dhamaar

dhamaar ka janm braj bhoomi ke lok sangeet mein hua. iska prachalan braj ke kshetr mein lok- geet ke rup mein bahut kaal se chala aata hai. is lokageet mein varnya- vishay raadha- Krishna ke holi khelne ka tha. ras shrungaar tha aur bhaasha thi braj. graamon ke unmookt vaataavaran mein drut gati ke deepachandi, dhumaali aur kabhi addha jaisi taal mein yuvak- yuvatiyon, praudh aur vruddhon, sabhi ke dvaara yeh lokageet gaae aur naache jaate the. braj ke sampoorn kshetr mein rasiya aur holi jan-jan mein vyaapt hai. pandrahaveen shataabdi ke ant aur solahaveen shataabdi ke praarambh mein us samay ke sangeet paridrushya ko dekhte hue Mansingh tomar aur naayak baijoo ne dhamaar gaayaki ki neenv daali. unhonne hori naamak lokageet braj ka liya aur usako gyaan ki agni mein tapaakar dhaal diya. praacheen charachari prabandh ke saanche mein, jo charachari taal mein hi gaae jaate the. hori gaayan ka priya taal aadi chaachar (charachari) deepachandi ban gaya. hori ki bandish to poorvavat rahi, vah vibhinn raagon mein nibddh kar di gayi. gaayan shaili vahi lok sangeet ke aadhaar par pehle vilanbit ant mein drut gati mein poorvaadharit taal se hat kar kaharava taal mein hoti hai aur shrota ko rasaavibhoot kar deti hai. naayak baijoo ne dhamaaron ki rachana chhoti ki. iski gaayan shaili ka aadhaar dhruvapad jaisa hi rakha gaya. varnya-vishay maatr faag se sambandhit aur ras shrungaar tha, vah bhi sanyog. viyog shrungaar ko dhamaar bahut kam sthaan praapt hain.

is shaili ka uddeshya hi romantic vaataavaran utpann karna tha. dhruvapad ki tarah aalaap, fir bandish gaai jaati thi. pad gaayan ke baad laya- baaaint pradhaan upaj hoti thi. vibhinn prakaar ki layakaariyon se gaayak shrotaaon ko chamatkrut karta tha. pakhaavaji ke saath ladnt hoti thi. sam ki lukaachhipi ki jaati thi. shreshth kalaakaar geya padaanshon ke svar sanniveshon mein bhi antar karke shrotaaon ko rasamagn karte the. is prakaar dhamaar ka janm hua aur yeh gaayan shaili desh bhar ke sangeetajnyaon mein fail gayi. gat ek shataabdi mein dhamaar ke shreshth gaayak Narayan shaasri, dharmadaas ke putr baharaam khaaain, pan॰ lakshmanadaas, giddhaur vaale mohammad Ali khaaain, aalam khaaain, aagare ke gulaam Abbas khaaain aur Udaipur ke daagar bandhu aadi hue hain. khyaal gaayakon ke vartamaan gharaanon mein se keval aagare ke ustaad faiyaaj khaaain nom-tom se alaap karte the aur dhamaar gaayan karte the. isi prakaar samay ke saath-saath mrudang aur veena vaadan mein bhi parivartan hota gaya. mrudang aur veena praacheen kaal se hi adhikaanshataya geetaanugat hi bajaai jaati theen. mukt vaadan bhi hota tha. mrudang aur veenaavaadakon ne bhi dhruvapad aur dhamaar gaayaki ke anurup apne ko dhaala. veena mein dhruvapadaanurup aalaap, jodaalaap, vilanbit laya ki gatein, taan, paranein aur jhaala aadi bajaae gaye. dhamaar ke anurup pakhaavaji se laya- baaaint ki ladnt shuru hui. pakhaavaji ne bhi dhruvapad- dhamaar mein prayukt taalon mein bhi abhyaas kiya, saath hi sangat ke liye vibhinn taalon aur layon ki paranon ko racha.[1]

sandarbh

  1. "braj kala evam sanskruti" (echateeem). indira Gandhi raashtreeya kala kendra. http://tdil.mit.gov.in/coilnet/ignca/brij614.htm. abhigman tithi: 2008.