choona patthar

OrdOutcropTN.JPG

choona patthar (Limestone) ek avasaadi chattaan hai jo, mukhya roop se kailshiym kaarbonet (CaCO3) ke vibhinn kristaleeya roopon jaise ki khanij kelsaait aur/ya eregonaait se milkar bani hoti hai.

choona patthar vastut: kailasiym kaarbonet hai, par ismein silika, ailyoomina aur lohe ityaadi sadrush apadravya antarmishrit rahate hain. gruhanirmaan ke liye choonaapatthar bahut achha hota hai aur Bhaarat ke vibhinn bhaagon ki starit chattaanon se suvidhaapoorvak yeh utkhanit hota hai.

choona patthar anek kismon mein upalabdh hai. yeh rang, vinyaas, kathorata aur tikaaoopan mein vibhinn gunon ka hota hai. saghan kanavaale gahan or manibheeya patthar gruhanirmaan ke liye utkrusht hote hain. ye kaaryasaadhak, drudh aur tikaaoo hote hain. choona patthar par tanu aml ki kriya badi saralata se hoti hai, at: audyogik nagaron ke nikat gruhanirmaan ke liye yeh patthar theek naheen hota. banaavat aur anya gunon ki vibhinnata ke kaaran choona patthar ki drudhta vibhinn hoti hai. isaliye gruhanirmaan ke poorv patthar ki pareeksha kar leni chaahiye.

bahut badi maatra mein choona patthar ka choone ke nirmaan mein upayog hota hai. 100 kilogram choone ke patthar se lagbhag 65 kilogram choona praapt hota hai. shuddh choona patthar ya khadiya se, jismein chh: pratishat se adhik silika, ailyoomina tatha anya apadravya na hon, utkrusht choona praapt hota hai. chaar se saat pratishat sanyukt silika ailyoomina vaale mitteeyukt choona patthar se madhyam shreni ka jalachoona aur 11-25 pratishat sanyukt silikaavaale choonaapatthar se sarvotkrusht shreni ka jalachoona praapt hota hai.

sandarbh

inhein bhi dekhein