dharmachakr

dharmachakr, dharmashiksha roopi chakr (pahiya) ka prateek hai jise Gautam buddh ne kaashi ke nikat saaranaath mein sabko dharm ki shiksha dene ke liye chalaaya tha. yeh pragati aur jeevan ka prateek bhi hai. mahaatma buddh ne saaranaath mein jo pratham dharmopadesh diya tha use dharmachakr pravartan bhi kaha jaata hai.

bauddh kathaayein hamein batalaati hain ki shakr aur mahaabrahma ki praarthana ko sveekaar kar buddh vajraasan se utar pade aur Varanasi ki or chale. vahaan par saaranaath mein, jise us samay isiptan kehte the, unhein unke puraane paanch saathi mil jo aage chal kar panch bhadravargeeya bhikshu kahalaaye. in bhikshuon ko unhonne sarvapratham 'bahujanahitaaya bahujanasukhaaya' apna amoolya upadesh diya aur is prakaar apne dharmachakr ko gati di.

rupakaatmak bhaasha ka prayog karte hue lalitvistar batalaata hai ki is prakaar baarah tilliyon vaale, teen ratnon se sushobhit dharm chakr ko kaudinya, panch bhadravargeeya, chhah karod devata tatha anyaanya logon ke sammukh Bhagwan buddh dvaara chalaaya gaya. 13

dharmachakr ka ek saraleekrut roop

• Bhaarat ke raashtreey-dhvaj (tiranga-dhvaj) ke madhya ki patti mein dharmachakr rakha gaya hai.
• sikkim ke raashtreeya-dhvaj mein dharmachakr ka ek vishesh roop sveekaar kiya gaya hai.
• yoonikod mein dharmachakr ke liye ek sanket pradaan kiya gaya hai aur usaka yoonikod hai - U+2638 (☸).

• ashtamangal
• chakravarti