choodaakarm sanskaar

is sandook ko: dekhein samvaad

hindu dharm
par ek shreni ka bhaag

Om
itihaas · devata
sampradaaya · aagam
vishvaas aur darshanashaastr
punarjanm · moksh
karm · pooja · maaya
darshan · dharm
vedaant ·yog
shaakaahaar · aayurved
yug · sanskaar
bhakti {{hindu darshan}}
granth
vedasanhita · vedaang
braahmanagranth · aaranyak
upanishd · shreemadbhagavadgeeta
raamaayan · mahaabhaarat
sootr · puraan
shikshaapatri · vachanaamrut
sambandhit vishay
daivi dharm ·
vishv mein hindu dharm
guru · mandir devasthaan
yagya · mantr
shabdakosh · hindu parv
vigrah
praveshadvaar: hindu dharm

HinduSwastika.svg

hindu maapan pranaali

hindu dharm mein sthool drushti se prasav ke saath sir par aae vaalon ko hataakar khopadi ki safaai karna aavashyak hota hai, sookshm drushti se shishu ke vyavasthit bauddhik vikaas, kuvichaaron ke uchhedan, shreshth vichaaron ke vikaas ke liye jaagrukta jaroori hai. sthool-sookshm uddeshyon ko ek saath sainjokar is sanskaar ka svaroop nirdhaarit kiya gaya hai. isi ke saath shikha sthaapana ka sankalp bhi juda rahata hai. ham shreshth rishi sanskruti ke anuyaayi hain, hamein shreshthattam aadarsho ke liye hi nishthaavaan tatha prayaasarat rahana hai, is sankalp ko jaagrat rakhane ke liye prateek roop mein shareer ke sarvochch bhaag sir par sanskruti ki dhvaja ke roop mein shikha ki sthaapana ki jaati hai.


