chumbak

ek chhad chumbak ke chumbakeeya kshetr dvaara aakarshit hui lauh-dhuri
ek parinaalika (saulinauyad) dvaara utpann chumbakeeya bal rekhaaeain

chumbak (maignet) vah padaarth ya vastu hai jo chumbakeeya kshetr utpann karta hai. chumbakeeya kshetr adrushya hota hai aur chumbak ka pramukh gun - aas-paas ki chumbakeeya padaarthon ko apni or kheenchne evam doosare chumbakon ko aakarshit ya pratikrshit karne ka gun, isi ke kaaran hota hai.

anukram

chumbak ke prakaar

kuchh chumbak praakrutik roop se bhi paaye jaate hain kintu adhikaansh chumbak nirmit kiye jaate hain. nirmit kiye gaye chumbak do tarah ke ho sakte hain :

sthaayi chumbak

inke dvaara utpann chumbakeeya kshetr bina kisi vaahya vidyut dhaara ke hi praapt hota hai. aur saamaanya paristhitiyon mein bina kisi kami ke bana rahata hai. (inhein vichumbakit (di-maignetaaij) karne ke liye vishesh vyavastha karni padti hai.) ye tathaakathit kathor (hard) chumbakeeya padaarth se banaaye jaate hain.

asthaayi chumbak

ye chumbak tabhi chumbakeeya kshetr utpann karte hain jab inke prayukt taaron se hokar vidyut dhaara pravaahit ki jaati hai. dhaara ke samaapt karte hi inka chumbakeeya kshetr lagbhag shoonya ho jaata hai. isi liye inhein vidyutachumbak (elektromaignet) bhi kehte hain. inmein kisi tathaakathit mrudu ya naram (sauft) chumbakeeya padaarth ka upayog kiya jaata hai jiske chaaro or taar ki kundali lapetakar usamein dhaara pravaahit karne se chumbakeeya kshetr utpann hota hai.

chumbakon ke pramukh upayog

computer ki hard disk par patali chumbakeeya parat chadhaakar us par aankade sanrakshit kiye jaate hain.
  • chumbakeeya rikaarding ke vibhinn maadhyam: flaupi disk, hard disk, audio tape, aadi
  • kredit card, debit card, ATM card aadi mein ek chumbakeeya patti upayog mein laayi jaati hai. is patti par kuchh aankade aur soochanaaeain darj ki gayi hoti hain.
  • paramparaagat TV evam computer ke maunitr mein : elektraun beam ko upar-neeche evam agal-bagal modane ke liye vidyutchumbak ka prayog hota hai. isi se chhabi-nirmaan sambhav ho paata hai.
bhaari khanijon ke liye chumbakeeya hast chhanni
  • metalavarking mein prayukt chak mein - vastuon ko thaamakar rakhane hetu
  • diksoochak (kampaas ya kutubanuma) mein - ismein ek halka sa sthaayi chumbak hota hai jo kshaitij tal mein ghoomane ke liye svatantr hota hai. yeh uttar-dakshin disha mein hi sthir hota hai aur is prakaar disha bataane mein sahaayata karta hai.
  • bahut se khilauno mein
  • chumbakon ki sahaayata se aisi cheejon ko khojane, pakadne evam ikattha karne mein madad milti hai jo bahut chhoti hain, jin tak haath nahi ja sakta, ya jinhein haath se pakadajnyaa kathin hai. (lohe ki keelein, staipul pinein, kaagaj ki klipein aadi)
  • kisi kabaad se chumbakeeya padaarthon (loha, nikil, steel aadi) evam achumbakeeya padaarthon (elyuminiam, taaainba, aadi) ko alag karne hetu.
  • chumbakeeya leviteshan par aadhaarit yaataayaat ke liye
  • rile, kaantaiktar evam sarkit brekar mein
  • kan tvarakon mein aaveshit kanon ko modne, focus karne aadi ke liye (dvidhruvi chumbak dekhein )
  • maas-spektromeetar mein - alag-alag dravyamaan ke kan chumbakeeya kshetr se gujarane ke baad parade par alag-alag sthaan par jaakar takaraate hain. takaraaye gaye sthaan ke nirdeshaank se us kan ke bhaar ke baare mein pata chalta hai.
  • chumbakeeya beeyaring mein - shaaft bina kisi cheej ko sparsh kiye hue hi ghoomta rahata hai. isse gharshan mein urja ka vyaya naheen hota va saamaan ghista naheen hai.
  • vidyut klach mein
  • chumbakeeya krenon mein
  • kisi lauhachumbakeeya ke pruthakkaran meain

inhein bhi dekhein

baahari kadiyaaain