devahooti

devahooti svayanbhuv manu ki kanya aur prajaapati kardam ki patni evam Bhagwan Kapil ki maata thi. devahooti ki maata ka naam shataroopa tha. svayanbhuv manu evam shataroopa ke kul paaainch santaanein theen jinmein se do putr priyvrat evam uttaanapaad tatha teen kanyaayein aakooti, devahooti aur prasooti the. aakooti ka vivaah ruchi prajaapati ke saath aur prasooti ka vivaah daksh prajaapati ke saath hua. hindu mithkon ke anusaar inheen teen kanyaaon se sansaar ke maanavon mein vruddhi hui. sansaar samast jan ki utpatti manu ki kanyaaon se hone ke kaaran ve maanav kahalaaye.

kardam rishi se vivaah ke pashchaat devahooti ki nau kanyaayein tatha ek putr utpann huye. kanyaaon ke naam kala, anusuiya, shraddha, havirbhoo, gati, kriya, khyaati, arundhati aur shaanti the tatha putr ka naam Kapil tha. Kapil ke roop mein devahooti ke garbh se swayam Bhagwan vishnu avatarit huye the.