anukram

mundan (choodaakarm) sanskaar

sanskaar prayojan

is sanskaar mein shishu ke sir ke baal pehli baar utaare jaate hain. laukik reeti yeh prachalit hai ki mundan, baalak ki aayu ek varsh ki hone tak kara lein athva do varsh poora hone par teesare varsh mein karaaeain. yeh samaaroh isliye mahattvapoorn hai ki mastishkeeya vikaas evam suraksha par is sayam vishesh vichaar kiya jaata hai aur vah kaaryakram shishu poshan mein sammilit kiya jaata hai, jisse usaka maanasik vikaas vyavasthit roop se aarambh ho jaae, chauraasi lakh yoniyon mein bhraman karte rahane ke kaaran manushya kitne hi aise paashavik sanskaar, vichaar, manobhaav apne bheetar dhaaran kiye rahata hai, jo maanav jeevan mein anupayukt evam avaanchhaneeya hote hain. inhein hataane aur us sthaan par maanavataavaadi aadarsho ko pratishthaapit kiye jaane ka kaarya itna mahaan evam aavashyak hai ki vah ho saka, to yahi kehna hoga ki aakruti maatr manushya ki hui-pravrutti to pashu ki bani rahi. aise nar-pashuon ki sansaar mein kami naheen, jo chalte-bolte to manushyon ki tarah hi hain; par unke aadarsh aur manobhaav pashuon jaise hote hain. ishvar ki anupam den ko nirthark gainvaane vaale in logon ko abhaaga hi kehna padta hai. jeev saaainp ki yoni mein rahate hue bada krodhi hota hai, apne bill ke aaspaas kisi ko nikalte dekh le, to us par bada kruddh hokar praan haran karne wala aakraman karne se naheen chookata. kitne hi manushya un kroor sanskaaron ko dhaaran kiye rahate hain aur chhota sa kaaran hone par bhi itne kruddh, kupit hote hain ki us aavesh mein saamane vaale ka praan haran kar lena bhi unke liye kathin naheen rahata. jin jeevon ko shookar ki yoni ke abhyaas bane hue hain, ve abhakshya khaane mein koi sankoch naheen karte. mal-mootr, rakt, maaains, kuchh bhi ve ruchipoovark kha sakte hain, varan meva, fal doodh, ghi jaise saattvik padaarthon ki upeksha karte hue ye un abhakshyon mein hi adhik ruchi evam trupti ka anubhav karte hain. kutte ki tarah dum hilaane vaale, lakadbagghe ki tarah nishthur, lomadi ki tarah chanchal, jonk ki tarah rakt pipaasu, kaue ki tarah chaalaak, madhumakkhiyon ki tarah jamaakhor, bichhoo ki tarah dusht, chhipkali ki tarah ghinaune kitne hi manushya hote hain. kisi ka bhi khet charane mein sankoch na ho, aise saaaind kam naheen. jinhonne kaamukata ki ufaan mein lajja aur mayaarda ko tilaanjali de di, aise shvaan-prakruti ke nar-pashuon ki kami naheen. doosaron ke ghonsale me apne ande paalne ke liye rakh jaane waali haraamakhor koyalein kam naheen, jo aaraamatalabi ke liye apne shishu poshan jais mahattvapoon kattarvyon ko bhulaate hue doosaron ka manoranjan karne ke liye fool waali daaliyon par gaati-naachati firti hain. aise lobhi bhaunre jo fool ke murajhaate hi bevafaai ke saath muainh mod lete hain, manushya samaaj mein kam naheen hai. shuturamurg ki tarah adooradarshi, bhainse ki tarah aalasi, khatamal aur machharon ki tarah parapeedk, makadi aur makkhiyon ki tarah nirthark manushyon ki yahaaain kuchh kami naheen. yahi prakruti manushyon mein bhi rahe, to usaka manushya shareer dhaaran karna nirthark hi naheen, maanavata ko kalankit karne wala hi kaha jaayega. samajhdaar vyaktiyon ka sada yeh prayatan rahata hai ki unke dvaara paali posi gayi santaan aisi na ho. sanskaaron ki pratishthaapana baalakapan mein hi hoti hai, isliye hamein apne maata-pita ki vaisi sahaayata na milne se maanavochit vikaas karne ka avsar bhale hi na mila ho, par apne baalakon ke sambandh mein to vaisi bhool na ki jaaya, unhein to susanskaari banaaya hi jaae. choodaakamar, mundan-sanskaar ke maadhyam se kisi baalak ke sambandh mein uske sambandhi parijan, shubhachintak yahi yojana banaaeain ki use paashavik sanskaaron se vimukt evam maanaveeya aadasharvaadita se ot-prot kis prakaar banaaya jaae?

mundan ka prateek krutya kisi Dave sthal teethar aadi par isliye karaaya jaata hai ki is saduddeshya mein vahaaain ke divya vaataavaran ka laabh mil sake. yajnyaaadi dhaamirk kamarkaandon dvaara is nimitt kiye jaane vaale maanaveeya purushaathar ke saath-saatha sookshm satta ka sahayog ubhaara aur prayukt kiya jaata hai.


vishesh vyavastha

is sanskaar ke liye saamaanya vyavastha ke saath neeche likhe anusaar vishesh taiyaari par dhyaan diya jaana chaahiye.

  1. mastak lepan ke liye yathaasambhav gaaya ka doodh evam dahi pachaas-pachaas gram bhi bahut hai.
  2. kalaave ke liye lagbhag chh: chh: inyach ke teen tukadon ke beech mein chhote-chhote kush ke tukadon ko baaaindhakar rakhana chaahiye.
  3. prajnyaa sansthaanon shaakhaaon ko is uddeshya ke liye kainchi, chhura alag se rakhana chaahiye. unheen ka poojan karaakar naai se kesh utaravaana chaahiye.
  4. baalak ke liye mundan ke baad naveen vastron ki vyavastha rakhani chaahiye.
  5. baal ekatr karne ke liye guainthe aate ya gobar ki vyavastha rakhani chaahiye.


