chittaudgadh

padmini mahal ka tailachitr

chittaudgadh Rajasthan ka ek shahar hai. yeh shooraveeron ka shahar hai jo pahaadi par bane durg ke liye prasiddh hai. chittaudgadh ki praacheenata ka pata lagaana kathin kaarya hai, kintu maana jaata hai ki mahaabhaarat kaal mein mahaabali bheem ne amaratv ke rahasyon ko samajhne ke liye is sthaan ka daura kiya aur ek pandit ko apna guru banaaya, kintu samast prakriya ko poori karne se pehle adheer hokar vah apna lakshya naheen pa saka aur prachand gusse mein aakar usane apna paanv jor se jameen par maara jisse vahaan paani ka srot foot pada, paani ka yeh kund bheem taal kaha jaata hai. baad mein yeh sthaan maurya athva moori raajapooton ke adheen aa gaya, ismein bhinn-bhinn rai hain ki yeh mevaad shaasakon ke adheen kab aaya, kintu rajdhani ko Udaipur le jaane se pehle 1568 tak chittaudgadh mevaad ki rajdhani raha.

yeh maana jaata hai ki sisaudiya vansh ke mahaan sansthaapak bappa raaval ne 8veen shataabdi ke madhya mein antim solanki Rajkumari se vivaah karne par chittaudh ko dahej ke ek bhaag ke roop mein praapt kiya tha, baad mein uske vanshajon ne mevaad par shaasan kiya jo 16veen shataabdi tak Gujarat se Ajmer tak fail chuka tha.

Ajmer se khandava jaane waali train ke dvaara raaste ke beech sthit chittauragadh jankshan se kareeb 2 meal uttar-poorv ki or ek alag pahaadi par Bhaarat ka gaurav, raajapootaane ka suprasiddh chittaudgadh ka kila bana hua hai. samudra tal se 1338 feet ooainchi bhoomi par sthit 500 feet ooainchi ek vishaal hmavel aakaar mein, pahaadi par nirmitt iska durg lagbhag 3 meal lamba aur aadhe meal tak chauda hai. pahaadi ka ghera kareeb 8 meal ka hai tatha yeh kul 609 ekad bhoomi par basa hai.

chittaudgadh, vah veerabhoomi hai, jisne samooche Bhaarat ke sammukh shaurya, deshbhakti evam balidaan ka anootha udaaharan prastut kiya. yahaaain ke asankhya rajput veeron ne apne desh tatha dharm ki raksha ke liye asidhaaraarupi teerth mein snaan kiya. vaheen rajput veeraanganaaon ne kai avsar par apne sateetv ki raksha ke liye apne baal-bachchon sahit jauhar ki agni mein pravesh kar aadarsh upasthit kiye. in svaabhimaani deshapremi yoddhaaon se bhari padi yeh bhoomi poore Bhaarat varsh ke liye prerana srot bankar rah gayi hai. yahaaain ka kan-kan hamamein deshaprem ki lahar paida karta hai. yahaaain ki har ek imaaratein hamein ekta ka sanket deti hain.

anukram

saarvik jaankaari

janasankhya
2011 ki janaganana ke anusaar chittaudgadh shahar ki janasankhya
kul 116,409
purush 60,229
mahila 56,180
kshetrafal 7 varg ki॰mee॰
samudratal se oonchaai 408 mi.
mausam

garmiyon mein adhiktam 33.8 degree se., nyoonatam 11.6 degree se.
sardiyon mein adhiktam 28.3 degree se., nyoonatam 11.6 degree se.

veshabhoosha garmiyon mein halke sooti vastr, sardiyon mein ooni vastr
sarvashreshth samay October se March
bhaasha raajasthaani, hindi aur gujaraati ;

chittaudgadh ka durg

is kile ne itihaas ke utaar-chadhaav dekhe hain, yeh itihaas ki sabse khooni ladaaiyon ka gavaah hai, isne teen mahaan aakhyaan aur paraakram ke kuchh sarvaadhik veerochit kaarya dekhe hain, jo abhi bhi sthaaneeya gaayakon dvaara gaae jaate hain.

beeka khoh

chatrang taalaab ke sameep hi beeka khoh naamak boorj hai. san 1537 E. mein Gujarat ke sultaan bahaadurashaah ke aakraman ke samay labari khaaain firangi ne surang banaakar kile ki 45 haath lambi deevaar visfot se uda di thi tatha durg raksha ke liye niyukt boondi ke arjun haada apne 500 veer sainikon sahit veeragati ko praapt hue.

