dashahara

yeh lekh nirvaachit lekh banane ke liye parakhane hetu rakha gaya hai. adhik jaankaari ke liye nirvaachit lekh aavashyakataaeain dekhein.
dashahara
दशहरा
raavan evam meghanaad ke putale
aadhikaarik naam dashahara
anya naam vijyadashami, bijoya, aayudh pooja
anuyaayi hindu, bhaarateeya
prakaar dhaarmik, saamaajik
uddeshya dhaarmik nishtha, utsav, manoranjan
aarambh raamaayan kaal se
tithi Ashwin dashami
anushthaan raamaleela, raavan-dahan, aayudh-poojan
utsav saarvajanik sajaavat, jhaankiyaaain
samaan parv navaraatri

dashahara (vijyadashami ya aayudh-pooja) hinduon ka ek pramukh tyohaar hai. Ashwin (kvaar) maas ke shukl paksh ki dashami tithi ko iska aayojan hota hai. Bhagwan Ram ne isi din raavan ka vadh kiya tha. ise asatya par satya ki vijay ke roop mein manaaya jaata hai. iseeliye is dashami ko vijyaadashami ke naam se jaana jaata hai. dashahara varsh ki teen atyant shubh tithiyon mein se ek hai, anya do hain chaitr shukl ki evam kaartik shukl ki pratipda.

isi din log naya kaarya praarambh karte hain, shastr-pooja ki jaati hai. praacheen kaal mein raaja log is din vijay ki praarthana kar ran-yaatra ke liye prasthaan karte the. is din jagah-jagah mele lagte hain. raamaleela ka aayojan hota hai. raavan ka vishaal putala banaakar use jalaaya jaata hai. dashahara athva vijyadashami Bhagwan Ram ki vijay ke roop mein manaaya jaae athva durga pooja ke roop mein, donon hi roopon mein yeh shakti-pooja ka parv hai, shastr poojan ki tithi hai. harsh aur ullaas tatha vijay ka parv hai. bhaarateeya sanskruti veerata ki poojak hai, shaurya ki upaasak hai. vyakti aur samaaj ke rakt mein veerata prakat ho isliye dashahare ka utsav rakha gaya hai. dashahara ka parv das prakaar ke paapon- kaam, krodh, lobh, moh mad, matsar, ahankaar, aalasya, hinsa aur chori ke parityaag ki sadprerana pradaan karta hai.[1]

anukram

aitihaasik mahattv

saamaajik mahattv

lankaapati raavan ko dashaanan bhi kehte the.

dashahare ka saanskrutik pahaloo bhi hai. Bhaarat krushi pradhaan desh hai. jab kisaan apne khet mein sunahari fasal ugaakar anaaj roopi sampatti ghar laata hai to uske ullaas aur umang ka paaraavaar naheen rahata. is prasannata ke avsar par vah Bhagwan ki krupa ko maanata hai aur use prakat karne ke liye vah usaka poojan karta hai. samast bhaaratavarsh mein yeh parv vibhinn pradeshon mein vibhinn prakaar se manaaya jaata hai. Maharashtra mein is avsar par silangan ke naam se saamaajik mahotsav ke roop mein bhi isko manaaya jaata hai. saayankaal ke samay par sabhi graameenajan sundar-sundar nav vastron se susajjit hokar gaaainv ki seema paar kar shami vruksh ke patton ke roop mein 'svarn' lootakar apne gram mein vaapas aate hain. fir us svarn ka paraspar aadaan-pradaan kiya jaata hai.

Bhaarat ke vibhinn pradeshon ka dashahara

raavan ke putale dahan se poorv
raavan ke putale ka dahan
raavan ke putale dahan ke baad
Mysore ke Mysore mahar ki vijyaadashami ke din deepamaalika se sajja ki jaati hai.
Mysore ke haathiyon ka shrangaar kar poore shahar mein ek bhavya juloos nikaala jaata hai..
raamaleela manchan

dashahara athva vijyadashami Ram ki vijay ke roop mein manaaya jaae athva durga pooja ke roop mein, donon hi roopon mein yeh shakti pooja ka parv hai, shastr poojan ki tithi hai. harsh aur ullaas tatha vijay ka parv hai. desh ke kone-kone mein yeh vibhinn roopon se manaaya jaata hai, balki yeh utane hi josh aur ullaas se doosare deshon mein bhi manaaya jaata jahaan pravaasi bhaarateeya rahate hain.

