dargaah hajrat nijaamuddeen


Erioll world.svgnirdeshaank: 28°a35′a28.69″aN 77°a14′a30.49″aE / 28.5913028°aN 77.2418028°aE / 28.5913028; 77.2418028

Delhi ka hajarat nijaamuddeen railave station, prushthabhoomi mein humaayun ka makabara dikhaai deta hua.

dakshini Delhi mein sthit hajarat nijaamuddeen auliya (1236-1325) ka makabara soofi kaal ki ek pavitra dargaah hai. hajarat nijaamuddeen chishti gharaane ke chauthe sant the. is soofi sant ne vairaagya aur sahanasheelata ki misaal pesh ki, kaha jaata hai ki 1303 mein inke kehne par mugal sena ne hamla rok diya tha, is prakaar ye sabhi dharmon ke logon mein lokapriya ban gaye. hajarat saahab ne 92 varsh ki aayu mein praan tyaage aur usi varsh unke makabare ka nirmaan aarambh ho gaya, kintu iska naveeneekaran 1562 tak hota raha.

anukram

dargaah

dargaah mein sangamaramar patthar se bana ek chhota vargaakaar kaksh hai, iske sangamaramari gunbad par kaale rang ki lakeerein hain. makabara chaaron or se madar of parl kenaupi aur meharaabon se ghira hai, jo jhilmilaati chaadaron se dhaki rahati hain. yeh islaamik vaastukala ka ek vishuddh udaaharan hai. dargaah mein pravesh karte samay sir aur kandhe dhake rakhana anivaarya hai. dhaarmik geet aur sangeet ibaadat ki soofi parampara ka atoot hissa hain. dargaah mein jaane ke liye saayankaal 5 se 7 baje ke beech ka samay sarvashreshth hai, visheshakar veeravaar ko, muslim avakaashon aur tyauhaar ke dinon mein yahaan bheed rahati hai. in avsaron par kavvaal apne gaayan se shraddhaaluon ko dhaarmik unmaad se bhar dete hain. yeh dargaah nijaamuddeen railway station ke najadeek Mathura road se thodi doori par sthit hai. yahaan dukaanon par fool, lohabaan, topiyaan aadi mil jaati hain.

ameer khusaro

ameer khusaro, hajrat nijaamuddeen ke sabse prasiddh shishya the, jinka pratham urdoo shaayar tatha uttar Bhaarat mein prachalit shaastreeya sangeet ki ek vidha khyaal ke jaanak ke roop mein sammaan kiya jaata hai. khusaro ka laal patthar se bana makabara unke guru ke makabare ke saamane hi sthit hai. isliye hajarat nijaamuddeen aur ameer khusaro ki barasi par dargaah mein do sarvaadhik mahatvapoorn urs (mele) aayojit kiye jaate hain. ameer khusaro, jahaanaara begam aur inaayat Khan ke makabare bhi nikat hi bane hain.[1]

sandarbh

baahari kadiyaaain