damaal krushnaasvaami pattammaal

shreemati daamal krushnasvaami pattammaal (di. ke. pattammaal) karnaatak sangeet ke vikhyaat gaayikaaon mein gini jaati hain. aap tatha aapki do samavayask gaayikaaen (M. S. subbulakshmi aur M. L. vasantakumaari) “akarnaatak sangeet ki mahila trimoortiyaan” kahalaati hain.

shreemati pattammaal ka janm 2 march 1919 ko kaancheepuram (Tamil Nadu) mein hua. aapke pita ka naam daamal krushnasvaami deekshitr tha, tatha aapki maata ka naam raajammaal tha. aapne 14 saal ki chhoti aayu mein hi sangeet ka pehla saarvajanik kaaryakram prastut kiya, iske paschaat aapne teji se khyaati praapt ki.

shreemati pattammaal ka madhur aur abhimaanarahit svabhaav is baat ko chhipaata hai ki aapne karnaatak sangeet mein kai kraantikaari parivartan laae. udaaharanataya, aap pehli braahmin stri hain jinhonne is sangeet ka (manch par tatha redio par) saarvajanik kaaryakram pesh kiya. (1930 mein brahmin sriyon dvaara manch ya redio par gaayan samaaj mein sveekrut naheen tha.) sivaaya iske, shreemati pattammaal pehli stri hain jinhonne manch par raagam-taanam-pallavi gaaya. raagam-taanam-pallavi karnaatak sangeet ka sabse kathin ansh maana jaata hai, aapke poorv yeh keval purushon ki kala maani jaati thi. isi kaaran aapko “apallavi pattammaala” ki upaadhi praapt hui.

di. k. pattammaal (daayein or par), apne bhaai di. ke. jayaraaman ke saath gaati huin (lagbhag 1940-45)

shreemati pattammaal ne kai samman evam puraskaar haasil kiye. jaise, aapne 1970 mein sangeet kalaanidhi (karnaatak sangeet ka sarvashreshth puraskaar), evam Bhaarat sarkaar se 1971 mein padm bhooshan aur 1998 mein padm vibhooshan praapt kiye.

shreemati pattammaal ne muttusvaami deekshitr, paapanaasham shivn evam subrahmanya bhaarati ke anek rachanaaon ko prachalit kiya. vishesht: aapne muttusvaami dikshitr ki rachanaaon ke vaastavik paathaantar ambi dikshitr tatha Justice ti. L. veinkataraam ayyar se seekha.

shreemati pattammaal ke vishesh gaan-sambandhi gun hain aapka asaamaanya laakshanik gyaan, shruti/taal ke prati aapki drudhata, tatha saahitya (lyrics) ka saaf uchchaaran. aapke anupam sangeet shaili ki or anek vidyaarthi aakarshit hue. inmein agraganya hain di. ke. jayaraaman (aapke chhote bhaai, jinhonne khud 1990 mein sangeet kalaanidhi praapt kiya). aapke anya prasiddh vidyaarthiyon mein shaamil hain chaarumati raamachandran, geeta raajashekhar, tatha aapki poti nityashri mahaadevan.