dalahauji

dalahauji dhaulaadhaar parvat shrrunkhalaaon ke madhya sthit ek bahut ki khoobsoorat paryatak sthal hai. paanch pahaadon (kathalaung, potren, tehara, bakarota aur balun) par sthit yeh parvateeya sthal Himachal pradesh ke chanba jile ka hissa hai. angrejon ne 1854 mein ise basaaya aur viksit kiya tatha tatkaaleen vaayasaraaya Lord dalahauji ke naam par is jagah ka naam dalahauji rakha gaya. angrej sainik aur naukarashaah yahaan apni garmi ki chhuttiyaan bitaane aate the. manamohak vaadiyon aur pahaadon ke alaava yahaan ke anya aakarshan praacheen mandir, chanba aur paangi ghaati hain.

raajya: Himachal pradesh
jila: chanba
kshetrafal: 13varg kimi.
lokeshan: dhaulaadhaar aur peer panjaal parvat shrrunkhala ke beech
samudra tal se oonchaai: 2036 mi.
taapamaan: garmiyon mein adhi. 24 °aC aur garmiyon mein new.1 °aC
Delhi se root:raashtreeya raajamaarg 1 se Ambala aur ludhiyaana hote hue Jalandhar, raashtreeya raajamaarg 1e se pathaanakoth, vahaan se state road se dalahauji

dalahauji ek bahut hi khoobsoorat aur manamohak parvateeya sthal hai. parvaton se ghiri is jagah par dekhne ko bahut kuchh hai.

paryatan aakarshan

• seint paitrik church

yeh church mukhya bas stand se 2 kimi. door dalahauji kaint ki militri hauspitl road par hai. seint paitrik church dalahauji ka sabse bada church hai. yahaan ke mukhya hall mein 300 log ek saath baith sakte hain. is church ka nirmaan 1909 mein kiya gaya tha. yeh church british sena ke afsaron ke sahayog se banaaya gaya tha. vartamaan mein is church ki dekharekh Jalandhar ke Catholic daayosis dvaara ki jaati hai. is church ke chaaron or prakruti ka saundarya bikhra hua hai. yeh uttar Bhaarat ke khoobsoorat charchon mein se ek hai. patthar se bani hui bilding bhi kuchh alag tarah ki hai.

• manimhesh yaatra

August/September ke maheene mein chanba ke lakshmeenaaraayan mandir se manimhesh ki prasiddh yaatra shuru hoti hai. is dauraan chhadi ko pavitra manimhesh jheel tak le jaate hain. yeh jheel jile ka ek pramukh teerthas‍aathal hai. ek anumaan ke anusaar prativrsh yahaan kareeb ek lakh shraddhaalu aate hain aur pavitra kund mein dubaki lagaate hain. samudra tal se 13500 feet oopar sthit yeh jheel mani mahesh Kailash choti ke neeche hai. jheel se thodi hi doori par sangamaramar se bana ek shivling bhi hai jise chaumukh kaha jaata hai.

• lakshmeenaaraayan mandir

lakshmeenaaraayan mandir subhaash chauk se 200 mi. door sadar baajaar mein hai. yeh mandir Bhagwan vishnu ko samarpit hai. 150 saal puraane is mandir mein Bhagwan vishnu ki bahut ki sundar pratima dekhi ja sakti hai. is mandir mein sthaaneeya log niyamit roop se darshan karne aate rahate hain. isi mandir se August/September ke maheene mein mani mahesh yaatra ki shuruaat hoti hai.

• kaalaatop vanyajeev abhyaaranya

samudra tal se 2440 mi. ki oonchaai par sthit yeh jungle bahut hi ghana hai. vibhinn prakaar ke pakshiyon ko dekhne ke liye yeh jagah bilkul upayukt hai. yahaan ki khoobsoorti bhi dekhte hi banti hai. jo paryatak yahaan raat bhar rukana chaahate hain unke liye ek rest house bhi hai. yahaan thaharane ke liye dalahauji mein aarakshan karaana hota hai. is jungle ke paas hi lakkad mandi hai.

• panchafulla

svatantrata senaani aur shaheed bhagat Singh ke chaacha sardaar ajeet Singh ki mrutyu Bhaarat ki aajaadi ke din hui thi. unki samaadhi dalahauji ke panchafulla mein banaai gayi hai. is khoobsoorat jagah par ek praakrutik kund aur chhote-chhote pul hain jinke naam par is jagah ka naam rakha gaya hai. panchafulla jaane ke raaste mein satadhaara hai. yahi se dalahauji aur bahaloon ko paani ki aapoorti hoti hai. is paani ke baarein mein yeh bhi kaha jaata hai ki ismein kuchh rogon ko door karne ki kshamata hai.

vaayu maarg: niktatam havaai adda gaggal hai. (124 kimi.)
rel maarg: najadeeki rel jankshan chakki bank hai. (58 kimi.)
sadak maarg: Delhi se raashtreeya raajamaarg 1 se Jalandhar, vahaan se raashtreeya raajamaarg 1e se pathaanakot, yahaan se dalahauji sirf 68 kimi. door hai.

aalps holeede rijaurt
lokeshan: deepeees school ke paas
doorabhaash: 01899-240775

hotel mount vyoo
lokeshan: bas stand ke paas
doorabhaash: 01899-242120, 240610
website: www.hotelmountview.com

silvaratan aistet
lokeshan: sarkit house ke paas
doorabhaash: 01899-240674, 09418010674
website: www.heritagehotels.com

hotel manimhesh
lokeshan: bas stand ke paas
doorabhaash: 01899-242155, 242793
website: www.hptdc.nic.in

paryatak kaaryaalaya
echapeeteedeesi, dalahauji, doorabhaash: 01899-242793
echapeeteedeesi, khajiaar, doorabhaash: 01899-236333
echapeeteedeesi, nai Delhi, doorabhaash: 011-23325320

yeh lekh ek aadhaar hai. aap ise badhaakar vikipeediya ki sahaayata kar sakte hain. the va b