Himachal pradesh mein kulloo ka dashahara bahut prasiddh hai. anya sthaanon ki hi bhaaainti yahaaain bhi das din athva ek saptaah poorv is parv ki taiyaari aarambh ho jaati hai. striyaaain aur purush sabhi sundar vastron se sajjit hokar turahi, bigul, dhol, nagaade, baaainsuri aadi-aadi jiske paas jo vaadya hota hai, use lekar baahar nikalte hain. pahaadi log apne graameen devata ka dhoom dhaam se juloos nikaal kar poojan karte hain. devataaon ki moortiyon ko bahut hi aakarshak paalaki mein sundar dhang se sajaaya jaata hai. saath hi ve apne mukhya devata raghunaath ji ki bhi pooja karte hain. is juloos mein prashikshit nartak nati nrutya karte hain. is prakaar juloos banaakar nagar ke mukhya bhaagon se hote hue nagar parikrama karte hain aur kulloo nagar mein devata raghunaathaji ki vandana se dashahare ke utsav ka aarambh karte hain. dashami ke din is utsav ki shobha niraali hoti hai.[2]

Punjab mein dashahara navaraatri ke nau din ka upavaas rakhakar manaate hain. is dauraan yahaan aagantukon ka svaagat paaramparik mithaai aur upahaaron se kiya jaata hai. yahaan bhi raavan-dahan ke aayojan hote hain, va maidaanon mein mele lagte hain.

bastar mein dashahare ke mukhya kaaran ko Ram ki raavan par vijay na maankar, log ise maan danteshvari ki aaraadhana ko samarpit ek parv maanate hain. danteshvari maata bastar anchal ke nivaasiyon ki aaraadhya devi hain, jo durga ka hi roop hain. yahaan yeh parv poore 75 din chalta hai. yahaan dashahara shraavan maas ki amaavas se aashvin maas ki shukl trayodashi tak chalta hai. pratham din jise kaachhin gaadi kehte hain, devi se samaarohaaranbh ki anumati li jaati hai. devi ek kaanton ki sej par virjamaan hoti hain, jise kaachhin gaadi kehte hain. yeh kanya ek anusoochit jaati ki hai, jisse bastar ke raajaparivaar ke vyakti anumati lete hain. yeh samaaroh lagbhag 15veen shataabdi se shuru hua tha. iske baad jogi-bithaai hoti hai, iske baad bheetar raini (vijyadashami) aur baahar raini (rath-yaatra) aur ant mein muriya darbaar hota hai. iska samaapan Ashwin shukl trayodashi ko ohaadi parv se hota hai.[3]

Bengal, Orissa aur asam mein yeh parv durga pooja ke roop mein hi manaaya jaata hai. yeh bangaaliyon,odiaa, aur Assam ke logon ka sabse mahatvapoorn tyohaar hai. poore Bengal mein paanch dinon ke liye manaaya jaata hai.Orissa aur asam me 4 din tak tyohaar chalta hai. yahaan devi durga ko bhavya sushobhit pandaalon viraajamaan karte hain. desh ke naami kalaakaaron ko bulava kar durga ki moorti taiyaar karavaai jaati hain. iske saath anya devi dvevataaon ki bhi kai moortiyaan banaai jaati hain. tyohaar ke dauraan shahar mein chhote mote staal bhi mithaaiyon se bhare rahate hain. yahaan shashthi ke din durga devi ka bodhan, aamantran evam praan pratishtha aadi ka aayojan kiya jaata hai. uske uparaant saptami, ashtami evam navami ke din praat: aur saayankaal durga ki pooja mein vyateet hote hain. ashtami ke din mahaapooja aur bali bhi di jaati hai. dashami ke din vishesh pooja ka aayojan kiya jaata hai. prasaad chadhaaya jaata hai aur prasaad vitran kiya jaata hai. purush aapas mein aalingan karte hain, jise kolaakuli kehte hain.[4] striyaan devi ke maathe par sindoor chadhaati hain, va devi ko ashrupoorit vidaai deti hain. iske saath hi ve aapas mein bhi sindoor lagaati hain, va sindoor se khelte hain. is din yahaan neelakanth pakshi ko dekhna bahut hi shubh maana jaata hai.[4] tadanantar devi pratimaaon ko bade-bade truckon mein bhar kar visrjan ke liye le jaaya jaata hai. visrjan ki yeh yaatra bhi badi shobhaneeya aur darshaneeya hoti hai.[2]

