chitrakoot

chitrakoot
shahar
चित्रकूट में रामघाट का दृश्य
chitrakoot mein raamaghaat ka drushya
samay mandal: IST (UTC+5:30)
desh Flag of India.svg Bhaarat
raajya uttar pradesh
jila chitrakoot
saansad

Erioll world.svgnirdeshaank: 24°a35′aN 80°a50′aE / 24.58°aN 80.83°aE / 24.58; 80.83 chitrakoot dhaam mandaakini nadi ke kinaare par basa Bhaarat ke sabse praacheen teerthasthalon mein ek hai. uttar-pradesh mein 38.2 varg kimi. ke kshetr mein faila shaant aur sundar chitrakoot prakruti aur ishvar ki anupam den hai. chaaron or se vindhya parvat shrrunkhalaaon aur vanon se ghire chitrakoot ko anek aashcharyo ki pahaadi kaha jaata hai. mandaakini nadi ke kinaar bane anek ghaat aur mandir mein poore saal shraddhaaluon ka aana-jaana laga rahata hai.

maana jaata hai ki Bhagwan Ram ne seeta aur Lakshman ke saath apne vanavaas ke chaudah varsho mein gyaarah varsh chitrakoot mein hi bitaae the. isi sthaan par rishi atri aur sati anasuiya ne dhyaan lagaaya tha. brahma, vishnu aur mahesh ne chitrakoot mein hi sati anasuiya ke ghar janm liya tha.

anukram

pramukh aakarshan

kaamadagiri

is pavitra parvat ka kaafi dhaarmik mahatva hai. shraddhaalu kaamadagiri parvat ki 5 kimi. ki parikrama kar apni manokaamanaaen poorn hone ki kaamna karte hain. jangalon se ghire is parvat ke tal par anek mandir bane hue hain. chitrakoot ke lokapriya kaamataanaath aur bharat milaap mandir bhi yaheen sthit hai.

chitrakoot mein raamaghaat

raamaghaat

mandaakini nadi ke tat par bane raamaghaat mein anek dhaarmik kriyaakalaap chalte rahate hain. ghaat mein gerooaa vastr dhaaran kiye saadhu-santon ko bhajan aur keertan karte dekh bahut achha mahasoos hota hai. shaam ko hone waali yahaan ki aarti man ko kaafi sukoon pahunchaati hai.

jaanki kund

seeta rasoi

raamaghaat se 2 kimi. ki doori par mandaakini nadi ke kinaar jaanki kund sthit hai. janak putri hone ke kaaran seeta ko jaanki kaha jaata tha. maana jaata hai ki jaanki yahaan snaan karti theen. jaanki kund ke sameep hi Ram jaanki raghuveer mandir aur sankat mochan mandir hai.

sfatik shila

jaanki kund se kuchh doori par mandaakini nadi ke kinaar hi yeh shila sthit hai. maana jaata hai ki is shila par seeta ke pairon ke nishaan mudrit hain. kaha jaata hai ki jab vah is shila par khadi theen to jayant ne kaak roop dhaaran kar unhein chonch maari thi. is shila par Ram aur seeta baithakar chitrakoot ki sundarata nihaarate the.

mandaakini teere anusooya aashram

anasuiya atri aashram

sfatik shila se lagbhag 4 kimi. ki doori par ghane vanon se ghira yeh ekaant aashram sthit hai. is aashram mein atri muni, anusuiya, dattaatreyaya aur durvaasha muni ki pratima sthaapit hain.

gupt godaavari

nagar se 18 kimi. ki doori par gupt godaavari sthit hain. yahaan do gufaaen hain. ek gufa chaudi aur oonchi hai. pravesh dwaar sankara hone ke kaaran ismein aasaani se naheen ghusa ja sakta. gufa ke ant mein ek chhota taalaab hai jise godaavari nadi kaha jaata hai. doosari gufa lambi aur sankari hai jisse hamesha paani bahata rahata hai. kaha jaata hai ki is gufa ke ant mein Ram aur Lakshman ne darbaar lagaaya tha.

hanumaan dhaara

hanumaan dhaara mein sthit mandir

pahaadi ke shikhar par sthit hanumaan dhaara mein hanumaan ki ek vishaal moorti hai. moorti ke saamane taalaab mein jharane se paani girta hai. kaha jaata hai ki yeh dhaara shreeraam ne lanka dahan se aae hanumaan ke aaraam ke liye banvaai thi. pahaadi ke shikhar par hi 'seeta rasoi' hai. yahaan se chitrakoot ka sundar drushya dekha ja sakta hai.

bharatakoop

kaha jaata hai ki Bhagwan Ram ke raajyaabhishek ke liye bharat ne Bhaarat ki sabhi nadiyon se jal ekatrit kar yahaan rakha tha. atri muni ke paraamarsh par bharat ne jal ek koop mein rakh diya tha. isi koop ko bharat koop ke naam se jaana jaata hai. Bhagwan Ram ko samarpit yahaan ek mandir bhi hai.

aavaagaman

vaayu maarg

chitrakoot ka najadeeki airport Allahabad hai. khajuraaho chitrakoot se 185 kimi. door hai. chitrakoot mein bhi havaai patti bankar taiyaar hai lekin yahaan se udaanein abhi shuroo naheen hui hain. Lucknow aur Allahabad havaai addon se bhi chitrakoot pahuncha ja sakta hai. Allahabad aur Lucknow se bas aur trainein lagaataar upalabdh hain.

rel maarg

chitrakoot se 8 kimi. ki doori karvi niktatam railway station hai. Allahabad, jabalapur, Delhi, Jhansi, haavada, Agra, Mathura, Lucknow, Kanpur, gvaaliyr, Jhansi, Raipur, katani, mugalasaraaya, Varanasi aadi shaharon se yahaan ke liye railgaadiyaan chalti hain. iske alaava shivraamapur railway station par utakar bhi basein aur too vheelar liye ja sakte hain. shivraamapur railway station ki chitrakoot se doori 4 kilometer hai.

sadak maarg

chitrakoot ke liye Allahabad, baanda, Jhansi, mahoba, Kanpur, chhatarapur, satana, faijaabaad, Lucknow, maihar aadi shaharon se niyamit bas sevaaen hain. Delhi se bhi chitrakoot ke liye bas seva upalabdh hai. shivraamapur se bhi basein aur too vheelar upalabdh hain yahaan se chitrakoot ki doori 4 kilometer hai.

sandarbh

inhein bhi dekhein

baahari kadiyaaain