devi ahilyaabaai holakar

mahaaraani ahilyaabaai itihaas-prasiddh soobedaar malhaararaav holakar ke putr khanderaav ki patni theen. janm inka san 1725 mein hua tha aur dehaant 13 August 1795 ko; tithi us din bhaadrapad Krishna chaturdashi thi. ahilyaabaai kisi bade bhaari raajya ki raani naheen theen. unka kaaryakshetr apekshaakrut seemit tha. fir bhi unhonne jo kuchh kiya, usase aashcharya hota hai.

anukram

jeevan parichay

das-baarah varsh ki aayu mein unka vivaah hua. unatees varsh ki avastha mein vidhva ho gain. pati ka svabhaav chanchal aur ugr tha. vah sab unhonne saha. fir jab bayaalees-taintaalees varsh ki theen, putr maaleraav ka dehaant ho gaya. jab ahilyaabaai ki aayu baasath varsh ke lagbhag thi, dauhitr natthoo chal basa. chaar varsh peechhe daamaad yashavantaraav fanase na raha aur inki putri muktaabaai sati ho gayi. door ke sambandhi tukojeeraav ke putr malhaararaav par unka sneh tha; sochati theen ki aage chalakar yahi shaasan, vyavastha, nyaaya auऱ prajaaranjan ki dor sainbhaalega; par vah ant-ant tak unhein du:kh deta raha| unahॊne bagh॓l samaaj mॆ jnam liya tha.

yogadaan

ahilyaabaai ne apne raajya ki seemaaon ke baahar Bhaarat-bhar ke prasiddh teerthon aur sthaanon mein mandir banavaae, ghaat baindhavaae, kuon aur baavadiyon ka nirmaan kiya, maarg banavaae-sudharavaae, bhookhon ke liye annasatr (anyakshetr) khole, pyaason ke liye pyaaoo bithlaain, mandiron mein vidvaanon ki niyukti shaastron ke manan-chintan aur pravachan hetu ki. aur, aatm-pratishtha ke jhoothe moh ka tyaag karke sada nyaaya karne ka prayatn karti raheen-marate dam tak. ye usi parampara mein theen jismein unke samakaaleen poona ke nyaayaadheesh raamashaastri the aur unke peechhe jhaaainsi ki raani lakshmeebaai hui. apne jeevanakaal mein hi inhein janta 'devi' samajhne aur kehne lagi thi. itna bada vyaktitv janta ne apni aaainkhon dekha hi kahaaain tha. jab chaaron or gadbad machi hui thi. shaasan aur vyavastha ke naam par ghor atyaachaar ho rahe the. prajaajan-saadhaaran gruhasth, kisaan majadoor-atyant heen avastha mein sisk rahe the. unka ekamaatr sahaara-dharm-andhavishvaason, bhaya traason aur roodhiyon ki jakad mein kasa ja raha tha. nyaaya mein na shakti rahi thi, na vishvaas. aise kaal ki un vikt paristhitiyon mein ahilyaabaai ne jo kuchh kiya-aur bahut kiya.-vah chirsmaraneeya hai.

Indore mein prati varsh bhaadrapad Krishna chaturdashi ke din ahilyotsav hota chala aata hai.

  • ahilyaabaai jab 6 maheene ke liye poore Bhaarat ki yaatra par gayi to gram ubadi ke paas sthit kasbe akaavalya ke paateedaar ko raajakaaj saunp gayi, jo hamesha vahaaain jaaya karte the. unke raajya sanchaalan se prasann hokar ahilyaabaai ne aadha raajya deene ko kaha parantu unhonne sirf yeh maanga ki maheshvar mein mere samaaj log yadi murdo ko jalaane aaye to kapado samet jalaayॆn.

matabhed

unke mandir-nirmaan aur anya dharm-kaaryon ke mahattv ke vishay mein matabhed hai.[1] in kaaryon mein ahilyaabaai ne andhaadhundh kharch kiya aur sena nae dhang par sangathit naheen ki. tukoji holakar ki sena ko uttari abhiyaanon mein arthasankat sahana pada, kaheen-kaheen yeh aarop bhi hai[2] in mandiron ko hindu dharm ki baahari chaunkiyaaain batalaaya hai.[3] tukojeeraav holakar ke paas baarah lakh rupae the jab vah ahilyaabaai se rupae ki maaaing par maaaing kar raha tha aur sansaar ko dikhlaata tha ki rupae-paise se tang hooain. fir ismein ahilyaabaai ka dosh kya tha ?[4] hinduon ke liye dharm ki bhaavana sabse badi prerak shakti rahi hai; ahilyaabaai ne usi ka upayog kiya. tatkaaleen andhavishvaason aur rudhiyon ka varnan upanyaas mein aaya hai. inmein se ek vishvaas tha maandhata ke nikat narmada teer sthit khadi pahaadi se koodakar moksh-praapti ke liye praanatyaag-aatmahatya kar daalna.

vichaaradhaaraaen

ahilyaabaai ke sambandh mein do prakaar ki vichaaradhaaraaeain rahi hain. ek mein unako devi ke avataar ki padavi di gayi hai, doosari mein unke ati utkrusht gunon ke saath andhavishvaason aur roodhiyon ke prati shraddha ko bhi prakat kiya hai. vah aaindhere mein prakaash-kiran ke samaan theen, jise aaindhera baar-baar grasane ki cheshta karta raha. apne utkrusht vichaaron evam naitik aacharan ke chalte hi samaaj mein unhein devi ka darja mila.