bhaaksi

chatrang taalaab se thodi door uttar ki taraf aage badhne par daahini or chahaaradeevaari se ghira hua ek thoda sa sthaan hai, jise baadshah ki bhaaksi kaha jaata hai. kaha jaata hai ki is imaarat mein, jise mahaaraana kumbha ne san 1433 mein banavaaya tha, maalava ke sultaan Mehmood ko giraftaar kar rakha tha.

ghode daudaane ke chaugaan

bhaaksi se aage kuchh antar par pashchim ki taraf boondi, raamapura tatha saloonbar ki haveliyon ke khandahar deekh padte hain. isi ke poorv mein puraana chaugaan hai, jahaaain pehle sena ki kavaayad hua karti thi. isi ko log ghode daudaane ka chaugaan kehte hai.

padmini ka mahal

padmini ka mahal

chaugaan ke nikat hi ek jheel ke kinaare raaval ratnasinh ki raani padmini ke mahal bane hue hain. ek chhota mahal paani ke beech mein bana hai, jo janaana mahal kahalaata hai va kinaare ke mahal maradaane mahal kahalaate hain. maradaana mahal me ek kamre mein ek vishaal dapann is tarah se laga hai ki yahaaain se jheel ke madhya bane janaana mahal ki seedhiyon par khade kisi bhi vyakti ka spasht pratibinb dapann mein najar aata hai, parantu peechhe mudkar dekhne par seedhi par khade vyakti ko naheen dekha ja sakta. sanbhavat: alaauddeen khilji ne yaheen khade hokar raani padmini ka pratibinb dekha tha.

khaatan raani ka mahal

padmini mahal ke taalaab ke dakshini kinaare par ek puraane mahal ke khandahar hain, jo khaatan raani ke mahal kahalaate hain. mahaaraana kshetr Singh ne apni rupavati upapatni khaatan raani ke liye yeh mahal banavaaya tha. isi raani se chaacha tatha mera naam ke do putr the, jisne san 1433 mein mahaaraana mokal ki hatya kar di thi.

gora -baadal ki ghumarein

padmini mahal se dakshin-poorv mein do gumbadaakaar imaaratein hain, jise log gora aur baadal ke mahal ke rup mein jaante hain. gora mahaaraani padmini ka chaacha tha tatha baadal chachera bhaai tha. raaval ratnasinh ko alaauddeen ke kheme se nikaalne ke baad yuddh mein paadan pol ke paas gora veeragati ko praapt ho gaye aur baadal yuddh mein 12 varsh ki alpaayu mein hi maara gaya tha. dekhne mein ye imaarat itne puraane naheen maaloom padte. inki nirmaan shaili bhi kuchh alag hai.

Rao ranamal ki haveli

gora baadal ki gumbajon se kuchh hi aage sadak ke pashchim ki or ek vishaal haveli ke khandahar najar aate hain. isko Rao ranamal ki haveli kehte hain. Rao ranamal ki bahan hansaabaai se mahaaraana laakha ka vivaah hua. mahaaraana mokal hainsa baai se laakha ke putr the.

kaalika maata ka mandir

padmini ke mahalon ke uttar mein baani or kaalika maata ka sundar, ooainchi kurseevaala vishaal mahal hai. is mandir ka nirmaan sanbhavat: 9 veen shataabdi mein mevaad ke guhilvansheeya raajaaon ne karavaaya tha. mool rup se yeh mandir ek soorya mandir tha. nijmandir ke dwaar tatha garbhagruh ke baahari paarshv ke taakhon mein sthaapit soorya ki moortiyaaain iska pramaan hai. baad mein musalmaanon ke samay aakraman ke dauraan yeh moorti tod di gayi aur barso tak yeh mandir soona raha. uske baad ismein kaalika ki moorti sthaapit ki gayi. mandir ke stambhon, chhaton tatha ant:dvaar par khudaai ka kaam darshaneeya hai. mahaaraana sajjanasinh ne is mandir ka jeernoddhaar karaaya tha. choonki is mandir mein moorti pratishtha vaishaakh shukl ashtami ko hui thi, at: prati varsh yahaaain ek vishaal mela lagta hai.

