dahej pratha

dahej pratha ka karo naash kyoki vah hai bahut bada abhishaap .

dahej ka arth hai jo sampatti, vivaah ke samay vadhoo ke parivaar ki taraf se var ko di jaati hai. dahej ko urdoo mein jahej kehte hain. Europe, Bhaarat, Africa aur duniya ke anya bhaagon mein dahej pratha ka lamba itihaas hai. Bhaarat mein ise dahej, huainda ya var-dakshina ke naam se bhi jaana jaata hai tatha vadhoo ke parivaar dvaara nakd ya vastuon ke roop mein yeh var ke parivaar ko vadhoo ke saath diya jaata hai. aaj ke aadhunik samay mein bhi dahej pratha naam ki buraai har jagah faili hui hain. pichhde bhaarateeya samaaj mein dahej pratha abhi bhi vikraal roop mein hai.[1]

dahej hatyaaeain

desh mein ausatan har ek ghante mein ek mahila dahej sambandhi kaaranon se maut ka shikaar hoti hai aur varsh 2007 se 2011 ke beech is prakaar ke maamalon mein kaafi vruddhi dekhi gayi hai. raashtreeya aparaadh record bureau ke aankade bataate hain ki vibhinn raajyon se varsh 2012 mein dahej hatya ke 8,233 maamale saamane aae. aankadon ka ausat bataata hai ki pratyek ghante mein ek mahila dahej ki bali chadh rahi hai.[2]

dahej ke viruddh kaanoon

  • dahej nishedh adhiniyam, 1961 ke anusaar dahej lene, dene ya iske len-den mein sahayog karne par 5 varsh ki kaid aur 15,000 rupae ke jurmaane ka praavadhaan hai.
  • dahej ke liye utpeedn karne par bhaarateeya dand sanhita ki dhaara 498-A jo ki pati aur uske rishtedaaron dvaara sampatti athva keemati vastuon ke liye avaidhaanik maang ke maamale se sambandhit hai, ke antargat 3 saal ki kaid aur jurmaana ho sakta hai.
  • dhaara 406 ke antargat ladki ke pati aur sasuraal vaalon ke liye 3 saal ki kaid athva jurmaana ya donon, yadi ve ladki ke streedhan ko use saunpane se mana karte hain.
  • yadi kisi ladki ki vivaah ke saat saal ke bheetar asaamaanya paristhitiyon mein maut hoti hai aur yeh saabit kar diya jaata hai ki maut se pehle use dahej ke liye prataadit kiya jaata tha, to bhaarateeya dand sanhita ki dhaara 304-bi ke antargat ladki ke pati aur rishtedaaron ko kam se kam saat varsh se lekar aajeevan kaaraavaas ki saja ho sakti hai.[3]

sandarbh