dhaatupaath

kriyaavaachak mool shabdon ki soochi ko dhaatupaath kehte hain. inse upasarg evam pratyaya lagaakar anya shabd banaaye jaate hain.. udaaharan ke liye, 'kru' ek dhaatu hai jiska arth 'karna' hai. isse kaarya, karm, karan, karta, karoti aadi shabd bante hain.

pramukh sanskrut vaiyaakaranon (vyaakaran ke vidvaanon) ke apne-apne ganapaath aur dhaatupaath hain. ganapaath sambandhi svatantr granthon mein vardhamaan (12veen shataabdi) ka ganaratnamahodadhi aur bhatt yajnyaeshvar rachit ganaratnaavali (E. 1874) prasiddh hain. unaadi ke vivranakaaron mein ujjavaladatt pramukh hain. kaashakrutsn ka dhaatupaath kannad bhaasha mein prakaashit hai. bheemasen ka dhaatupaath tibbati (bhot) mein prakaashit hai. anya dhaatupaath hain-

  • poornachandr ka dhaatupaaraayan,
  • maitreyarakshit (dasveen shataabdi) ka dhaatupradeep,
  • ksheerasvaami (dasveen shataabdi) ki ksheeratarangini,
  • saayan ki maadhaveeya dhaatuvrutti,
  • shreeharshakeerti ki dhaatutarangini,
  • bopadev ka kaviklpadrum,
  • bhattamall ki aakhyaatachandrika .

anukram

paanineeya dhaatupaath

paanini ke ashtaadhyaayi ke ant mein (parishisht) dhaatuon evam upasarg tatha pratyayon ki soochi di hui hai. ise 'dhaatupaath' kehte hain. ismein lagbhag 2000 dhaatuen hain. ismein vedon mein praapt hone waali lagbhag 50 dhaatuen naheen hain. yeh dhaatupaath mool 10 vargon mein hain-

1. bhvaadi (bhoo + aadi)

2. adaadi (ad + aadi)

3. juhotyaadi

4. divaadi

5. svaadi

6. tudaadi

7. rudhaadi

8. tanaadi

9. kryaadi (kru+aadi)

10. churaadi

dhaatupaath ka mahatva

sanskrut bhaasha is maamale mein vishv ki anya bhaashaaon se vilkshan hai ki iske sabhi shabd dhaatuon ke ek chhote se samooh (dhaatupaath) se vyutpann kiye ja sakte hain. nimnalikhit ukti mein is gun ki mahatta ka darshan hota hai-

main nirbheekataapoorvak kah sakta hooain ki angreji ya laitin ya greek mein aisi sankalpanaaeain naganya hain jinhein sanskrut dhaatuon se vyutpann shabdon se abhivyakt na kiya ja sake. iske vipreet mera vishvaas hai ki 250,000 shabd sammilit maane jaane vaale angreji shabdakosh ki sampoorn sampada ke spashteekaran hetu vaanchhit dhaatuon ki sankhya, uchit seemaaon mein nyooneekrut paanineeya dhaatuon se bhi kam hai. …. angreji mein aisa koi vaakya naheen jiske pratyek shabd ka 800 dhaatuon se evam pratyek vichaar ka paanini dvaara pradatt saamagri ke saavadhaaneepoorvak veshleshan ke baad avishsht 121 maulik sankalpanaaon se sambandh nikaala na ja sake.

-- prasiddh jarman bhaaratavid maiksamoolar (1823 – 1900), apni pustak 'science of thaat' mein.

inhein bhi dekhein

baahari kadiyaaain