devaprayaag

devaprayaag
city
samay mandal: IST (UTC+5:30)
desh Flag of India.svg Bhaarat
raajya uttaraakhand
jila paudi gadhvaal
janasankhya 2,144 (2001 tak )
kshetrafal
ooainchaai (AMSL)

• 830 meter (2,723 fee॰)
aadhikaarik jaalasthal: 210.212.78.56/50cities/devprayag/english/home.asp

Erioll world.svgnirdeshaank: 30°a08′a47″aN 78°a35′a54″aE / 30.146315°aN 78.598251°aE / 30.146315; 78.598251

devaprayaag Bhaarat ke uttaraakhand raajya mein sthit ek nagar evam prasiddh teerthasthaan hai. yeh alakananda tatha bhaageerathi nadiyon ke sangam par sthit hai. isi sangam sthal ke baad is nadi ko pehli baar 'ganga' ke naam se jaana jaata hai. yahaaain shri raghunaath ji ka mandir hai, jahaaain hindu teerthayaatri Bhaarat ke kone kone se aate hain. devaprayaag alakananda aur bhaageerathi nadiyon ke sangam par basa hai. yaheen se donon nadiyon ki sammilit dhaara 'ganga' kahalaati hai. yeh tehari se 18 meal dakshin-dakshin-poorv disha mein sthit hai. praacheen hindu mandir ke kaaran is teerthasthaan ka vishesh mahatva hai. sangam par hone ke kaaran teertharaaj prayaag ki bhaaainti hi iska bhi naamakaran hua hai.

devaprayaag samudra satah se 1500 feet ki oonchaai par sthit hai aur niktavarti shahar rishikesh se sadak maarg dvaara 70 kimee0 par hai. yeh sthaan uttaraakhand raajya ke panch prayaagon mein se ek maana jaata hai. iske alaava iske baare mein kaha jaata hai ki jab raaja bhageerath ne ganga ko pruthvi par utarane ko raaji kar liya to 33 karod devi-devata bhi ganga ke saath svarg se utare. tab unhonne apna aavaas devaprayaag mein banaaya jo ganga ki janm bhoomi hai. bhaageerathi aur alakananda ke sangam ke baad yahi se pavitra nadi ganga ka udbhav hua hai. yaheen pehli baar yeh nadi ganga ke naam se jaani jaati hai.[1]

gadhvaal kshetr me maanyataanusaar bhageerathi nadi ko saas tatha alakananda nadi ko bahoo kaha jaata hai. yahaan ke mukhya aakarshan mein sangam ke alaava ek Shiv mandir tatha raghunaath mandir hain jinmein raghunaath mandir dravid shaili se nirmit hai. devaprayaag praakrutik sanpada se paripoorn hai. yahaan ka saundarya adviteeya hai. niktavarti danda naagaraaj mandir aur chandravadani mandir bhi darshaneeya hain. devaprayaag ko 'sudarshan kshetr' bhi kaha jaata hai. yahaan kauve dikhaayi naheen dete, jo ki ek aashcharya ki baat hai.[1]

anukram

prasiddhi

maanyataanusaar yahaan devasharma naamak ek tapasvi ne kadi tapasya ki thi, jinke naam par is sthaan ka naam devaprayaag pada. prayaag kisi bhi sangam ko kaha jaata hai.[2] yeh sv.aachaarya shri pan.chakradhar Joshi naamak jyotishvid evam khagolashaastri ka gruhasthaan tha, jinhonne 1946 mein nakashatr vedhashaala ki sthaapana ki thi. ye vedhashaala dasharathaanchal naamak ek niktasth parvat par sthit hai. yeh vedhashaala do badi doorabeenon (teleeskop) se susajjit hai aur yahaan khagolashaastr sambandhi pustakon ka bada bhandaar hai. iske alaava yahaan desh ke vibhinn bhaagon se 1677 E se ab tak ki sangrah ki hui 3000 vibhinn sambandhit paandulipiyaan saheji hui hain. aadhunik upakaranon ke alaava yahaan anek praacheen upakaran jaise soorya ghati, jal ghati evam dhruv ghati jaise anek yantr va upakaran hain jo is kshetr mein praacheen bhaarateeya pragati va gyaan ki dyotak hain.