tamil naadu, Andhra pradesh evam Karnataka mein dashahara nau dinon tak chalta hai jismein teen deviyaan lakshmi, sarasvati aur durga ki pooja karte hain. pehle teen din lakshmi - dhan aur samruddhi ki devi ka poojan hota hai. agale teen din sarasvati- kala aur vidya ki devi ki archana ki jaati hai aur antim din devi durga-shakti ki devi ki stuti ki jaati hai. poojan sthal ko achhi tarah foolon aur deepakon se sajaaya jaata hai. log ek doosare ko mithaaiyaan va kapde dete hain. yahaan dashahara bachchon ke liye shiksha ya kala sambandhi naya kaarya seekhane ke liye shubh samay hota hai. Karnataka mein Mysore ka dashahara bhi poore Bhaarat mein prasiddh hai. Mysore mein dashahare ke samay poore shahar ki galiyon ko roshani se sajjit kiya jaata hai aur haathiyon ka shrungaar kar poore shahar mein ek bhavya juloos nikaala jaata hai. is samay prasiddh Mysore mahal ko deepamaalikaaon se dulahan ki tarah sajaaya jaata hai. iske saath shahar mein log taarch laait ke sang nrutya aur sangeet ki shobhaayaatra ka aanand lete hain. in Dravid pradeshon mein raavan-dahan ka aayojan naheen kiya jaata hai.[2]

Gujarat mein mitti sushobhit rangeen ghada devi ka prateek maana jaata hai aur isko kunvaari ladkiyaan sir par rakhakar ek lokapriya nrutya karti hain jise garaba kaha jaata hai. garaba nrutya is parv ki shaan hai. purush evam striyaan do chhote rangeen dandon ko sangeet ki laya par aapas mein bajaate hue ghoom ghoom kar nrutya karte hain. is avsar par bhakti, film tatha paaramparik lok-sangeet sabhi ka samaayojan hota hai. pooja aur aarti ke baad daandiya raas ka aayojan poori raat hota rahata hai. navaraatri mein sone aur gahanon ki khareed ko shubh maana jaata hai.[2]

Maharashtra mein navaraatri ke nau din maan durga ko samarpit rahate hain, jabki dasvein din gyaan ki devi sarasvati ki vandana ki jaati hai. is din vidyaalaya jaane vaale bachche apni padhaai mein aasheervaad paane ke liye maan sarasvati ke taantrik chihnon ki pooja karte hain. kisi bhi cheej ko praarambh karne ke liye khaaskar vidya aarambh karne ke liye yeh din kaafi shubh maana jaata hai. Maharashtra ke log is din vivaah, gruh-pravesh evam naye ghar khareedne ka shubh muhoort samajhte hain.[2]

Kashmir ke alpasankhyak hindu navaraatri ke parv ko shraddha se manaate hain. parivaar ke saare vayask sadasya nau dinon tak sirf paani peekar upavaas karte hain. atyant puraani parampara ke anusaar nau dinon tak log maata kheer bhavaani ke darshan karne ke liye jaate hain. yeh mandir ek jheel ke beechobeech bana hua hai. aisa maana jaata hai ki devi ne apne bhakton se kaha hua hai ki yadi koi anhoni hone waali hogi to sarovar ka paani kaala ho jaaega. kaha jaata hai ki indira Gandhi ki hatya ke theek ek din pehle aur Bhaarat Pak yuddh ke pehle yahaaain ka paani sachmuch kaala ho gaya tha.

