chopata tuङaganaath

tunganaath ka raasta

tunganaath uttaraakhand ke gadhvaal ke rudraprayaag jile mein sthit ek parvat hai. tunganaath parvat par sthit hai tunganaath mandir, jo 3,680 meter ki ooainchaai par bana hua hai aur panch kedaaron mein sabse ooainchaai par sthit hai. yeh mandir 1,000 varsh puraana maana jaata hai aur yahaaain Bhagwan Shiv ki panch kedaaron mein se ek ke roop mein pooja hoti hai. aisa maana jaata hai ki is mandir ka nirmaan paandavon dvaara Bhagwan Shiv ko prasann karne ke liye kiya gaya tha, jo kurukshetr mein hue narasanhaar ke kaaran paandavon se rusht the. tunganaath ki choti teen dhaaraaon ka srot hai, jinse akshakaamini nadi banti hai. mandir chopata se 3 kilometer door sthit hai.

anukram

praakrutik saundarya

chopata ghaati mein sthit ek bugyaal.

baarah se chaudah hajaar foot ki oonchaai par basa ye kshetr gadhvaal himaalaya ke sabse sundar sthaanon mein se ek hai. January-February ke maheenon mein aamtaur par barf ki chaadar odhe is sthaan ki sundarata July-August ke maheenon mein dekhte hi banti hai. in maheenon mein yahaan meelon tak faile makhamali ghaas ke maidaan aur unamein khile foolon ki sundarata dekhne yogya hoti hai. iseeliye anubhavi paryatak iski tulana Switzerland se karne mein bhi naheen hichkate. sabse vishesh baat ye hai ki poore gadhvaal kshetr mein ye akela kshetr hai jahaan bas dvaara bugyaalon ki duniya mein seedhe pravesh kiya ja sakta hai. yaani yeh asaadhaaran kshetr shraddhaaluon aur paryatakon ki saadhaaran pahunch mein hai.

paryatan

yeh poora panchakedaar ka kshetr kahalaata hai. rishikesh se shreenagar gadhvaal hote hue alakananda ke kinaare-kinaare yaatra badhti jaati hai. rudraprayaag pahunchane par yadi ookheemath ka raasta lena hai to alakananda ko chhodakar mandaakini ghaati mein pravesh karna hota hai. yahaan se maarg sankara hai. isliye chaalak ko gaadi chalaate hue bahut saavadhaani baratani hoti hai. maarg atyant lubhaavana aur sundar hai. aage badhte hue agastya muni naamak ek chhota sa kasba hai jahaan se himaalaya ki nandaakhaat choti ke darshan hone lagte hain.

tunganaath mandir.

chopata ki or badhate hue raaste mein baans aur buraansh ka ghana jungle aur manohaari drushya paryatakon ko lubhaate hain. chopata samudratal se baarah hajaar foot ki oonchaai par sthit hai. yahaan se teen kimi ki paidal yaatra ke baad terah hajaar foot ki oonchaai par tunganaath mandir hai, jo panchakedaaron mein ek kedaar hai. chopata se tunganaath tak teen kilometer ka paidal maarg bugyaalon ki sundar duniya se saakshaatkaar karaata hai. yahaan par praacheen Shiv mandir hai. is praacheen Shiv mandir se dedh kimi ki oonchaai chadhne ke baad chaudah hajaar feet par chandrashila naamak choti hai. jahaan theek saamane chhoo lene yogya himaalaya ka viraat roop kisi ko bhi hataprabh kar sakta hai. chaaron or pasare sannaate mein aisa lagta hai maano aap aur prakruti donon yahaan aakar ekaakaar ho uthe hon. tunganaath se neeche jungle ki sundar range aur ghaati ka jo drushya ubharata hai, vo bahut hi anootha hai. chopata se lagbhag aath kilometer ki doori tay karne ke baad devahariya taal pahuncha ja sakta hai jo ki tunganaath mandir ke dakshin disha mein hai. is taal ki kuchh aisi visheshata hai jo ise aur sarovaron se vishishtata pradaan karti hai. is paaradarshi sarovar mein chaukhanbha, neelakanth aadi himaachhaadit chotiyon ke pratibinb spasht dikhaai dene lagte hain. is sarovar ka kul vyaas paanch sau meter hai. iske chaaron or baans va buraansh ke saghan van hain to doosari or ek khula sa maidaan hai.

tunganaath mandir

chopata se gopeshvar jaane vaale maarg par kastoori mrug prajanan firm bhi hai. yahaan par kastoori mrugon ki sundarata ko niktata se dekha ja sakta hai. March-April ke maheene mein is poore maarg mein buraansh ke fool apni anokhi chhata bikherate hain. January-February ke maheene mein ye poora kshetr barf se dhaka rahata hai. chopata ke baare mein british commissioner etakinsan ne kaha tha ki jis vyakti ne apne jeevanakaal mein chopata naheen dekha usaka is pruthvi par janm lena vyarth hai. etakinsan ki yeh ukti bhale hi kuchh logon ko atirekapoorn lage lekin yahaan ka saundarya adbhut hai, ismein kisi ko sandeh naheen ho sakta. kisi paryatak ke liye yeh yaatra kisi romaanch se kam naheen hai.

tunganaath: kab aur kaise pahunche

May se November tak yahaan ki yaatra ki ja sakti hai. haalaanki yaatra baaki samay mein bhi ki ja sakti hai lekin barf giri hone ke kaaran se vaahan ki yaatra kam aur paidal yaatra adhik hoti hai. January va February ke maheene mein bhi yahaan ki barf ki maja lene jaaya ja sakta hai.

do raaston mein se kisi bhi ek se yahaaain pahuaincha ja sakta hai:-

  • rishikesh se gopeshvar hokar. rishikesh se gopeshvar ki doori 212 kilometer hai aur fir gopeshvar se chopata chaalees kilometer aur aage hai, jo ki sadak maarg se juda hai.
  • rishikesh se ookheemath hokar. rishikesh se ukheemath ki doori 178 kilometer hai aur fir ookheemath se aage chopata chaubees kilometer hai, jo ki sadak maarg se juda hai.

yaataayaat suvidha

rishikesh se gopeshvar aur ookheemath ke liye bas seva upalabdh hai. in donon sthaanon se chopata ke liye bas seva ke alaava taxi aur jeep bhi book karaai ja sakti hai.

aavaaseeya suvidhaaen

gopeshvar aur ookheemath, donon sthaanon par gadhvaal mandal vikaas nigam ke vishraamagruh hain. iske alaava private hotel, lodge, dharmashaalaaen bhi hain jo sugamata se mil jaati hain. chopata mein bhi aavaaseeya suvidha upalabdh hai aur yahaan par sthaaneeya logon ki dukaanein hain.

samay aur mausam

May se lekar November tak yahaan ki yaatra thodi saral hai. yaatra ke liye saptaah bhar ka samay paryaapt hai. garm kapade saath mein rahane chaahiye kyonki yahaaain par varshabhar thand rahati hai.

inhein bhi dekhein

baahari kadiyaaain