sooryakund (sooraj kund)

kaalika maata ke mandir ke uttar-poorv mein ek vishaal kund bana hai, jise soorajakund kaha jaata hai. is kund ke baare mein maanyata yeh hai ki mahaaraana ko soorya Bhagwan ka aasheervaad praapt tha tatha kund se pratidin praat: safed ghode par savaar ek sashasr yoddha niklata tha, jo mahaaraana ko yuddh mein sahaayata deta tha.

patta tatha jaimal ki haveliyaaain

gaumukh kund tatha kaalika maata ke mandir ke madhya jaimal patta ke mahal hain, jo abhi bhaganaavashesh ke rup mein avasthit hain. Rathore jaimal (jayamal) aur sisodiya patta chittaud ki antim shaaka mein Akbar ki sena ke saath yuddh karte hue veeragati ko praapt ho gaye the. mahal ke poorv mein ek bada taalaab hai, jise jaimal-patta ka taalaab kaha jaata hai. jalaashaya ke tat par bauddhon ke 6 stoop hain. in stoopon se yeh anumaan lagaaya jaata hai ki praacheen kaal mein avashya hi yahaaain bauddhon ka koi mandir raha hoga.

gaumukh kund

mahaasati sthal ke paas hi gaumukh kund hai. yahaaain ek chattaan ke bane gaumukh se praakrutik bhoomigat jal nirntar ek jharane ke rup mein shivling par girti rahati hai. pratham daalaan ke dwaar ke saamane vishnu ki ek vishaal moorti khadi hai. kund ki dhaarmik mahatta hai. log ise pavitra teerth ke rup mein maanate hain. kund ke nikat hi uttari kinaare par mahaaraana raayamal ke samay ka bana ek chhota sa paarshv jain mandir hai, jiski moorti par kannad lipi mein lekh hai. yeh sanbhavat: dakshin Bhaarat se laai gayi hogi. kaha jaata hai ki yahaaain se ek surang kumbha ke mahalon tak jaati hai. gaumukh kund se kuchh door do taal haathi kund tatha khaatan baavadi hai.

samiddheshvar (samaadheeshvar) mahaadev ka mandir

gaumukh kund ke uttari chhor par samidhdeshvar ka bhavya praacheen mandir hai, jiske bheetari aur baahari bhaag par bahut hi sundar khudaai ka kaam hai. iska nirmaan maalava ke prasiddh raaja bhoj ne 11 veen shataabdi mein karavaaya tha. ise tribhuvan Narayan ka shivaalaya aur bhoj ka mandir bhi kaha jaata tha. iska ullekh vahaaain ke shilaalekhon mein milta hai. san 1428 (vi. san. 1485) mein iska jeernoddhaar mahaaraana mokal ne karavaaya tha, jisse log ise mokalaji ka mandir bhi kehte hain. mandir ke nij mandir (garbhagruh) neeche ke bhaag mein shivling hai tatha peechhe ki deevaar mein Shiv ki vishaal aakaar ki trimoorti bani hai. trimoorti ki bhavyata darshaneeya hai. mandir mein do shilaalekh hain, pehla san 1150 E. ka hai, jiske anusaar Gujarat ke solanki raaja kumaarapaal ka Ajmer ke chauhaan raaja aanaaji ko paraast kar chittaud aana gyaat hota hai tatha doosra shilaalekh jo san 1428 ka hai mahaaraana mokal se sambaddh hai.

mahaasati (jauhar sthal)

samidhdeshvar mahaadev ke mandir se mahaaraana kumbha ke keerkittastambh ke madhya ek vistrut maidaani hissa hai, jo chaaron taraf se deevaar se ghira hua hai. ismein pravesh ke liye poorv tatha uttar mein do dwaar bane hain, jise maha sati dwaar kaha jaata hai. ye dwaar va kot raaval samarasinh ne banavaaya tha.

chittaud par bahaadur shaah ke aakraman ke samay yahi haadi raani karmavati ne sammaan va sateetv ki raksha hetu terah hajaar veeraanganaaon sahit vishv prasiddh jauhar kiya tha. is sthaan ki khudaai karne par mili raakh ki kai paratan is karun balidaan ki pushti karti hai. yahaaain do badi-badi shilaaon par prashasti khudavaakar uske dwaar par lagaai gayi thi, jismein se ek abhi bhi astitv mein hai.