vishesh kamarkaand baalak evam uske abhibhaavakon ka mangalaacharan se svaagat karte hue kramabaddh roop se nidhaarrit praathamik upachaar tatha rakshaavidhaan tak ka kram poora kar lena chaahiye. uske baad kramash: vishesh kamarkaand karaaye jaaeain.


mastak lepan

shikshan aur prerana baalak ke baalon ko gau ke doodh, dahi, ghi mein jal milaakar bhigote hain. gau maata kalyaanakaarak, paropakaari, saral, saumya prakruti ki hoti hai. uske shareer se nikle hue goras bhi isi prakruti ke hote hain. in padaarthon mein ve sab gun rahate hain, jo gau maata mein vidyamaan hain. inse mastak ka lepan, baalon ka bhigona is baat ka prateek hai ki hamaari vichaarana, maanasik pravrutti gau maata jaisi goras jaisi snigdh, saumya honi chaahiye. ghrut ko sneh kehte hain. sneh ka doosra naam prem bhi hai. doodh, dahi, ghi teenon hi snehaasikt hain. inse shirsth romakoopon ka bhigoya jaana is baat ka nidersh karta hai ki ham jo kuchh sonche-vichaarein uske peechhe prem bhaavana ka samuchit put hona chaahiye. mastak lepan ki kriya choodaakarm mein isliye karaai jaati hai ki is aadhaar par yeh smaran rakha ja sake, ki is baalak ka maanasik vikaas rookha, sankeenar tatha anaitik, avaaainchhaneeya disha mein na hone paae. usaki rujhaan gau jaisi-goras jaisi rahe. gau apne bachhade ko jaise pyaar karti hai, vaise hi ham samast parivaar aur samaaj mein karein. apne liye hi marate khapate na rahein, varan gau apna ras, charm, asthi, maans, gobar tatha santaan ko doosaron ke liye utsagar karti rahati hai, vaisi hi reeti hamaari bhi ho. rookhe sir ko is goras se aardr isliye banaaya jaata hai ki usamein sahrudayata, bhaavukata, karuna, maitri, prem evam udaarata ki aardrata bani rahe. baalak ki shreshth prakruti banaane ke liye abhibhaavakon ko aisa hi vaataavaran banaana padta hai. kriya aur bhaavana- mantr ke saath maata-pita doodh, dahi se baalak-baalika ke kesh geele karein. garmi ki ritu ho, to achhi tarah bhi bhigo sakte hain, anyatha thoda-thoda sparsh bhar karke kaam chalaaya ja sakta hai. bhaavana karein ki mastishk ke is divyopachaar prasang mein dravyon ke maadhyam se baalak ke mastishk mein shubh Dave-shaktiyon, Dave-vruttiyon ka sparsh diya ja raha hai. ashubh ke uchhedan tatha shubh ki sthaapana ka kaayar sneh-prem ke aadhaar par hi kiya jaana chaahiye.

Om savitra prasoota daivya, aapऽudantu te tanoom. deeghaaryutvaaya vacharse. -paara0gru0soo0 2.1.9


trishikha bandhan

shikshan aur prerana

manushya ka mastishk apne aap mein ek chamatkaar hai. ismein aganit adbhut saamathyaryukt kendra hain. in kendron ko teen pramukh vargon mein vibhaajit kiya ja sakta hai.

nimaarn parak kendra

jo kaaya mein chalne waali nimaarn prakriya ka niyntran sanchaalan karte hain.

poshan parak kendra

jo kaaya sansthaan mein chalne waali pushti, poshan, svaasthya, aarogya sambandhi prakriyaaon ke liye uttaradaayi hain.

niyntran parak kendra

jo vikaaron ke nishkaasan parivtarn aur vikaas kram ka niyntran karte hain. kriya-prakriya ka chakr sainbhaalate hain.

