dach bhaasha

bhaasha ka naam
boli jaati hai
kshetr
kul bolne vaale
bhaasha parivaar
  • {{{name}}}
bhaasha koot
ISO 639-1 None
ISO 639-2
ISO 639-3

dach bhaasha (dach : Nederlands uchchaaran: nederlaands) Netherland desh ki mukhyabhaasha aur raajabhaasha hai. yeh hind-Europeeya bhaasha-parivaar ki jarmaini shaakha mein aati hai. kyonki ye ek nimn jarmanik bhaasha hai, isaliye ye angreji se kaafi mel khaati hai. iski lipi roman lipi hai.

Netherland ke atirikt yeh Belgium ke uttari aadhe bhaag mein, France ke naard jile ke oopari hisse mein tatha Europe ke baahar dach nyoogini aadi kshetron mein boli jaati hai. sanyukt raajya amareeka tatha Canada mein rahanevaale dach naagrikon ki bhi yeh maatrubhaasha hai. dakshin afriki union raajya mein bhi bahut se dach mool ke naagrik rahate hain aur unki bhaasha bhi dach bhaasha se bahulaansh mein milti-julati hai, yadyapi ab vah ek svatantr bhaasha ke roop mein viksit ho gayi hai.

itihaas evam parichay

praarambh mein haalaindavaalon ki bhaasha ko uttar samudra tatha baaltik samudra ke tat par rahanevaale jarmanon ki sthaaneeya boliyon mein ek svatantr sthaan praapt tha. pehle yeh mukhya roop se pashchimi flaindars mein prachalit thi kintu 16veen shati mein dach sanskruti ke saath-saath iska prachaar bhi uttar ki or badhta gaya. speni aadhiptya se mukt ho jaane ke baad Holland ki unnati kshipragati se hone lagi jisse dach bhaasha ka vikaas bhi teji se hone laga. speni satta ke adheen bache hue dakshini praanton se bhaagakar aanevaale sharanaarthiyon se bhi ismein sahaayata mili. dach bhaasha mein dakshin ka prabhaav aaj bhi spasht dekh padta hai. Holland ki bol-chaal ki tatha saahityik bhaasha mein aaj bhi kaafi antar dekh padta hai, yadyapi dakshin se aae hue shabdon ke kaaran yeh khaai adhik gahari naheen hone pai.

dakshin ke kai bhaagon mein (pashchimi flaindars, poorvi flaindars, entavarp, braivant aadi mein), jo ab belajiym mein shaamil hai, aaj ki kai boliyaaain prachalit hain. in sabka saamoohik naam "flemish" hai. yadyapi schoolon mein saahityik bhaasha bhi padhaai jaati hai, tathaapi saamaanya log praaya: sthaaneeya boliyon mein hi paraspar baatcheet karte hain. broosels mein bahut se shikshit logon ki bhaasha aaj bhi French bani hui hai kintu "flemish" ka praadhaanya badhta ja raha hai. kaanoon ki drushti se French tatha flemish donon ko samaan roop se maanyata praapt hai. jahaaain tak vartamaan Holland raajya ka prashn hai, bhaasha ki drushti se sthiti utani jatil naheen hai. 16veen tatha 17veen shatiyon mein jo nae-nae pradesh Holland mein shaamil hote gaye, unamein bhi krutrim roop se dach bhaasha ka prasaar hota gaya. kuchh sthaaneeya boliyaaain bhi prachalit hain, jinmein sabse pruthak astitv "freejiyn" ka hai jo freejalaind pradesh mein boli jaati hai. aamastardam se jaise-jaise ham poorv ki or chalte hain, in boliyon mein poorvi prabhaav adhik lakshit hone lagta hai, jisse sameepasth jarman kshetron ki saamaanya jarman boliyon se unka saadrushya spasht ho jaata hai.