dhanateras

dhanateras
धनतेरस
dhanateras vrat
aadhikaarik naam dhanateras vrat
anuyaayi hindu, bhaarateeya, bhaarateeya pravaasi
tithi kaartik Krishna paksh ki trayodashi

jis prakaar devi lakshmi saagar manthan se utpann hui thi usi prakaar Bhagwan dhanavantari bhi amrut kalash ke saath saagar manthan se utpann hue hain. devi lakshmi haalaanki ki dhan devi hain parantu unki krupa praapt karne ke liye aapko svasthya aur lambi aayu bhi chaahiye yahi kaaran hai deepaavali do din pehle se hi yaani dhanateras se hi deepaamaalaaen sajane lagti hein.

kaartik Krishna paksh ki trayodashi tithi ke din hi dhanvantari ka janm hua tha isliye is tithi ko dhanateras ke naam se jaana jaata hai. dhanvantari jab prakat hue the to unke haatho mein amrut se bhara kalash tha. Bhagwan dhanvantari chuki kalash lekar prakat hue the isliye hi is avsar par bartan khareedne ki parampara hai. kaheen kaheen lokamaanyata ke anusaar yeh bhi kaha jaata hai ki is din dhan (vastu) khareedne se usamein 13 guna vruddhi hoti hai. is avsar par dhaniya ke beej khareed kar bhi log ghar mein rakhate hain. deepaavali ke baad in beejon ko log apne baag-bageechon mein ya kheton mein bote hain.

dhanateras ke din chaandi khareedne ki bhi pratha hai. agar sambhav na ho to koi bartan kharide. iske peechhe yeh kaaran maana jaata hai ki yeh chandrama ka prateek hai jo sheetalata pradaan karta hai aur man mein santosh roopi dhan ka vaas hota hai. santosh ko sabse bada dhan kaha gaya hai. jiske paas santosh hai vah svasth hai sukhi hai aur vahi sabse dhanavaan hai. Bhagwan dhanvantari jo chikitsa ke devata bhi hain unase svaasthya aur sehat ki kaamna ke liye santosh roopi dhan se bada koi dhan naheen hai. log is din hi deepaavali ki raat lakshmi ganesh ki pooja hetu moorti bhi khareedte hein.

pratha

dhanateras ki shaam ghar ke baahar mukhya dwaar par aur aangan mein deep jalaane ki pratha bhi hai. is pratha ke peechhe ek lok katha hai, katha ke anusaar kisi samay mein ek raaja the jinka naam hem tha. daiv krupa se unhein putr ratn ki praapti hui. |jyontishiyon ne jab baalak ki kundali banaai to pata chala ki baalak ka vivaah jis din hoga uske theek chaar din ke baad vah mrutyu ko praapt hoga. raaja is baat ko jaanakar bahut dukhi hua aur Rajkumar ko aisi jagah par bhej diya jahaan kisi stri ki parachhaai bhi na pade. daivayog se ek din ek Rajkumari udhar se gujri aur donon ek doosare ko dekhkar mohit ho gaye aur unhonne gandharv vivaah kar liya.

vivaah ke pashchaat vidhi ka vidhaan saamane aaya aur vivaah ke chaar din baad yamadoot us Rajkumar ke praan lene aa pahunche. jab yamadoot Rajkumar praan le ja rahe the us vakt navavivaahita usaki patni ka vilaap sunakar unka hrudaya bhi dravit ho utha parantu vidhi ke anusaar unhein apna kaarya karna pada. yamaraaj ko jab yamadoot yeh kah rahe the usi vakt unamein se ek ne yamadevata se vinti ki he yamaraaj kya koi aisa upaaya naheen hai jisse manushya akaal mrutyu ke lekh se mukt ho jaae. doot ke is prakaar anurodh karne se yamadevata bole he doot akaal mrutyu to karm ki gati hai isse mukti ka ek aasaan tareeka main tumhein bataata hoon so suno. kaartik Krishna paksh ki raat jo praani mere naam se poojan karke deep maala dakshin disha ki or bhet karta hai use akaal mrutyu ka bhaya naheen rahata hai. yahi kaaran hai ki log is din ghar se baahar dakshin disha ki or deep jalaakar rakhate hain.

dhanvantari

dhanvantari devataaon ke chikitsak hain aur chikitsa ke devata maane jaate hain isliye chikitsakon ke liye dhanateras ka din bahut hi mahatva poorn hota hai. dhanateras ke sandarbh mein ek lok katha prachalit hai ki ek baar yamaraaj ne yamadooton se poochha ki praaniyon ko mrutyu ki god mein sulaate samay tumhaare man mein kabhi daya ka bhaav naheen aata kya. dooton ne yamadevata ke bhaya se pehle to kaha ki vah apna kartavya nibhaate hai aur unki aajnyaa ka paalan karte hein parantu jab yamadevata ne dooton ke man ka bhaya door kar diya to unhonne kaha ki ek baar raaja Hema ke brahmachaari putr ka praan lete samay usaki navavivaahita patni ka vilaap sunakar hamaara hrudaya bhi paseej gaya lekin vidhi ke vidhaan ke anusaar ham chaah kar bhi kuchh na kar sake.

ek doot ne baaton hi baaton mein tab yamaraaj se prashn kiya ki akaal mrutyu se bachane ka koi upaaya hai kya. is prashn ka uttar dete hue yam devata ne kaha ki jo praani dhanateras ki shaam yam ke naam par dakshin disha mein deeya jalaakar rakhata hai usaki akaal mrutyu naheen hoti hai. is maanyata ke anusaar dhanateras ki shaam log aaaingan me yam devata ke naam par deep jalaakar rakhate hain. is din log yam devata ke naam par vrat bhi rakhate hain.

dhanateras ke din deep jalaakakar Bhagwan dhanvantari ki pooja karein. Bhagwan dhanvantari se svaasth aur sehatamand banaaye rakhane hetu praarthana karein. chaandi ka koi bartan ya lakshmi ganesh ankit chaandi ka sikka khareedein. naya bartan khareede jismein deepaavali ki raat Bhagwan shri ganesh va devi lakshmi ke liye bhog chadhaaen.

sandarbh