keertistambh (vijay stambh, jaya stambh)

vijay stambh

mahaaraana kumbha ne maalava ke sultaan Mehmood shaah khilji ko san 1440 E. (vi. san. 1497) mein pratham baar paraast kar usaki yaadagaar mein ishtadev vishnu ke nimitt yeh keertistambh banavaaya tha. iski pratishtha san 1448 E. (vi.san. 1505) mein hui. yeh stambh vaastukala ki drushti se apne aap manjil par jharokha hone se iske bheetari bhaag mein bhi prakaash rahata hai. ismein vishnu ke vibhinn rupon jaise janaardan, anant aadi, unke avataaron tatha bramha, Shiv, bhinn-bhinn devi-devataaon, ardhanaareeshvar (aadha shareer paarvati tatha aadha Shiv ka), umaamaheshvar, lakshmeenaaraayan, bramhaasaavitri, harihr (aadha shareer vishnu aur aadha Shiv ka), harihr pitaamah (bramha, vishnu tatha mahesh teenon ek hi moorti mein), riatu, aayudh (shasr), dikpaal tatha raamaayan tatha mahaabhaarat ke paatron ki saikadon moortiyaaain khudi hain. pratyek moorti ke oopar ya neeche unka naam bhi khuda hua hai. is prakaar praacheen moortiyon ke vibhinn bhangimaaon ka vishleshan ke liye yeh bhavan ek apoorv saadhan hai. kuchh chitron mein desh ki bhaugolik vichitrataaon ko bhi utkeern kiya gaya hai. keertistambh ke oopari manjil se durg evam niktavarti kshetron ka vihangam drushya dikhta hai. bijli girne se ek baar iske oopar ki chhatri toot gayi thi, jiski mahaaraana svarup Singh ne maramman karaayi.

jataashankar mahaadev devaalaya

keertistambh ke uttar mein jataashankar naamak shivaalaya hai. is mandir ke baahari hisse tatha sabhaamandap ki chhat par utkeern devataaon tatha anya tarah ki aakrutiyaaain prashansaneeya hai. adhiktar moortiyaaain akhandit evam surakshit hain.

kumbhasvaami (kunbhashyaam) ka mandir

kunbhashyaam ka mandir

mahaaraana kumbha ne san 1449 E. (vi. san. 1505) mein vishnu ke baraah avataar ka yeh bhavya mandir banavaaya. is mandir ka garbh prakoshth, mandap va stambhon ki sundar moortiyaaain darshaneeya hain. vishnu ke vibhinn rupon ko darshaati hui moortiyaaain, naagar shaili ke bane gaganachumbi shikhar tatha samakaaleen mevaadi jeevan shaili ko ankit karti drushyaavali, is mandir ki vishishtataayein hain. mool rup se to yahaaain, varaahaavataar ki hi moorti sthaapit thi, lekin muslim aakramanon se murti khandit hone par ab kumbhaasvaami ki moorti pratishthaapit kar di gayi.

meeraaainbaai ka mandir

meeraaainbaai ka mandir

Kumbh shyaam ke mandir ke praangan mein hi ek chhota mandir hai, jise Krishna deevaani bhaantimti meeraaainbaai ka mandir kehte hain. kuchh itihaasakaaron ke anusaar pehle yeh mandir hi Kumbh shyaam ka mandir tha, lekin baad mein bade mandir mein nai kunbhaasvaami ki pratima sthaapit ho jaane ke kaaran use kunbhashyaam ka mandir jaanane lage aur yeh mandir meeraaainbaai ka mandir ke rup mein prasiddh hua. is mandir ke nij bhaag mein bhaantimti meera va uske aaraadhya muraleedhar shreekrushn ka sundar chitr hai. mandir ke saamane hi ek chhoti-si chhatari bani hai. yahaaain meera ke guru svaami raidaas ke charanachinh (pagaliye) ankit hain.

satabees devalaan

gyaarahaveen shataabdi mein bana yeh bhavya jain mandir apni utkrusht nakkaashi ke kaam ke liye jaana jaata hai. ismein 27 devariyaaain bani hai. at: is mandir ko satabees (7a20 devara) kaha jaata hai.

mahaaraana kunbha ke mahal

terahaveen shataabdi mein nirmit in mahalon ka jeernoddhaar mahaaraaja kunbha dvaara karaaye jaane se in mahalon ko mahaaraana kunbha ka mahal kaha jaata hai. pravesh dwaar badi pol tatha tripoliya kahe jaate hain. khandaharon ke rup mein hote hue bhi ye mahal rajput shaili ki utkrusht sthaapatya kala darshaate hain. sooraj goravada, janaana mahal, kainvalada mahal, deevaat-A-aam tatha Shiv mandir is mahal ke kuchh ullekhaneeya hisse hain. maanyata hai ki inheen mahalon mein ek tahakhaana hai, jismein ek surang ke maadhyam se gomukh tak jaaya ja sakta hai. mahaaraani padmini ne hajaaron veeraanganaaon ke saath isi raaste gaumukh kund mein snaan karne ke baad inheen tahakhaanon mein jauhar kiya tha, lekin yahaaain is tarah ke kisi surang ka pramaan naheen mila hai.

