dandapaani jayakaantan

Jeyakanthan writer.jpg

dandapaani jayakaantan (janm: 24 April 1934, kaddaloor, Tamil Nadu) ek bahumukhi tamil lekhak hain -- keval laghu-kathaakaar aur upanyaasakaar hi naheen (jinke kaaran unhein aaj ke sarvashreshth lekhakon mein maana jaata hai) parantu nibndhakaar, patrakaar, nirdeshak aur aalochak bhi hain. vichitr baat yeh hai ki unki school ki padhaai kuchh paaainch saal hi rahi!

ghar se bhaag kar 12 saal ke jayakaantan apne chaacha ke yahaaain pahuainche jinse unhonne kamyunijm (maarkaseeya samaajavaad) ke baare mein seekha. baad mein chennai (jiska naam us samay Madras tha) aakar jayakaantan bhaarateeya communist party (CPI) ki patrika janashakti mein kaam karne lage. din mein press mein kaam karte aur shaam ko sadkon par patrika bechate.

1950 ke dashak ki shuruvaat se hi vah likhte aa rahe hain aur jaldi hi tamil ke jaane-maane lekhakon mein gine jaane lage. haalaanki unka najriya vaam paksheeya hi raha, vah khud party ke sadasya na rahe aur kaaaingres party mein bharti ho gaye.

40 upanyaason ke alaava unhonne kai-kai laghukathaaeain, aatmakatha (do khandon mein) aur romen rolaand dvaara french mein rachi gayi Gandhi ji ki jeevani ka tamil anuvaad bhi kiya hai.

"jatil maanav svabhaav ke gahre aur samvedansheel samajh" ke hetu, unki krutiyon ko "tamil saahitya ki uchch paramparaaon ki abhivruddi" ke liye 2002 mein jnyaaanapeeth puraskaar se sammaanit kiya gaya.

baahari kadiyaaain