yeh kendra kramash: brahma, vishnu aur rudr se sambaddh maane jaate hain. in kendron ko unke adhishthaata devataaon ki saakshi mein shodhit viksit kiya jaata hai, isliye sir ke baalon ko teen bhaagon mein vibhkt karke, unhein kush baindhe kalaave se teen guchhe mein baaaindhate hain. ye hisse hain-saamane ek, peechhe daayein aur baaainye bhaag alag-alag. pichhle daayein guchhe ko brahm-granthi, pichhle baayein guchhe ko vishnu granthi tatha saamane vaale ko rudr granthi kehte hain. kush pavitrata tatha tejasvita ke prateek hote hain, kalaava maङagalakaamana ka prateek hai. mastishk ke vibhinn kendron se avaaainchhit kusanskaaron ke unmoolan tatha shubh ke jaagaran ke liye mangalakaamana, pavitrata tatha tejasvi prakriya ka triveni yog nibhaana-bithaana kathin hota hai.

kriya aur bhaavana

ek-ek karke mantron ke kram se nidhaarrit kendron ko kalaave se baaaindha jaae. tadanuroop bhaavana ki jaae.


brahm granthi bandhan

sir ke pichhle bhaag mein daayeen or ke baalon mein mantr ke saath kalaava baaaindhe. bhaavana karein ki mastishk ki rachana shakti ke prateek brahma ki shakti se devon ki saakshi mein pratibaddh kiya ja raha hai. aasuri shaktiyaaain iska upayog na kar sakeingi. yeh unka upakaran na ban sakaga, devatv ki mayaarda mein hi iska vikaas aur sanchaalan hoga. Om brahmajajnyaaanan prathaman purastaad, viseemat: surucho venऽaav:. s budhnya ऽ upamaaऽ asyavishthaa:, satashch yonimsatashch viv:. -13.3

vishnu granthi bandh

‍apichhle hisse ke baayein bhaag ke keshon mein kalaava baaaindhein, bhaavana karein ki mastishk ke poshan, sanchaalan karne vaale kendra Bhagwan vishnu ki shakti se pratibaddh ho rahe hain. un par asuratv ka shaasan na chal sakega. Dave mayaarda se niyntrit ye kendra satpravruttiyon ko hi poshan deinge. Om idan vishnuvirchakrame, tredha niddhe padam. samoodhamasya paasure svaaha. -5.15


rudr granthi bandhan

sir ke agale bhaag ke keshon mein mantr ke saath kalaava baaaindhein. bhaavana karein ki rudr-Shiv ki shakti is kshetr par aadhiptya kar rahi hai. asurata ki daal ab naheen galegi. rudr ki shakti vikaaron ko jala daalegi aur ishvareeya mayaarda ke anukool kalyaanakaari anushaasan laagoo karegi. Om namaste rudr manyavऽ, uto t ऽishave nam:. baahubhyaamut te nam:. -16.1


