal: dholpur.nic.in/

Erioll world.svgnirdeshaank: 26°a42′aN 77°a54′aE / 26.7°aN 77.9°aE / 26.7; 77.9 dhaulapur raajas‍aathaan ka ek chhota sa shahar hai. yeh dhaulapur jile mein aata hai. dhaulapur vishesh roop se baluaa patthar ke liye jaana jaata hai. yahaan banaai jaane waali adhiktar imaaraton ka nirmaan in baluaa pattharon se hi kiya jaata hai. dhaulapur mein kai mandir, kile, jheel aur mahal hai jahaan ghooma ja sakta hai.

anukram

itihaas

dhaulapur ek puraane aitihaasik shahar ke roop mein jaana jaata hai. pehle is jagah ko dhavalapuri ke naam se jaana jaata tha. dhaval Dave ke shaasan ke baad is shahar ka nirmaan kiya gaya. is shahar ka nirmaan hone ke baad is jagah ko dhaulapur ke naam se jaana jaane laga. 846 isaveen mein yahaan chauhaan raaj-vansh ne shaasan kiya tha.

mool roop se yeh nagar gyaaharaveen shataabdi mein raaja dholan Dave ne basaaya tha. pehle iska naam dhavalapur tha, apabhransh hokar iska naam dhaulapur mein badal gaya. vartamaan nagar mool nagar ke uttar mein basa hai. chanbal nadi ki baadh se bachane ke liye aisa kiya gaya. pehle dhaulapur saamanti raajya ka hissa tha, jo 1949 mein Rajasthan pradesh ka hissa ban gaya. dhaval Dave shaasan ke baad is shahar ka nirmaan kiya gaya. is shahar ka nirmaan hone ke baad is jagah ko dhaulapur ke naam se jaana jaane laga. 846 isaveen mein yahaaain chauhaan vansh ne shaasan kiya tha. dhaulapur vishesh roop se baluaa patthar ke liye jaana jaata hai.

dhaulapur bhootapoorv jaat riyaasat hai. dhaulapur se nikat raaja muchukund ke naam se prasiddh gufa hai jo gandhamaadan pahaadi ke andar bataai jaati hai. pauraanik katha ke anusaar Mathura par kaalayavan ke aakraman ke samay shreekrushn Mathura se muchukund ki guha mein chale aae the. unka peechha karte hue kaalayavan bhi isi gufa mein pravisht hua aur vahaaain sote hue muchukund ko shreekrushn ne uttaraakhand bhej diya. yeh katha shreemad Bhagwat 10,15 mein varnit hai. kathaaprasang mein muchukund ki guha ka ullekh is prakaar hai.[1] dhaulapur se 842 E. ka ek abhilekh mila hai, jismein chandasvaamin athva soorya ke mandir ki pratishthaapana ka ullekh hai. is abhilekh ki visheshata is tathya mein hai ki ismein hamein sarvapratham vikramasanvat ki tithi ka ullekh milta hai jo 898 hai. dhaulapur mein bharatapur ke jaat raajyavansh ki ek shaakha ka raajya tha. bharatapur ke sarvashreshth shaasak soorajamal jaat ki mrutyu ke samay (1764 E.) dhaulapur bharatapur raajya hi mein sammilit tha. peechhe yahaan ek alag riyaasat sthaapit ho gayi.

paryatan sthal

chaupada-mahaadev mandir

yeh ek aitihaasik mandir hai. is mandir mein ki gayi vaastukala kaafi khoobsoorat hai. yeh Shiv mandir gvaaliyr-Agra maarg par baain or lagbhag sau kadam ki doori par sthit hai. ise chaupada-mahaadev ka mandir kehte hain. mandir mein poojan-archan ki kriya shri ganesh aachaarya ki dekh-rekh mein poore shaastrokt vidhaan se sampan hoti hain. jagad guru shankaraachaarya shri shree1008 svaami shri jayendr sarasvati bhi yahaan Abhishek kar chuke hain.

muchukund-sarovar

agar aap dhaulapur aaen to muchukund sarovar avashya ghoomein. is taalav ka naam raaja muchukund ke naam par rakha gaya. yeh taalaav atyant praacheen hai. raaja muchukund soorya vanshake 24vein raajaathe. puraanon mein aisa ullekh hai ki raaja muchukund yahaan par so rahe the, usi samay asur kaalayavan Bhagwan shreekrushn ka peechha karte hue yahaan pahunch gaya aur usane Krishna ke bhram mein, varadaan paakar soe hue raaja muchukund ko jaga diya. raaja muchukund ki najar padte hi kaalayavan vaheen bhasm ho gaya. tab se yeh sthaan dhaarmik sthal ke roop mein jaana jaata hai. is sthaanake aas-paas aisi kai jagah hai jinka nirmaan ya roop parivartan mugal samraat Akbar ne karavaaya tha. muchukund sarovar ko sabhi teerthon ka bhaanja kaha jaata hai. muchukund-teerth naamak bahut hi sundar ramaneek dhaarmik sthal prakrutiki god mein dhaulapur ke nikat gvaaliyr-Agra maarg ke baani or lagbhag do ki0mee0ki doori par sthit hai. is vishaal evam gahre jalaashaya ke chaaron or vaastu kala mein bejod anek chhote-bade mandir tatha poojaagruh paalaraajaaon ke kaal 775 E.se 915 E.tak ke bane hue hai. yahaan prativrsh bhaadrapad shukl rishi-panyachami aur baladev-chhat ko vishaal mela lagta hai. jismein laakhon ki sankhya mein door-door se shraddhaalu aate hain, is sarovar mein snaan kar tarpan-kriya karte hain. aisi maanyata bhi hai ki yahaan lagaataar saat ravivaar snaan karanese kaan se sar ka bahana band ho jaata hai. har amaavasya ko hajaaron teerthayaatri praat:kaal se hi muchukund-teerthaki parikrama lagaate hain. isi prakaar har poornima ko saayankaal muchukund-sarovaraki maha-aarateeka aayojan hotaahai, jismein saikadon ki taadaad mein bhakt sammilit hote hain.