isi aitihaasik mahal mein Udaipur ke sansthaapak mahaaraana udayasinh ka janm hua tha tatha yaheen svaameebhakt pannaadhaaya ne udayasinh ki rakshaarth apne laadale putr ko banaveer ke haathon katl ho jaane diya. meeraaainbaai ki Krishna bhakti tatha vishpaan ki ghatanaaeain bhi isi mahal se sambaddh hai.

fatah prakaash

mahaaraana fatahasinh dvaara nirmit yeh bhavya mahal aadhunik dhng ka hai. fatahasinh ke naam par hi inhein fatah prakaash kaha jaata hai. mahal mein ganesh ki ek vishaal pratima, favvaara tatha vividh bhitti chitr darshaneeya hain.

moti baajaar

fatahaprakaash ke paas hi bhagnaavastha mein dookaanon ki kataarein hain. bataaya jaata hai ki shataabdiyon poorv yahaaain keemati pattharon ki dukaanein hua karti thi.

shrungaar chauri (singaar chauri)

san 1448 (vi. san. 1505) mein mahaaraana kunbha ke koshaadhyaksh belaak, jo kelha saah ka putr tha, ne shrrungaar chauri ka nirmaan karavaaya tha. yeh shaantinaath ka mandir hai tatha jain sthaapatya kala ka utkrusht udaaharan hai.

yahaaain se praapt shilaalekhon se yeh gyaat hota hai ki Bhagwan shaantinaath ki chaumukhi pratima ki pratishtha khagataragachh ke aachaarya jinsen soori ne ki thi, parantu mugalon ke aakraman se yeh moorti vidhvans kar di gayi lagti hai. ab sirf ek vedi bachi hai, jise log chauri batalaate hain. mandiron ki baahya deevaaron par devi-devataaon va nrutya mudraaon ki anekon moortiyaaain kalaakaaron ke patthar par utkeern kalaakaari ka parichaayak hai.

shrrungaar chauri ke baare mein ek maanyata yeh bhi hai ki yaheen mahaaraana kunbha ki Rajkumari ka vivaah hua tha, lekin vyaavahaarik drushtikon se sochane par yeh satya naheen lagta.

mahaaraana saaainga ka devara

shrrungaar chauri ke dakshin mein sthit is mandir ka nirmaan mahaaraana saaainga ne Bhagwan devanaaraayan ki aaraadhana hetu karavaaya tha. kaha jaata hai ki Bhagwan dvaara diye kavach ko mahaaraana isi devare mein pahan kar yuddhon mein jaate aur vijit hokar lautate the.

tulaja bhavaani ka mandir

is mandir ka nirmaan kaal san 1536-40 E. hai. iska nirmaan daasi putr banaveer ne karaaya tha. banaveer bhavaani ka upaasak tha aur usane apne vajan ke baraabar svarn ityaadi tulava (tulaadaan) kar is mandir ka nirmaan aarambh karaaya tha, isi kaaran ise tulaja bhavaani ka mandir kaha jaata hai.

banaveer ki deevaar

san 1536 E. mein mahaaraana vikramaaditya ko chhal se maarkar daaseeputr banaveer chittaud ka svaami ban baitha. apni sthiti ko adhik sudrudh va surakshit karne hetu usane durg ko do bhaagon mein vibhkt karne ke liye is deevaar ka nirmaan aarambh karaaya tha, parantu mahaaraana udayasinh dvaara san 1540 E mein chittaud se khaded diye jaane par iska nirmaan adhoora hi rah gaya.

navalakha bhandaar

banaveer ki deevaar ke pashchimi sire par ek arddh vruttaakaar apoorn burj bana hai, jise banaveer ne apni suraksha va asr-shasr ke bhandaar hetu banavaaya tha. iski peinchidi banaavat ko koi lakh (jaan) naheen sakta tha. at: ise navalakha bhandaar kaha jaata tha. kuchh log yeh bataate hain ki yahaaain nau lakh rupayon ka khajaana rahata tha, jisse iska naam nau lakha bhandaar pada.