chhura poojan

shikshan aur prerana

jis chhure se naai sir ka mundan karega, vah inheen prayojanon mein kaam aane wala hona chaahiye. achha ho, ek badhiya kainchi, ustara tej dhaar kiya hua, shaakha ya purohit apne paas taiyaar rakhein aur use hi mundan sanskaaron ke kaam laaya karein. praacheen kaal mein pratham kesh utaarane ka kaarya purohit hi karte the. ab unhein yeh kala naheen aati, isliye kshaur karm naai se kara sakte hain. par chhura aisa hi liya jaae, jo savarsaadhaaran ke upayog mein na aata ho. upayog ke poorv aujaar garam paani se tatha mitti se achhi tarah se dho-maaainj lena chaahiye tatha silli par ghis lena chaahiye, use tashtari mein rakhakar poojan ke liye maata-pita ke saamane rakha jaae. donon roli, akshat, pushp, dhoop, deep se poojan karein aur uske mool mein kalaava baaaindh dein. is poojan ka uddeshya yeh hai ki yeh chhura saadhaaran lauh upakaran maatr na rahakar mantr shakti-sampann hokar mastishk ke kusanskaaron ko kaatkar usamein susanskaaron ka pravesh kara sakein. garbh mein aane vaale baal saamaanya sanskaar vaale hote hain. is aachhaadan ko utaarakar uske sthaan par aise baal ugane chaahiye, jo utkrusht bhaavanaaeain saath lekar oopar aaeain. puraane baalon ko pichhle jeevan mein jame hue anupayukt sanskaaron ka prateek maana gaya hai. in baalon ko kaatne ka prayojan paashavik vichaaranaaon evam aakaankshaaon ko hataane-mitaane ka prayatan karna hai. is uddeshya ke liye jis chhure ka prayog kiya ja raha hai, vahi payaarpt naheen; kyonki lauh upakaranon se kusanskaaron ko hataaya-mitaaya jaana sambhav naheen hai. vichaar to vichaaron ko kaatate hain. lohe ko loha kaatata hai. kaaainte se kaaainta niklata hai. vish se vish ka shaman hota hai, laathi ka jabaav laathi se diya jaata hai. isi prakaar kuvichaaron ko shaman unke virodhi teevr vichaaron se hi sambhav hota hai. vah chhura prakhar vichaaron ka prateek pratinidhi hai, jo paashavik vichaaradhaara ko paraast karke apni gahari chhaap chhod sake. chhura poojan ka arth hai aise utkrusht vichaaron ka shraddhaapoovark aavaahan abhinndan, jo manobhoomi mein jame hue asur sanskaaron ko nirthark jhaad-jhankhaadon ki tarah ukhaad feinkane mein safal ho sakein. kainteeli jhaadiyaaain kudaal, faavade se hi khodi jaati hain. usi prakaar avaanchhaneeya vichaaron tatha aadaton ko ukhaadne ke liye jeevan nimaarn ki aadhyaatmik vichaaradhaara ko ugr star par viksit karna padta hai. praarambhik baalon ko isi bhaavana ke saath kaata jaata hai.

kriya aur bhaavana

thaali-tashtari mein rakhe kainchi-chhure ki pooja mantrochchaar ke saath abhibhaavak dvaara karaayi jaae. ve bhaavana karein ki baalak ke kuvichaaron ko kaatne ke liye, unki kaat karne mein samarth paine upakaran-sadvichaaron ki abhyarthana kar rahe hain. jis prakaar sthool baalon ki safaai ke liye ye aujaar prabhu krupa se milein hain, vaise hi sookshm pravaah bhi mileinge. unka upayog poori tatparata, jaagrukta se kareinge. Om yat kshuren majjaayata supeshasa, vapta vapati keshaan. chhindhi shiro maasyaayu: pramoshee:. -paa0gru0soo0 2.1.18


trishikhaakatarn

shikshan aur prerana

‍ashishu ke mastishk ke vibhinn kendron ka granthi bandhan, Dave-shaktiyon ke aavaahan ke saath kiya gaya. us naate unhein usi mayaarda mein rahane aur usi disha mein badhne ki vyavastha banaani hoti hai. is uddeshya ki poorti ke liye baalak ke kusanskaaron, dushpravruttiyon ko kaatna-ukhaadna padta hai. jangali paudha manamaane dhang se badhta hai, upavan ke paudhe ko maali ka anushaasan maanana hota hai. uske liye use jahaaain sneh ka khaad-paani milta hai, vahaaain kadaai se kaata-chhaaainta bhi jaata hai. yahi uddeshya kesh kartan ke samay dhyaan mein rakhana chaahiye aur usase sambaddh uttaradaayitvon ke paalan ki drushti aur vyavastha viksit karni chaahiye. brahm granthi kattarn ka taatparya yeh hai ki mastishk mein dvesh, durbhaav, irshya aadi ke aadhaar par doosaron ko neecha giraane ke liye vidhvansak yojana na rachane di jaae. us prakruti ka uchhedan kiya jaae. apne vikaas tatha nimaarnakaari yojanaaon ke liye sthaan surakshit rakha jaae. vishnu granthi kartan ke peechhe uddeshya hai ki antar mein uthane waali heen aakaankshaaon ka paalan na hone diya jaae. mastishk apni naheen, prabhu ki sampatti hai. astu, svaarthaparak aakaankshaaon ke poshan ki use chhoot naheen, unhein kaata jaae. ishvaronmukh aakaankshaaon ke poshan ke liye hi shakti surakshit rahe. rudr granthi kartan ka arth hai ishvareeya mayaarda mein badhne mein baadhak har pravrutti ko kathorata se kaata jaae. jo bhi parivtarn laaye jaaeain, ve ashiv na hokar Shiv hi hon. ashiv vruttiyon ko Shiv ki shakti kaat feinkein.