raamaayan mein lanka vijay uparaant Bhagwan Ram ke vaapas lautane par jab ek dhobi ne maata seeta ki pavitrata par sandeh kiya, to unhonne seetaaji ka tyaag karne ka man banaaya aur Lakshman ji ko seetaaji ko van mein chhod aane ko kaha. tab Lakshman ji seeta ji ko uttaraakhand devabhoomi ke rirshikesh se aage tapovan mein chhodkar chale gaye. jis sthaan par Lakshman ji ne seeta ko vida kiya tha vah sthaan Dave prayaag ke nikat hi 4 kilometer aage puraane badreenaath maarg par sthit hai. tab se is gaanv ka naam seeta vida pad gaya aur nikat hi seetaaji ne apne aavaas hetu kutiya banaayi thi, jise ab seeta kuti ya seeta sainn bhi kaha jaata hai. yahaan ke log kaalaantar mein is sthaan ko chhodkar yahaan se kaafi oopar jaakar bas gaye aur yahaan ke baavulakar log seeta ji ki moorti ko apne gaanv muchhiyaali le gaye. vahaan par seeta ji ka mandir banaakar aaj bhi pooja paath hota hai. baas mein seeta ji yahaam se baalmeeki rirshi ke aashram aadhunik kot mahaadev chali gain. treta yug mein raavan bhraataaon ka vadh karne ke pashchaat kuchh varsh ayodhya mein raajya karke Ram brahm hatya ke dosh nivaaranaarth seeta ji, Lakshman ji sahit devaprayaag mein alakananda bhaageerathi ke sangam par tapasya karne aaye the. iska ullekh kedaarakhand mein aata hai.[k] uske anusaar jahaan ganga ji ka alakananda se sangam hua hai aur seeta-Lakshman sahit shri raamachandr ji nivaas karte hain. devaprayaag ke us teerth ke samaan na to koi teerth hua aur na hoga.[kh] ismein dasharathaatmaj raamachandr ji ka Lakshman sahit devaprayaag aane ka ullekh bhi milta hai[3] tatha raamachandr ji ke devaprayaag aane aur vishveshvar ling ki sthaapana karne ka ullekh hai.[4][g]

devaprayaag se aage shreenagar mein raamachandr ji dvaara pratidin sahastr kamal pushpon se kamaleshvar mahaadev ji ki pooja karne ka varnan aata hai. raamaayan mein seeta ji ke doosare vanavaas ke samay mein raamachandr ji ke aadeshaanusaar Lakshman dvaara seeta ji ko rishiyon ke tapovan mein chhod aane ka varnan milta hai. gadhvaal mein aaj bhi do sthaanon ka naam tapovan hai ek josheemath se saat meal uttar mein neeti maarg par tatha doosra rishikesh ke nikat tapovan hai. kedaarakhand mein raamachandr ji ka seeta aur Lakshman ji sahit devaprayaag padhaarane ka varnan milta hai.[5][gh]

bhoogol va janasaankhyiki

baayein alakananda aur daayein bhaageerathi nadiyaan devaprayaag mein sangam banaati hain aur yahaan se ganga nadi banti hai.

alakananda nadi uttaraakhand ke satopanth aur bhaageerath kaarak himnadon se nikalkar is prayaag ko pahunchati hai. nadi ka pramukh jalasrot gaumukh mein gangotri himnad ke ant se tatha kuchh ansh khaataling himnad se niklata hai. yahaan ki ausat oonchaai 830 meter (2,723 feet) hai. 2001 ki bhaarateeya janaganana ke anusaar[6] devaprayaag ki kul janasankhya 2144 hai, jismein 52% purush: aur 48% striyaan hain. yahaan ki ausat saaksharata dar 77% hai, jo raashtreeya saaksharata dar 59.5 se kaafi adhik hai. ismein purush saaksharata dar 82% evam mahila saaksharata dar 72% hai. yahaan ki kul janasankhya mein se 13% 6 varsh ki aayu se neeche ki hai. yeh kasba badreenaath dhaam ke pandon ka bhi nivaas sthaan hai.

teeka tippani

  • k. ^ yatr ne jaanhaveen saakshaadal kanada samanvita.
yatr sam: swayam saakshaats seetashch salakshman.
samamanen teerthen bhooto na bhavishyati.[7]
  • kh. ^ punardevaprayaage yatraaste Dave bhoosur:.
aahayo Bhagwan vishnu Ram-roopataamak: svayam.[8]
  • g. ^ Ram bhootva mahaabhaag gato devaprayaagake.
  • gh. ^ vishveshvare shive sthaapya poojiyitva yathaavidhi.
ityukta bhagavannaam tasyo devaprayaag ke.
lakshmanen sahabhraata seetayaasah paarvati.

sandarbh

  1. a aa devaprayaag: 33 koti devataaon ka aavaas
  2. devaprayaag tihri gadhvaal jila, aadhikaarik jaalasthal
  3. kedaarakhand ;adhyaaya 158-54-55ddh
  4. kedaarakhand adhyaaya 162-50
  5. kedaarakhand ke 150-87 aur 149-35
  6. "Bhaarat ki janaganana 2001: 2001 ki janaganana ke aaainkade, mahanagar, nagar aur gram sahit (anantim)". bhaarateeya janaganana aayog. http://web.archive.org/web/20040616075334/www.censusindia.net/results/town.php?stad=A&state5=999. abhigman tithi: 2007-09-03.
  7. kedaar. 139-35-55
  8. kedaar. 150-80-81