company baag, alavar

company baag saal ke baarah maas khula rahata hai. samar haaoos mein ghoomane ka samay subah 9 se shaam 5 baje tak hai. company baag dekhne ke baad aap church road ki taraf ja sakte hain. yahaan seint endrayoo church hai lekin yeh aksar band rahata hai. shaam ke samay church road par baajaar lagta hain. yahaan kaafi bheed-bhaad rahati hai. church road ghoomane ke liye subah ka samay upayukt hai kyonki us samay aap yahaan ki haveliyon ko achhi tarah dekh sakte hain. is road ke antim chhor par hope circle hai, yeh shahar ka sabse vyast sthaan hai aur yahaan aksar traffic jaam rahata hai. iske paas hi bahut saari dukaanein hain aur ek mandir bhi hai. hope circle se saat galiyaan vibhinn sthalon tak jaati hai. church road se paanchavi gali ghantaaghar tak jaati hai, vaheen par kalaakand baajaar bhi hai. yaheen se chauthi gali tripoliya getave aur city pailes complex tak jaati hai. shahar se tripoliya ki chhata dekhne laayak hoti hai. iske konon mein anek chhote-chhote mandir bane hue hain. getave se city pailes ki taraf jaate hue raaste mein sarraafa baajaar aur Bajaj baajaar padate hain. yeh donon baajaar apne sone ke aabhooshanon ke liye prasiddh hai. in baajaaron mein ghoomate hue aap yahaan ki anek khoobsoorat haveliyon ko bhi dekh sakte hain.