kriya aur bhaavana

purohit swayam kainchi ya ustare se ek-ek karke mantron ke uchchaaran ke saath-saath teenon granthiyon ko kramash: kaat dein. sabhi log bhaavana pravaah paida karne mein yogadaan dein.

brahm granthi kattarn ke saath-saath bhaavana karein ki nimaarn ki shakti vinaashak pravruttiyon ko kaat rahi hai. ab rachanaatmak pravruttiyon ke liye yeh kendra surakshit raheinge.

Om yenaavapat savita kshuren, somasya raajnyao varunasya vidvaan. ten brahmaano vapatedamasya, gomaanashvavaanayamastu prajaavaan. -athavar0 6.68.3

vishnu granthi kattarn ke saath bhaavana karein, Bhagwan vishnu ki shakti apne pratikool pravruttiyon ka unmoolan-nivaaran kar rahi hai. mastishk ab anaitik poshan na de sakega, neetimtta mein hi prayukt hoga.

Om yen dhaataabruhaspate:, agnerindrasya chaayusheऽvapat. ten t aayushe vapaami, sushokyaaya svastaye. -aashva0gru0soo0 1.17.12

rudr granthi kattarn ke saath yeh bhaavana karein ki rudr tripuraari ki prachand shakti durdharsh, dushpravruttiyon par chot kar rahi hai, ab unka nivaaran hoga, taaki mastishk mein divya drushti, divyaanubhooti ki kshamata viksit ho sake.

Om yen bhooyashch raatryaan jyok ch pashyaati sooyarm. ten t ऽaayushe vapaami, sushokyaaya svastaye. - aashva0gru0soo0 1.17.12


naveen vastr poojan

shikshan evam prerana

naveen vastr dhaaran karne ka taatparya hai- naveen kalevar dhaaran karna. puraana chola utaarakar naya chola dhaaran karna. jis prakaar sarp puraani keinchuli tyaagakar nai dhaaran karta hai, usi prakaar mundan ke avsar par sir ke baal hi naheen mundaate, varan puraani keinchuli badalate hain, puraane kapadon ko utaarakar naye pahanate hain, un vastron mein ek vastr peela bhi hona chaahiye. naveen kalevar is baat ka prateek hai ki sir ke baal utaarakar keval paashavik vichaaron ko hi naheen hataaya gaya hai, varan shareer par lipte hue puraane sade gale jeern svabhaav evam kram-prabhaav ko bhi badal diya gaya hai.

kriya aur bhaavana

ek thaali mein rakhakar baalak ke naye vastron par akshat-pushp mantrochchaar ke saath chadhaaye jaaeain. bhaavana ki jaae ki jis prakaar apni pratishtha ke anuroop vastr aachhaadanon ki vyavastha karne ki saamarthya prabhu ne di hai-vaise hi apne gaurav ke anuroop vyaktitv banaane ki saamathyar bhi mil rahi hai. us divyata ke prati vastron-prateekonke poojan dvaara apni aastha vyakt ki ja rahi hai.

Om tasmaad yajnyaaatsavarhutऽ, rich: saamaani jajnyaire. chhandaan si jajnyaire tasmaad, yajustasmaadajaayat. -31.7

vastr poojan ke baad agni sthaapan se gaayatri mantr ki aahuti dene tak ka kram poora karke vishesh aahutiyaaain di jaaeain.


havan saamagri mein thoda meva, mishtaann milaakar 5 aahutiyaaain nimn mantr se dein. bhaavana karein ki yajnyaeeya ooshma baalak ko susanskaaron se bhar rahi hai.

