dand prakriya sanhita, 1973 (Bhaarat)

dand prakriya sanhita, 1973 (Code of Criminal Procedure, 1973) Bhaarat mein aaparaadhik kaanoon ke kriyaanyavan ke liye mukhya kaanoon hai. yeh san 1973 mein paarit hua tatha 1 April 1974 se laagoo hua. 'seeaarapeesi' dand prakriya sanhita ka sankshipt naam hai. jab koi aparaadh kiya jaata hai to sadaiv do prakriyaaen hoti hain, jinhein police aparaadh ki jaanch karne mein apanaati hai. ek prakriya peedit ke sambandh mein aur doosari aaropi ke sambandh mein hoti hai. seeaarapeesi mein in prakriyaaon ka byora diya gaya hai. 'aaipeesi' bhaarateeya dand sanhita ka sankshipt naam hai.

kuchh prakaar ke maanav vyavahaar aise hote hain jiski kaanoon ijaajat naheen deta. aise vyavahaar karne par kisi vyakti ko unke parinaamon ka saamana karna padta hai. kharaab vyavahaar ko aparaadh ya gunaah kehte hain aur iske parinaam ko dand kaha jaata hai. jin vyavahaaron ko aparaadh maana jaata hai unke baare mein aur har aparaadh se sambandhit dand ke baare mein byora mukhyataya aaipeesi mein diya gaya hai.

jab koi aparaadh kiya jaata hai, to sadaiv do prakriyaaen hoti hain, jinhein police aparaadh ki jaanch karne mein apanaati hai. ek prakriya peedit ke sambandh mein aur doosari aaropi ke sambandh mein hoti hai. seeaarapeesi mein in donon prakaar ki prakriyaaon ka byora diya gaya hai.

kuchh pramukh dhaaraayein

  • dhaara 41 bi : giraftaari ki prakriya tatha giraftaar karne vaale adhikaari ke kartavya
  • dhaara 41 di : ke anusaar jab koi vyakti giraftaar kiya jaata hai tatha police dvaara usase pariprashn kiye jaate hai, to pariprashanon ke dauraan use apne pansad ke adhivakta se milne ka hak hoga, poore pariprashnon ke dauraan naheen.
  • dhaara 46 : giraftaari kaise ki jaayegi
  • dhaara 51 : giraftaar vyakti ki talaashi
  • dhaara 52 : aakraamak aayadhu ka abhigrahan - giraftaar vyakti ke paas yadi koi aakraamak aayudh paaye jaate hai to unhein abhigrahit karne ke praavadhaan hai.
  • dhaara 55 A : iske anusaar abhiyukat ki abhirksha rakhane vaale vyakti ka yeh kartavya hoga ki vah abhiyukt ke svaasthya tatha suraksha ki yuktiyukt dekh-rekh kare.
  • dhaara 58 : is dhaara ke anusaar police thaane ke bhaarasaadhak adhikaari jila majistet ko ya uske aise nirdesh dene par upakhand majistet ko, apne apne thaane ki seemaaon ke bheetar vaarant ke bina giraftaar kiye aye sab vyaktiyon kein maamale ke report kareinge chaahe un vyaktiyon ki jamaanat le li gayi ho ya naheen.
  • dhaara 106 se 124 tak : ye dhaaraayein dand prakriya sanhita ke adhyaaya 8 mein 'parishaanti kaayam rakhane ke liye aur sadaachaar ke liye pratibhooti' sheershak se di gayi hain, jismein 107/116 dhaara parishaanti ke bhang hone ki dasha mein laagoo hoti hai. dhaara 107 ke anusaar, jab kisi kaaryapaalak magistrate ko soochana mile ki sambhaavya hai ki koi vyakti parishaanti bhang karega ya lok prashaanti vikshubdh karega ya koi aisa sandosh kaarya karega, jisse sambhavat: parishaanti bhang ho jaaegi ya lokaprashaanti vikshubdh ho jaaegi, tab vah magistrate yadi usaki rai mein kaaryavaai karne ke liye paryaapt aadhaar ho to vah aise vyakti se ismein iske pashchaat upabandhit reeti se apeksha kar sakega ki vah kaaran darshit karein ki ek varsh se anadhik itni avadhi ke liye, jitni magistrate niyat karna theek samajhe, parishaanti kaayam rakhane ke liye use (pratibhuon sahit ya rahit) bandhapatr nishpaadit karne ke liye aadesh kyon na diya jaaya.[1]
  • dhaara 108 : raajadrohaatmak baaton ko failaane vaale vyaktiyon se sadaachaar ke liye pratibhooti
  • dhaara 109 : sandigdh aur aavaara-gard vyaktiyon se achhe vyavahaar ke liye jamaanat
  • dhaara 144 : yeh dhaara shaanti vyavastha kaayam karne ke liye lagaai jaati hai. is dhaara ko laagoo karne ke liye jilaadhikaari ek notification jaari karta hai aur jis jagah bhi yeh dhaara lagaai jaati hai, vahaan chaar ya usase jyaada log ikatthe naheen ho sakte hain. is dhaara ko laagoo kiye jaane ke baad us sthaan par hathiyaaron ke laane le jaane par bhi rok laga di jaati hai. dhaara-144 ka ullanghan karne vaale ya is dhaara ka paalan naheen karne vaale vyakti ko police giraftaar kar sakti hai. us vyakti ki giraftaari dhaara-107 ya fir dhaara-151 ke adheen ki ja sakti hai. is dhaara ka ullanghan karne vaale ya paalan naheen karne ke aaropi ko ek saal kaid ki saja bhi ho sakti hai. vaise yeh ek jamaanati aparaadh hai, ismein jamaanat ho jaati hai.
  • dhaara 151 : yeh dhaara adhyaaya 11 mein 'police ki nivaarak shakti' mein hai. yeh dhaara sanjnyaeya aparaadhon ke kiye jaane se rokane hetu giraftaar kar aparaadh ki gam‍aabheerata ko rokati hai aur pakshon ko magistrate ke samaksh prastut karti hai.
  • dhaara 154 : yeh dhaara sanjnyaeya maamalon mein ittila se sambandhit hai. iske anusaar-
sanjnyaeya aparaadh kiye jaane se sambandhit pratyek ittila,yadi police thaane ke bhaarasaadhak adhikaari ko maukhik roop se di gayi ho to uske dvaara ya uske nideshaadheen lekhabaddh kar li jaaegi aur ittila dene vaale ko padhkar sunaai jaaegi aur pratyek aisi ittila par,chaahe vah likhit roop mein di gayi ho ya poorvokt roop mein lekhabaddh ki gayi ho, us vyakti dvaara hastaakshar kiye jaayeinge jo use de aur usaka saar aisi pustak mein,jo us adhikaari dvaara aise roop mein rakhi jaaegi jise raajya sarkaar is nimitt vihit kare,pravisht kiya jaayega.

inhein bhi dekhein

baahari kadiyaaain