daadoodayaal

daadoodayaal (1544-1603 E.) hindi ke bhaktikaal mein jnyaaanaashrayi shaakha ke pramukh sant kavi the.

daadoo dayaal janm anumaanat: Ahmedabad (Gujarat) mein hua tha. inke jeevan vruttaant ka pata naheen chalta. gruhasthi tyaagakar inhonne 12 varshon tak kathin tap kiya. guru-krupa se sidhdi praapt hui tatha saikadon shishya ho gaye. inke 52 pattashishya the, jinmein gareebadaas, sundaradaas, rajjab aur bakhana mukhya hain. daadoo ke naam se 'daadoo panth' chal pada. ye atyadhik dayaalu the. is kaaran inka naam 'daadoo dayaal' pad gaya. daadoo hindi, gujaraati, raajasthaani aadi kai bhaashaaon ke jnyaaata the. inhonne shabad aur saakhi likheen. inki rachana premabhaavapoorn hai. jaat-paaaint ke niraakaran, hindu-musalmaanon ki ekta aadi vishyon par inke pad tark-prerit na hokar hrudaya-prerit hain.

parichay

kabeer ki shishya parampara me paanchave Rajasthan ke sant daadoo samvat 1601 mein Ahmedabad mein saabaramati nadi ke tat par lodeeraam naam ke braahman ko paani mein bahate mile the. 11 ki umar me inki shri Krishna mein aastha ho gayi thi aur ve virkt ho gaye the. 13 saal me jab ve ghar se bhaage to maata-pita pakad kar le aaye par saat varsh baad ve fir bhaag khade hue aur saagar pahunch kar dhuniya ka kaam karne lage.

ghar chhodne ke baad 12 saal tak ve adhyayan me lage rahe, isse braahman inse chidhe rahate the. ek baar jab ghar me dhyaanasth the to panditon ne inke ghar ka dwaar hi inton se band karva diya. baad me padosion ne dwaar khulavaaya. tab daadoo ne kaha ki achha hua ke ve is beech Krishna ka dhyaan karte rahe. iske baad hi ye daadoo se sant daadoo dayaal ho gaye. matlab 'dayaalu sant'.

kaafi naam hone par Akbar ne bhi inhein bulavaaya aur poochha ki Allah ki jaati kya hai ? is par daadoo ne ek doha sunaaya-

ishak alaah ki jaati hai ishak alaah ka ang
ishak alaah maujood hai, ishak alaah ka rang.

kaha jaata hai ki saadhana ke kram me hi naaraana nagar ki bhaaraana pahaadi se ve gaayab ho gaye. aaj bhi us pahaadi par daadoo ke kapade-kitaabein aadi daadupanthiyo ke paas hain aur unki ek samaadhi bhi hai. daadoo ki rachanaaon me kabeer ki rachanaaon ke kai ansh shaamil hain. gareebadaas, rajjab aadi kai sant unke shishya rahe hain.

inhein bhoo dekhein

baahari kadiyaaain