Om bhoorbhuv: sv:. agn aayoo shi pavasऽ, aa suvojarmishan ch n:. aare baadhasvaduchhuna svaaha. idam agnaye idan na mam. - 19.38, 35.16

iske baad yagya ke shesh krutya poore kar liye jaaeain. visjarn na kiya jaae. naai dvaara mundan kar dene par baalak ko snaan ke baad naye vastr pahanaakar pun: devasthal par laaya jaata hai. tab shikha poojan aur svastik lekhan aur aashsheevaard ke baad visjarn kiya jaata hai. yadi ghar par aayojan hai, to is beech geet, bhajan-keerttan, udbodhan ka kram chalaate rahana chaahiye. saarvajanik sthal par ho, to anya log baalak par akshat, pushp vrushti karke prasaad lekar vida bhi ho sakte hain athva savorpayogi bhajan-satsang ka laabh uthaate rah sakte hain.


mundan krutya

shikshan evam prerana

baalak aur maata ko yajnyaashaala se baahar bhej dete hain. yagya mandap mein kshaur kamar naheen hota, isliye use baahar bhejana aavashyak hota hai. sameep hi kisi sthaan par baithakar mundan karaaya jaae. mundan karte samay abhibhaavak tatha anya upasthit vyakti man hi man gaayatri mantr ka jap karte rahein aur bhaavana karein ki unke dvaara kiya gaya yeh jap baalak ke mastishk mein sadbuddhi ka prakaash bankar pravesh kar raha hai. baalon ko aate ya gobar ke gole mein band karke jameen mein gaad dete hain ya jalaashaya mein visjirt kar dete hain. mundan hone ke baad bachche ko snaan karaaya jaae. baalon ko gobar mein rakhakar jameen mein isliye gaada jaata hai ki unka bhi gobar ki tarah khaad ban jaae. pashuon ke shareer ka har avayav mal-mootr, doodh aadi doosaron ke kaam aate hai. vruksh vanaspatiyaaain apna sab kuchh paramaathar ke liye samapirt karte hain. manushya ke liye bhi yeh uchit hai ki apni upalabdhiyon ka adhikaadhik upayog paramaarth ke liye kare. baal bhi jahaaain-tahaaain bikhr kar gandagi na badhaaeain, varan ve gobar ke saath milkar kisi khet ka khaad banein aur uvarra shakti badhaaeain, yahi unki saatharkata hai. is tathya ko sab log samajhein aur gobar ko jameen mein hi gaadne ka dhyaan rakhein, baalon ke saath gobar is drushti se hi jameen mein gaada jaata hai. kriya aur bhaavana- naai dvaara kesh utaarana praarambh kiya jaae, tab neeche wala mantr bola jaae. bachche ko bahalaane-fusalaane ke saath maata maanasik roop se gaayatri mantr ka jap karti rahe. bhaavana ki jaae ki garbh se aaye baalon ko hataane ke saath divya satta ke prabhaav se saari maanasik dubarlataaeain hat rahi hai. is prakriya mein sahaayak har shakti aur har vyakti ke prati krutajnyaata ke bhaav rakhe jaaeain. Bhagwan se praatharna ki jaae ki is sanskaar se praapt disha dhaara ke nivaarh ki kshamata pradaan karein.

Om yen poosha bruhaspate:, vaayorindrasya chaavapat. ten te vapaami brahmana, jeevaatave jeevanaaya, deeghaaryushtvaaya vacharse. -man0 braa0 1.6.7


shikha poojan

shikshan aur prerana

yeh sanskaar shikha sthaapan sanskaar hai. bhaarateeya dharm ke do pradhaan prateek hain, ek shikha doosra sootr-yajnyaopaveet hai. musalmaanon mein jis tarah sunnat karaana, sikkhon mein kesh rakhana aavashyak maana jaata hai, usi prakaar pratyek hindu dhamaarnuyaayi ko apne mastishk roopi kile ke oopar hindu dharm ki gaayatri mantr mein sannihit dooradarshita, vivekasheelata ki dhvaja faharaani chaahiye. shikha yahi hai. vivekasheelata apanaana, man ko sadbhaavanaaon se bhare rakhana, ant:karan mein ritambhara prajnyaa ka prakaash bharna, yahi prayojan shikha ke saath jude hue hain. mundan sanskaar ke avsar par athva uske turant baad baal badhne par shikha rakhi jaati hai. iske prati sankalp roop mein shikha sthal ka poojan kiya jaata hai.