paataaleshvar mahaadev ka mandir

puraatatv sangrahaalaya ke paas hi sthit is mandir ka nirmaan san 1565 E. mein hua tha. mandir ki sthaapatya kala evam utkeern aakrutiyaaain badi aakarshan evam darshaneeya hai.

bhaamaashaah ki haveli

ab bhagnaavastha mein maujood yeh imaarat, ek samay mevaad ki aanabaan ke rakshak mahaaraana prataap ko maatrubhoomi ki raksha ke liye apna sab kuchh daan karne vaale prasiddh daanaveer deevaan bhaamaashaah ki yaad dilaane waali hai. kaha jaata hai ki haldeeghaati ke yuddh ke pashchaat mahaaraana prataap ka raajakosh khaali ho gaya tha va mugalon se yuddh ke liye bahut badi dhanaraashi ki aavashyakta thi. aise kathin samay mein pradhaanamantri bhaamaashaah ne apna peedhiyon se sanchit dhan mahaaraana ko bheint kar diya. kai itihaasakaaron ka mat hai ki bhaamaashaah dvaara di gayi raashi maalava ko loot kar laai gayi thi, jise bhaamaashaah ne suraksha ki drushti se kaheen gaad rakhi thi.

aalha kaabara ki haveli

bhaamaashaah ki haveli ke paas hi aalha kaabara ki haveli hai. kaabara gautr ke maaheshvari pehle mahaaraana ke deevaan the.

nagari

chittaud ke kile se 7 meal uttar mein nagari naam ka ek praacheen sthaan hai, jo bedale ke chauhaan sardaar ki jaageer mein padta tha. yeh bhaaratavarsh ke praacheen nagaron mein se ek hai, jiske avashesh khandaharon ke rup mein door-door tak faile hue hain, jahaaain kot se ghire hue raajapraasaad hone ka anumaan kiya jaata hai. yahaaain se kai jagahon par baavadi, mahalon ke kaat aadi ke nirmaanaarth patthar le jaaye gaye. mahaaraana raayamal ki raani shrrungaaradevi ki banvaai hui ghosadi gaaainv ki baavadi bhi nagari se hi patthar laakar banaai gayi hai. nagari ka praacheen naam madhyamika tha. bali gaaainv (Ajmer jila mein) se mile hue san 443 E. poo. (vi. san. 386) ke shilaalekh mein is naam ka pramaan milta hai. patanjali ne apne mahaabhaashya madhyamika par yunaaniyon (minaindar) ke aakraman ka ullekh kiya hai. vahaaain se milne vaale shilaalekhon mein se teen vi. san. poorv ki teesari shataabdi ke aaspaas ki lipi mein hai. inke lekhon se yeh baat bilkul spasht ho jaati hai ki vi. san. poorv ki teesari shataabdi ke aaspaas vishnu ki pooja hoti thi tatha unke mandir bhi bante the. ek shilaalekh sarvataat naamak kisi raaja dvaara sanpaadit ashvamegh yagya ka ullekh karta hai. ek anya shilaalekh vaajapeya yagya ke sampaadan ki charcha karta hai.

nagari se thodi hi doori par haathiyon ka baada naam ka ek vistrut sthaan hai, jiski chahaaradeevaari bahut lambi va chaudi hai. yeh teen-teen mote pattharon ko ek ke oopar ek rakhakar banaai gayi hai. us samay aise vishaal pattharon ko is prakaar vyavasthit karna ek kathin kaarya jaan padta hai. yahaaain se kuchh hi doori par bade-bade pattharon se bani hui ek chaturasr meenaar hai, jise log oomadeevat kehte hain. yeh spasht jaan padta hai ki is meenaar mein istemaal kiye gaye patthar haathiyon ka baada se hi todkar laaye gaye the. iske sambandh mein yeh kaha jaata hai ki jab baadshah Akbar ne chittaud par chadhaai kiya tab is meenaar mein raushani ki jaati thi. nagari ke nikat teen stoopon ke chinh bhi milte hain.

vartamaan mein gaaainv ke bheetar maataaji ke khule sthaan mein pratima ke saamane ek Singh ki praacheen moorti jameen mein kuchh gadi hui hai. paas mein hi chaar bailon ki moortiyonvaala ek chaukhoonta bada patthar rakha hua hai. ye donon tukade praacheen vishaal stambhon ka oopari hissa ho sakta hai.

inhen bhi dekhein

baahari kadiyaaain