senaapati ke roop mein

malhaararaav ke bhaai-bandon mein tukojeeraav holkar ek vishvaasapaatr yuvak the. malhaararaav ne unhein bhi sada apne saath mein rakha tha aur raajakaaj ke liye taiyaar kar liya tha. ahilyaabaai ne inhein apna senaapati banaaya aur chauth vasool karne ka kaam unhein saunp diya. vaise to umr mein tukojeeraav holkar ahilyaabaai se bade the, parantu tukoji unhein apni maata ke samaan hi maanate the aur raajya ka kaam poori lagan or sachchaai ke saath karte the. ahilyaabaai ka un par itna prem aur vishvaas tha ki vah bhi unhein putr jaisa maanati theen. raajya ke kaagjon mein jahaaain kaheen unka ullekh aata hai vahaaain tatha muharon mein bhi 'khandoji sut tukoji holkar' is prakaar kaha gaya hai.


mrutyu

raajya ki chinta ka bhaar aur us par praanon se bhi pyaare logon ka viyog. is saare shok-bhaar ko ahilyaabaai ka shareer adhik naheen sanbhaal saka. aur 13 August san 1795 ko unki jeevan-leela samaapt ho gayi. ahilyaabaai ke nidhan ke baad tukoji indaur ki gaddi par baitha.

baahari kadiyaaain

sandarbh

  1. shri saradesaai ne apne granth 'New History of the Marathas', Vol.... p. 211 par likha hai ki in kaaryon mein ahilyaabaai ne andhaadhundh kharch kiya aur sena nae dhang par sangathit naheen ki. tukoji holakar ki sena ko uttari abhiyaanon mein arthasankat sahana pada
  2. shri saradesaai ne apni naveenatam pustak 'The main Currents of Maratha History' mein in mandiron ko Out-Posts of Hindu religion (hindu dharm ki baahari chaunkiyaaain) batalaaya hai.
  3. V.V. Thakur ki 'Life & Life-Work of Shri Devi Ahilya Bai Holkar', p. 155 par sapramaan likha hai ki
  4. itihaas lekhakon ka kehna hai ki Religion has been the greatest motive power for the Hindus

[1]

inhein bhi dekhein

  • ahilyaabaai ke jeevan se sambandh rakhanevaali sachchi ghatnaaon par aadhaarit hai. sandarbh neeche diye jaate hain- malhaar (tukoji ka putr) vishyak ghatnaaon ke aadhaar- 'itihaasaacheen saadhanein' mein, patra kr. 260, ta. 8-12-1789 tukoji ka patra ahilyaabaai ko kr. 168, ta. 3-2-1790 rukmaabaai ka patra ahilyaabaai ko, kr. 268, ta. 3-2-1790 ahilyaabaai ka patra tukoji ko, kr. 273, ta. 1-4-1790 [jismein unhonne malhaar ke atyaachaaron ka varnan kiya hai.] yashavantaraav gangaadhar ka patra ahilyaabaai ko, ta. 2-4-1790 rukmabaai ka patra ahilyaabaai ko, kr. 277, ta. 16-4-1790 malhaar ka patra ahilyaabaai ko, kr. 279, ta. 5-5-1790 tatha patra kr. 295, 301, 303, 315, 317, 332, 339, 347, 391, 399, 402, 403 ityaadi aur saradesaai ki 'New History of the Marathas', Vol.... ka saatavaaain aur aathavaaain parichhed; jahaaain naana fadanees ka mahaadaji sindhiya ke prati vair aur malhaar ityaadi ke charitron ka poora varnan hai. malhaar kahaaain aur kaise pakada gaya, iska varnan yashavantaraav gangaadhar ke patra mein milega; jo holakar sarkaar pustakamaala ki 16veen pustak ke pru. 158-159 par chhapa hai. patra maraathi mein hai. lakheri ka yuddh 1-6-1793 ke din hua tha. doosare din bhor, malhaar ek taalaab kinaare sharaab piye achet pada paaya gaya.-saradesaai ki 'New History of the Marathas', Vol. lll, P.248. ahilyaabaai ka nyaaya, shaasan-vyavastha, daanasheelata aur unki vinyasheelata ityaadi ka aadhaar hai-'itihaasaacheen saadhanein', pehla bhaag ke patra. 'maheshvar darabaaracheen vaatameen patrein'; Indore gajeetiyr; 'holakar shaaheecha itihaas'; V.V. Thakur krut 'Life and Life-work of Shri Ahilya Bai'; Doctor udayabhaanu krut 'devi ahilyaabaai', (hindi); 'devi shri ahilyaabaai holakar' (maraathi), 'punyashlok devi shri ahilyaabaai' (maraathi), 'holakaraanchi kaifiyk'; saradesaai krut 'New History of the Marathas', Vol.... aur 'The Main currents of Maratha History'. antim pustak mein rudhigt vishvaason ki aalochna bhi milegi. gautamaapur mein aparaadhiyon ko chhod chhutti- Indore gajeetiyr, pru. 275 ganapataraav aur jaamaghaat par bhavan-nirmaan gajeetiyr, pru. 285 maraathi pustak 'devi shri ahilyaabaai holakar' ityaadi. us samay ke andhavishvaas aur kharagon ke chabootare, khanbe aur farase ki pooja, 'nav durgaamaata' ke mandir mein jeebh ka balidaan, raaja ballaal ki 'oon' waali kahaani ityaadi- Indore gajeetiyr ityaadi ahilyaabaai, tukojeeraav holakar- oopar likhi sabhi pustakon mein vruttaant milega. ahilyaabaai aur mahaadaji sindhiya tatha uttari kshetr ke prasang-'New History of the Marathas', Vol....; isi pustak ke pru. 213 par ahilyaabaai ka kshubdh hona aur mahaadaji ko shaap dena likha hai.