kriya aur bhaavana

shishu ke maata-pita se baalak ke sir mein shikha ke sthaan par roli, chaaval dvaara shikha-poojan karaaya jaae. bhaavana ki jaae ki yeh baalak dhvajadhaari sainik ki tarah gaurav evam tejasvita ka dhani banega. bhaarateeya sanskruti ki dhvaja lekar uske anuroop uchchatam lakshyon ko praapt karke gauravaanvit hoga.

Om chidroopini mahaamaaye, divyatej: samanvite. tishth devi shikhaamadhye, tajovruddhin kurushv me. -san0pra0


svastik lekhan

shikshan evam preran

‍amundan kiye hue mastishk par svastik ya 'Om' shabd chandan athva roli se likhte hain. yon to yeh lekhan kaarya sanskaar karaane vaale aachaarya kar sakte hain, par achha ho, aisa kaarya kinheen sambhraant sajjan se karaaya jaae. isse unhein sammaan milta hai, unki ruchi aur sadbhaavana us kaarya mein badhti hai. ataev chhut-put kaarya sada upasthit logon mein se kisi ganamaanya vyakti se karaane chaahiye. har sanskaar mein kai-kai aise kaayarkram hote hain, achha ho to unamein se pratyek ke liye alag-alag sambhraant vyakti ko shreya diya jaae, unke haathon ve kaayar karaaye jaaeain. mundan sanskaar mein vastr dhaaran, svastik lekhan, mastak lepan, shikha-bandhan aadi prayojanon ke liye alag-alag vyakti rakhe jaaeain, to harj naheen, vaise in kaaryon ko maata-pita, abhibhaavak athva koi gurujan kar sakte hain. ‍asavarvyaapi nyaayakaari paramaatma ko jo vyakti apne bheetar aur baahar upasthit dekhta hai, vah paap naheen karta. sashakt kotavaal ko saamane upasthit dekhkar bhala kaun chori ka saahas karega? ishvar vishvaasi ko savartr upasthit paramaatma par jab sachcha vishvaas ho jaata hai, tab vah gupt ya prakat roop se koi paap naheen kar sakta. paap hi du:khon ka kaaran hai. jo paap se bacha rahega, vah du:khon se bacha rahega. aastikta manushya ko paap karne se rokati hai aur kukarmon ke falasvaroop milne vaale vividh vidh shok-santaapon se, anisht sankaton se bachaati hai. mundan ke uparaant mastak par 'Om' ya svastik likhne ka prayojan baalak ko, abhibhaavakon tatha upasthit logon ko sachche arthon mein ishvar bhakt, aastik banaane ki prerana dena hai.

kriya aur bhaavana

aachaarya ya koi sammaananeeya poojya vyakti baalak ke mundit sir par roli ya chandan se shubh chinh svastik banaae. mantrochchaar ke saath is chinh ke anuroop shreshth pravruttiyon ki mastishk mein sthaapana ki bhaavana ki jaae. sanyukt sadbhaav evam prabhu anugrah se ekta, shaanti, prakharata, samata, pavitrata, sankalpasheelata, saralata, udaarata, prasannata, gyaan, paramaathar jaisi satpravruttiyon aur shreshth gunon ke sthaapan ki bhaavabhari praatharna ki jaae.

Om svasti nऽ indro vruddhashravaa:, svasti n: poosha vishvavedaa:. svastinstaakshyorarishtanemi:, svasti no bruhaspatidrdhaatu. -25.11

aasheevaard, visjarn, jayaghosh ke saath kaayarkram samaapt kiya jaae.


inhein bhi dekhein

baahari kadiyaan