devaraha Baba

devaraha Baba

param Baba (upadesh ki mudra mein devaraha Baba)
Religion sidhd yogi sant
Temple devaaraahi mandir (devariya)
Personal
Nationality bhaarateeya
Born devariya, uttar pradesh
Died 19 May 1990[1]
vrundaavan, uttar pradesh
Resting place vrundaavan, uttar pradesh
Senior posting
Based in mel chaura
Religious career
Post pitrudevata

devaraha Baba, Bhaarat ke uttar pradesh ke devariya janapad mein ek yogi, siddh mahaapurush evam santapurush the. dau॰ Rajendra prasaad, mahaamana madan mohan maalaveeya, purushottamadaas Tandon, jaisi vibhootiyon ne poojya devaraha Baba ke samay-samay par darshan kar apne ko krutaarth anubhav kiya tha. poojya maharshi paatanjali dvaara pratipaadit ashtaang yog mein paarangat the.

anukram

jeevani

devaraha Baba ka janm agyaat hai. yahaaain tak ki unki sahi umr ka aakalan bhi naheen hai. vah UP ke "naath" nadauli gram,laar road, devariya jile ke rahane vaale the. mangalvaar, 19 June san 1990 ko yogini ekaadashi ke din apna praan tyaagane vaale is Baba ke janm ke baare mein sanshaya hai. kaha jaata hai ki vah kareeb 900 saal tak jinda the. (Baba ke sampoorn jeevan ke baare mein alag-alag mat hai, kuchh log unka jeevan 250 saal to kuchh log 500 saal maanate hain.)

Kumbh kainpas mein sangam tat par dhuni ramaae Baba ki kareeb 10 saalon tak seva karne vaale maarkandeya maharaaj ke mutaabik, poore jeevan nirvastr rahane vaale Baba dharati se 12 foot unche lakdi se bane box mein rahate the. vah neeche keval subah ke samay snaan karne ke liye aate the. inke bhakt poori duniya mein faile hain. raajaneta, filmi sitaare aur bade-bade adhikaari unke sharan mein rahate the.

himaalaya mein anek varshon tak agyaat roop mein rahakar unhonne saadhana ki. vahaan se ve poorvi uttar pradesh ke devariya naamak sthaan par pahunche. vahaan varshon nivaas karne ke kaaran unka naam "devaraha Baba" pada. devaraha Baba ne devariya janapad ke salemapur tahaseel mein mail (ek chhota shahar) se lagbhag ek kos ki doori par sarayoo nadi ke kinaare ek machaan par apna dera daal diya aur dharm-karm karne lage.

devaraha Baba paranm raamabhakt the, devaraha Baba ke mukh mein sada Ram naam ka vaas tha, vo bhakto ko Ram mantra ki deeksha diya karte the. vo sada sarayoo ke kinaare raha karte the. unka kehna tha :-

"ek lakdi hradaya ko maano doosar Ram naam pahichaano
Ram naam nit ur pe maaro brahm dikhe sanshaya na jaano ".

devaraha Baba janaseva tatha goseva ko sarvopari-dharm maanate the tatha pratyek darshanaarthi ko logon ki seva, gomaata ki raksha karne tatha Bhagwan ki bhakti mein rat rahane ki prerana dete the. devaraha Baba shri Ram aur shri Krishna ko ek maanate the aur bhakto ko kasht se mukti ke liye Krishna mantra bhi dete the.

"oon krushnaaya vaasudevaaya haraye paramaatmane
pranat: klesh naashaaya, govindaaya namo-nam:".

Baba kehte the-"jeevan ko pavitra banaae bina, imaandaari, saatvikta-sarasata ke bina Bhagwan ki krupa praapt naheen hoti. at: sabse pehle apne jeevan ko shuddh-pavitra banaane ka sankalp lo. ve praaya: ganga ya yamuna tat par bani ghaas-foos ki machaan par rahakar saadhana kiya karte the. darshanaarth aane vaale bhaktajanon ko ve sadmaarg par chalte hue apna maanav jeevan safal karne ka aasheervaad dete the. ve kehte, "is bhaaratabhoomi ki divyata ka yeh pramaan hai ki ismein Bhagwan shreeraam aur shreekrushn ne avataar liya hai. yeh devabhoomi hai, iski seva, raksha tatha sanvardhan karna pratyek bhaaratavaasi ka kartavya hai."

prayaagaraaj mein san 1989 mein Mahakumbh ke paavan parv par vishv hindu parishd ke manch se Baba ne apna paavan sandesh dete hue kaha tha-"divyabhoomi Bhaarat ki samruddhi goraksha, goseva ke bina sambhav naheen hogi. gohatya ka kalank mitaana atyaavashyak hai."

poojya Baba ne yog vidya ke jijnyaaasuon ko hathayog ki dason mudraaon ka prashikshan diya. ve dhyaan yog, naad yog, laya yog, praanaayaam, traatak, dhyaan, dhaarana, samaadhi aadi ki saadhan paddhatiyon ka jab vivechan karte to bade-bade dharmaachaarya unke yog sambandhi gyaan ke samaksh natamastak ho jaate the.

