dhalaai jila

tripura raajya mein chaar jile hain

dhalaai bhaarateeya raajya tripura ka ek jila hai. jile ka mukhyaalaya ambaasa hai. yahaan ka kshetrafal - 2,523 varg ki॰mee॰ hai, evam janasankhya - 3,07,868 (2001 janaganana) hai. yeh jila praakrutik sundarata ke liye prasiddh hai. dhalaai ka adhiktar kshetrafal parvaton aur jangalon se ghira hua hai. manu, dhalaai aur kovaai yahaan ki pramukh nadiyaan hai. dhalaai sthit do pramukh oonche parvat poorv mein laangathiraai aur pashchim mein athaaramura hai. laangathiraai mandir aur kamalesh‍aavari mandir yahaan ke pramukh aakarshak kendron mein se hain. kaafi sankhya mein prakruti-premi yahaan aana pasand karte hain.

garvameint sangrahaalaya

tripura garvameint sangrahaalaya paryatakon, vidyaarthiyon, janta aur shodhakattaaon aadi sabhi ko raajya ke bhootakaal aur vartamaan sambandhi itihaas aur parampara ki jaankaari pradaan karta hai. yahaan pradarshit adhiktar moortiyaan kaafi puraani hai. yahaan maujood pratimaaen Udaipur, pilk, jolaibari aur tripura ke anya jagahon se praapt hui hai. iske alaava pilk dvaara praapt sabhi moortiyon ka sangrah kaafi sundar hai. yeh hindu aur bauddhon ki parampara ka mishran hai. yeh apni shaili aur vibhinn vishyavastu ke liye apne aap mein prasiddh hai.

Agartala

Agartala mein pramukh aakarshan kendra uj‍aajaunta pailes, raajya sangrahaalaya, janajaateeya sangrahaalaya, sukaanta ekedami, M.bi.bi. college, lakshmeenaaraayaan mandir, uma mahesh‍aavar mandir, jagannaath mandir, benuban Bihar, gedu meen masjid, malaanch nivaas, Ravindra kanaan, purabaasha, hastaship kendra, chaudahavaan devi mandir, church aadi hai.

ujjayanta pailes

Agartala sthit ujjayanta pailes ek shaahi mahal hai. yeh mahal ek varg kilometer ke daayare mein faila hua hai. is mahal ka nirmaan mahaaraaja raadha kishor maanik ne san 1899-1901 E. ke dauraan karavaaya tha. mahal mein khoobsoorat taail, lakdi ka adhiktar kaam aur darvaajon par khoobsoorat hast kala ki gayi hai. is mahal ko vishaal mugal garden ki shaili mein taiyaar kiya gaya hai. ujjayanta mahal ki vaastukala kaafi aakarshak hai. iske atirikt mahal mein teen oonche gumbad hai.

laangathiraai mandir

laangathiraai Bhagwan Shiv ka naam hai. maana jaata hai ki Bhagwan Shiv ne apni Kailash yaatra ke dauraan laugathiraai parvat par kuchh samay ke liye vishraam kiya tha. yeh mandir isi parvat par sthit hai. laugathiraai ka arth gahari ghaati bhi hota hai. yeh mandir Agartala se 102 kilometer ki doori par raashtreeya raajamaarg 44 par sthit hai. prakruti-premiyon ke liye bhi yeh bilkul uchit sthaan hai. is khoobsoorat jagah par sthit laangathiraai mandir par hajaaron ki sankhya mein log aate hain.

kamalesh‍aavari mandir

kamalesh‍aavari maan kaali ka ek anya naam hai. yeh mandir kamalapur shahar ke madhya mein sthit hai. kamalesh‍aavari mandir anbaasa se lagbhag 35 kilometer aur Agartala se 122 kilometer ki doori par sthit hai.

vaayu maarg

sabse niktatam havaai adda si.A Agartala hai. Agartala se dhalaai 64 kilometer ki doori par sthit hai.

rel maarg

sabse najadeeki railway station kumaaraghaat hai.

sadak maarg

dhalaai sadkamaarg dvaara Bhaarat ke kai pramukh shaharon se juda hua hai.