devaraani jethaani ki kahaani

devaraani jethaani ki kahaani hindi ka upanyaas hai. iske rachayita hindi va devanaagari ke mahaan sevak pandit gaureedatt hain. na keval apne prakaashan varsh (1870), balki apni nirmiti ke lihaaj se bhi pan॰ gaureedatt ki kruti 'devaraani-jethaani ki kahaani' ko hindi ka pehla upanyaas hone ka shreya jaata hai. kinchit ladkhadaahat ke baavajood hindi upanyaas-yaatra ka yeh pehla kadam hi aashvasti paida karta hai.

antarvastu itni saamaajik ki tatkaaleen poora samaaj hi dhvanit hota hai, masalan, baal vivaah, vivaah mein fijoolakharchi, striyon ki aabhooshanapriyta, bantavaara, vruddhon, bahuon ki samasya, shiksha, stri-shiksha, - apni anagadh imaandaari mein upanyaas kaheen bhi chookata naheen. lokasvar sanprukt bhaasha itni jeevant hai ki aaj ke saahityakaaron ko bhi disha-nirdeshit karti hai. drushti ka yeh haal hai ki is upanyaas ke maadhyam se hindi patti mein navajaagaran ki pehli aahat tak ko suna ja sakta hai.

kruti ka uddeshya baarambaar mukhar hokar aata hai kintu vaishishtak yeh ki yeh kaheen bhi aaropit naheen lagta. dedh sau saal poorv sankramanakaaleen Bhaarat ki sanskruti ko jaanane ke liye 'devaraani jethaani ki kahaani' (upanyaas) se behtar koi doosra saadhan naheen ho sakta.

inhein bhi dekhein

baahari kadiyaaain