Baba ne Bhagwan shreekrushn ki leela bhoomi vrundaavan mein yamuna tat par sthit machaan par chaar varsh tak saadhana ki. san 1990 ki yogini ekaadashi (19 June) ke paavan din unhonne nirvaan praapt kiya.

vyaktitv

bahut hi kam samay mein devaraha Baba apne karm evam vyaktitv se ek siddh mahaapurush ke roop mein prasiddh ho gaye. Baba ke darshan ke liye pratidin vishaal jan samooh umadne laga tatha Baba ke saanidhya mein shaanti aur aanand paane laga. Baba shraddhaaluon ko yog aur saadhana ke saath-saath gyaan ki baatein bataane lage. Baba ka jeevan saada aur ekdam sannyaasi tha. Baba bhor mein hi snaan aadi se nivrutt hokar ishvar dhyaan mein leen ho jaate the aur machaan par aaseen hokar shraddhaaluon ko darshan dete aur jnyaaanalaabh karaate the. Kumbh mele ke dauraan Baba alag-alag jagahon par pravaas kiya karte the. ganga-yamuna ke tat par unka manch lagta tha. vah 1-1 maheene donon ke kinaare rahate the. jameen se kai feet oonche sthaan par baithakar vah logon ko aasheervaad diya karte the. Baba sabhi ke man ki baatein jaan lete the. unhonne poore jeevan kuchh naheen khaaya. sirf doodh aur shahad peekar jeete the. shreefal ka ras unhein bahut pasand tha.

ganamaanya vyakti bhi jhukaate the sir

devaraaha Baba ke bhakton mein kai bade logon ka naam shumaar hai. raajeindr prasaad, indira Gandhi, Rajiv Gandhi, atal bihaari Vajpayee, laaloo prasaad Yadav, mulaayam Singh Yadav aur kamalaapati tripaathi jaise raajaneta har samasya ke samaadhaan ke liye Baba ki sharan mein aate the. desh mein aapaatakaal ke baad hue chunaavon mein jab indira gaaaindhi haar gain to vah bhi devaraaha Baba se aasheervaad lene gayeen unhonne apne haath ke panje se unhein aasheervaad diya tabhi se Congress ka chunaav chinh haath ka panja hai. falasvaroop 1980 mein ek baar fir vah prachand bahumat ke saath desh ki pradhaanamantri bani.

Baba ki leela

shraddhaaluon ke kathanaanusaar Baba apne paas aane vaale pratyek vyakti se bade prem se milte the aur sabko kuchh na kuchh prasaad avashya dete the. prasaad dene ke liye Baba apna haath aise hi machaan ke khaali bhaag mein rakhate the aur unke haath mein fal, meve ya kuchh anya khaadya padaarth aa jaate the jabki machaan par aisi koi bhi vastu naheen rahati thi. shraddhaaluon ko kautuhal hota tha ki aakhir yeh prasaad Baba ke haath mein kahaaain se aur kaise aata hai. janashrooti ke mutaabik, vah khechari mudra ki vajah se aavaagaman se kaheen bhi kabhi bhi chale jaate the. unke aas-paas ugane vaale babool ke pedon mein kaante naheen hote the. chaaron taraf sungadh hi sungadh hota tha.

logon mein vishvaas hai ki Baba jal par chalte bhi the aur apne kisi bhi gantavya sthaan par jaane ke liye unhonne kabhi bhi savaari naheen ki aur na hi unhein kabhi kisi savaari se kaheen jaate hue dekha gaya. Baba har saal Kumbh ke samay prayaag aate the. maarkandeya Singh ke mutaabik, vah kisi mahila ke garbh se naheen balki paani se avatarit hue the. yamuna ke kinaare vrundaavan mein vah 30 minute tak paani mein bina saans liye rah sakte the. unako jaanvaron ki bhaasha samajh mein aati thi. khatarnaak jangali jaanavaaron ko vah pal bhar mein kaaboo kar lete the.

logon ka maanana hai ki Baba ko sab pata rahata tha ki kab, kaun, kahaaain unke baare mein charcha hui. vah avataari vyakti the. unka jeevan bahut saral aur saumya tha. vah photo camere aur TV jaisi cheejon ko dekh achanbhit rah jaate the. vah unase apni photo lene ke liye kehte the, lekin aashcharya ki baat yeh thi ki unka photo naheen banta tha. vah naheen chaahate to rivaalvar se goli naheen chalti thi. unka nirjeev vastuon par niyantran tha.

sandarbh

baahari link