daamodaragupt

daamodaragupt paravarti guptavansh ka pancham shaasak tha. uske vansh ka kuchh vrutt apasad ke abhilekh (fleet, kaarpas inskripshanam indikeram, khand 2, prushth 42 tatha 201 aur aage) se gyaat hota hai, jahaaain usaki bhi thodi charcha milti hai. adhikaansh vidvaan yeh maanate hain ki paravarti gupton ka moolasthaan poorvi maalava tha, kintu kuchh lekhakon ke mat mein ve vaastav mein magadh ke hi rahanevaale the.

daamodaragupt ke pita kumaaragupt (truteeya) ne maukhariyon (ishaanavarma) ko yuddh mein paraast kar apne ko madhya Bhaarat ko ek pramukh shakti bana liya. uske samay se paravarti gupt saamant na rahakar sambhavat: poorn svatantr ban gaye. lagbhag 560 E. mein kumaaragupt ke marne par Damodar gupt raaja hua. apasad ke abhilekh se gyaat hota hai ki "mandaar ki tarah usane apne shatruon ko maar daala" (hataadvish:). kintu saath hi yeh bhi kaha gaya hai ki yuddh mein hi vah moorhit ho gaya. (sanmoorhit: sukhaghoorvaranaameti) aur kadaachit vaheen mar bhi gaya. antim vijay kiske haathon rahi, is baat par vidvaanon mein matabhed hain. kintu usi abhilekh mein yeh kaha gaya hai ki maukhari sena chhinn-bhinn ha gayi (yo maukhare: samitishooddhatahoonasainyavalgatghataavightayanuruvaaranaanaam). usase Damodar gupt ki vijay ka anumaan lagaaya ja sakta hai. us yuddh mein Damodar gupt ka shatru maukhariraaj sharavarman tha, yeh prateet hota hai.