vijay parv

dashahare ka utsav shakti aur shakti ka samanvaya bataane wala utsav hai. navaraatri ke nau din jagadamba ki upaasana karke shaktishaali bana hua manushya vijay praapti ke liye tatpar rahata hai. is drushti se dashahare arthaat vijay ke liye prasthaan ka utsav ka utsav aavashyak bhi hai.

bhaarateeya sanskruti sada se hi veerata va shaurya ki samarthak rahi hai.[g] pratyek vyakti aur samaaj ke rudhir mein veerata ka praadurbhaav ho kaaran se hi dashahare ka utsav manaaya jaata hai. yadi kabhi yuddh anivaarya hi ho tab shatru ke aakraman ki prateeksha na kar us par hamla kar usaka paraabhav karna hi kushal raajaneeti hai. Bhagwan Ram ke samay se yeh din vijay prasthaan ka prateek nishchit hai. Bhagwan Ram ne raavan se yuddh hetu isi din prasthaan kiya tha. maraatha ratn shivaaji ne bhi aurangajeb ke viruddh isi din prasthaan karke hindu dharm ka rakshan kiya tha. bhaarateeya itihaas mein anek udaaharan hain jab hindu raaja is din vijay-prasthaan karte the.

raavan ko maarate hue Ram ka chitran.

is parv ko bhagavati ke 'vijaya' naam par bhi 'vijyaadashami' kehte hain. is din Bhagwan raamachandr chaudah varsh ka vanavaas bhogakar tatha raavan ka vadh kar ayodhya pahuainche the. isliye bhi is parv ko 'vijyaadashami' kaha jaata hai. aisa maana jaata hai ki aashvin shukl dashami ko taara udaya hone ke samay 'vijay' naamak muhoort hota hai. yeh kaal sarvakaarya siddhidaayak hota hai. isliye bhi ise vijyaadashami kehte hain.

aisa maana gaya hai ki shatru par vijay paane ke liye isi samay prasthaan karna chaahiye. is din shravan nakshatr ka yog aur bhi adhik shubh maana gaya hai. yuddh karne ka prasang na hone par bhi is kaal mein raajaaon (mahattvapoorn padon par padaaseen log) ko seema ka ullanghan karna chaahiye. duryodhan ne paandavon ko jue mein paraajit karke baarah varsh ke vanavaas ke saath terahavein varsh mein ajnyaaatavaas ki shart di thi. terahavein varsh yadi unka pata lag jaata to unhein pun: baarah varsh ka vanavaas bhogana padta. isi ajnyaaatavaas mein arjun ne apna dhanush ek shami vruksh par rakha tha tatha swayam vruhannala vesh mein raaja viraat ke yahain naukri kar li thi. jab goraksha ke liye viraat ke putr dhrushtadyumn ne arjun ko apne saath liya, tab arjun ne shami vruksh par se apne hathiyaar uthaakar shatruon par vijay praapt ki thi. vijyaadashami ke din Bhagwan raamachandraji ke lanka par chadhaai karne ke liye prasthaan karte samay shami vruksh ne Bhagwan ki vijay ka udghosh kiya tha. vijyakaal mein shami poojan iseeliye hota hai.

teeka tippani

k. ^ aashvinsya site pakshe dashamyaan taarakodaye.

s kaalo vijyo jnyaey: sarvakaaryaarthasiddhaye.

kh. ^ mam kshemaarogyaadisiddh‌aayarthan yaatraayaan vijyasiddh‌aayarthan

ganapatimaatrukaamaargadevataaparaajitaashameepoojanaani karishye.

g. ^ yatr yogeshvar: krushno yatr paarthon dhanurdhar:.

tatr shreervijyo bhootirdhruva neetirmatirmam.

inhein bhi dekhein

baahari kadiyaaain

sandarbh