sheragadh kila

yeh kila dhaulapur se paanch kilometer ki doori par chambal nadi ke kinaare khaaron ke beech sthit hai. is kile ka nirmaan dhaulapur naresh maaladev ne 1532 E. ke aaspaas karavaaya tha. iske baad is kile ko sherashaah sooreeke aakraman ka saamana karna pada aur is kile ka naam sheragadh kila kar diya gaya.

mandir shri Ram-jaanki aur shri hanumaan ji, puraani chhaavani

vigrah-shri hanumaan ji, puraani chhaavani, dhaulapur. chhaayaakaar-gopeshvar vashishth

dhaulapur relve station se 6-ki0mee0, dhaulapur-baadi maarg se saraani kheda jaane vaale maarg par sthit hai puraani- chhaavani. maarg par aaaintau-riksa chalte rahate hain. mahaaraaj shri keertasinh ne gohad se aakar is sthaan par chhaavani sthaapit ki aur yahaan vi0san01642(sun-1699) mein-mandir ka nirmaan karavaaya. mandir mein chaubees avataar yukt maryaadaapurushottam shreeraamak ashtadhaatuka manohaari vigrah hai, jo uttaraabhimukh hai. is durlabh moorti ki chori bhi ho gayi thi. antararaashtreeya moorti taskaraun ke changul se niklavaane mein tatkaaleen dee0aai0jee0, kendreeya police bal, shri jagadaanand Singh ki pramukh bhoomika rahi. mandir parishrake Singh dvaarake baain or, apne aaraadhya prabhu shri raamako nihaarate hue (dakshinaabhimukh) Ram bhakt hanumaan ki vishaal pratima hai. pratima mein rakt-vaahika (nashein) najar aati hain.

khaanapur mahal

is kile ka nirmaan mugal shaasan ke dauraan shaahajahaan ne karavaaya tha. is mahal ki khoobsoorat banaavat paryatakon ko apni or aakarshit karti hai.

"van vihaar" vanya jeev abhayaaranya

yeh abhayaaranya shahar se 18 kilomeetaraki doori par sthit hai. yeh abhayaaranya dhaulapur shaasakaka sabse puraana vanyajeev-abhayaaranya hai. iska kshetrafal kareeban 59.86 varg kilometer hai. vanavihaar vindhya-pathaar par sthit hai. taalaab A shaahi ka nirmaan saalekhaan ne karavaaya, jo saahajahaanka jaageeradaar tha.

taalaab-A-shaahi

yeh jagah dhaulapur - baadi maarg par dhaulapur se 40 kilometer ki doori par sthit hai. taalaab-A-shaahi kaafi khoobsoorat evam aitihaasik jheel hai. is jheel ka nirmaan shaahajahaan ne 1617 isavi mein karavaaya tha. is jheel ko dekhne ke liye kaafi sankhya mein paryatak yahaan aate hain. yahaaain raaja v raani ke do mahal hai | raani ke mahal ko paryatakon hetu hotel mein paravartit kar diya gaya hai jo aaj bhi aakarshan ka kendra hai |

raamasaagar-abhayaaranya

yeh abhayaaranya dhaulapur se 34 kilometer ki doori par sthit hai. yeh abhayaaranya raamasaagar jheel ka ek hissa hai. is jheel mein magaramachh ke saath machhaliyon evam saanpon ki prajaatiyaan dekhi ja sakti hai. iske atirikt paani mein rahane waali pakshi jaise jalakauva, battakh aadi bhi dekh sakte hain. yeh baadi ke nikat hai.

shri bhooteshvar-mahaadev mandir

shri mahankaal (mahaakaaleshvar) mandir, saramathura

lasavaari-

lasavaari ek aitihaasik sthal hai. isi sthaan par laard lek ne daulat Rao sindhiya ki hatya ki thi. iske alaava yahaan puraana mugal garden, damoh jal prapaat aur Kanpur mahal bhi hain. yeh sabhi jagah lasavaari ki khoobsoorat jagahon mein se hain. damoh- saramathura se 2 ki0mi0 ki doori par hai. yeh ek sundar jal-prapaat hai. iski oonchaai 300 foot hai. saramathura ka mahankaal (mahaakaaleshvar) mandir prasiddh hai.

udyog aur vyaapaar

is nagar mein railway kaaryashaala tatha udyogon mein hathakaragha-galeecha bunaai va kaanch ka saamaan banaane ki ikaaiyaan shaamil hain.

janasankhya

2001 ki janaganana ke anusaar dhaulapur nagar ki kul janasankhya 92,137 hai; aur dhaulapur jile ki kul janasankhya 9,82,815 hai.

aavaagaman

havaai maarg

sabse najadeeki airport Agra mein hai. Agra se dhaulapur ki doori 60 kilometer hai.

rel maarg

rel maarg dvaara dhaulapur se Delhi 230 kilometer ki doori par sthit hai.

sadak maarg

sadak maarg dvaara bharatapur se dhaulapur 113 kilometer ki doori par sthit hai.

sandarbh

baahari kadiyaaain