chhatteesagadhi

'chhatteesagadhi shabd do arthon mein prayukt hota hai.

1. chhatteesagadhi bhaasha, vah bhaasha jo Bhaarat ke Chhattisgarh praant aur uske aaspaas boli jaati hai.

2. chhatteesagadhi log, ve log jo Bhaarat ke Chhattisgarh praant mein rahate hain ya jinka janm Chhattisgarh mein hua hai.

anukram

chhatteesagadhi bhaasha

chhatteesagadhi Bhaarat mein chhatteesagadh praant mein boli jaane waali ek bhaasha hai. yeh hindi ke kaafi nikat hai aur iski lipi devanaagari hai. iska apna samruddh saahitya hai.

chhatteesagadhi 2 karod logon ki maatrubhaasha hai . yeh poorvi hindi ki pramukh boli hai aur chhatteesagadh raajya ki pramukh bhaasha hai . raajya ki 82.56 pratishat janasankhya graameen kshetron mein tatha shahari kshetron mein keval 17 pratishat log rahate hain . yeh nirvivaad satya hai ki chhatteesagadh ka adhiktar jeevan chhatteesagadhi ke sahaare gatimaan hai . yeh alag baat hai ki gine-chune shaharon ke kaarya-vyaapaar raashtrabhaasha hindi va urdoo, punjabi, udiya, maraathi, gujaraati, baaaingla, telugu, sindhi aadi bhaasha mein evam aadivaasi kshetron mein halabi, bhatari, muriya, maadiya, pahaadi korava, uraaainv aadi boliyo ke sahaare hi sampark hota hai . is sabke baavajood chhatteesagadhi hi aisi bhaasha hai jo samooche raajya mein boli, va samajhi jaati hai . ek tarah se yeh chhatteesagadh raajya ki sampark bhaasha hai . vastut: chhatteesagadh raajya ke naamakaran ke peechhe usaki bhaashik visheshata bhi hai .

chhatteesagadhi ki praacheenata

san 875 isvi mein bilaasapur jile ke ratanapur mein chedivansheeya raaja kallol ka raajya tha . tatpashchaat ek sahastr varsh tak yahaaain haihayavanshi nareshon ka raajakaaj aarambh hua . kaningham (1885) ke anusaar us samay ka “adakshin kosala” hi “amahaakosala” tha aur yahi “abruhat chhatteesagadha” tha, jis mein udeesa, Maharashtra aur Madhya Pradesh ke kuchh jile, arthaat sundaragadh, sanbalapur, balaaaingeer, baudafulavani, kaalaahaaaindi, koraaput, bhandaara, chandrapur, shahadol, mandala, baalaaghaat shaamil the . haihayavanshiyon ne is anchal mein ardhamaagadhi se viksit boli ka prachaar kaarya praarambh kiya jo yahaaain ki poorvavarti sthaaneeya dravid aadi boliyon par raajakeeya prabhutv waali siddh hui . isse ve boliyaaain bikhr kar pahaadi evam vanyaanchalon mein simat kar rah gayi aur inheen kshetron mein chhatteesagadhi ka praacheen roop sthir hone laga . chhatteesagadhi ke praanrabhik likhit roop ke baare mein kaha jaata hai ki vah 1703 isvi ke dantevaada ke danteshvari mandir ke maithil pandit Bhagwan mishr dvaara shilaalekh mein hai .

chhatteesagadhi saahitya

shri pyaarelaal gupt apni pustak " praacheen Chhattisgarh" mein bade hi rochakata se likhte hai - " chhatteesagadhi bhaasha ardhabhaagadhi ki duhita evam avadhi ki sahodara hai " (pru 21 prakaashak ravishankar vishvavidyaalaya, 1973). " chhatteesagadhi aur avadhi donon ka janm ardhamaagadhi ke garbh se aaj se lagbhag 1080 varsh poorv naveen-dasveen shataabdi mein hua tha."

dau॰ bholaanaath tibaari, apni pustak " hindi bhaasha" mein likhte hai - " chhatteesagadhi bhaasha bhaashiyon ki sankhya avadhi ki apeksha kaheen adhik hai aur is dru se yeh boli ke star ke oopar uthakar bhaasha ka svarup praapt karti hai."

bhaasha saahitya par aur saahitya bhaasha par avalanbit hote hai. iseeliye bhaasha aur saahitya saath-saath panapate hai. parantu ham dekhte hai ki chhatteesagadhi likhit saahitya ke vikaas ateet mein spasht rup mein naheen hui hai. anek lekhakon ka mat hai ki iska kaaran yeh hai ki ateet mein yahaaain ke lekhakon ne sanskrut bhaasha ko lekhan ka maadhyam banaaya aur chhatteesagadhi ke prati jra udaaseen rahe.

iseeliye chhatteesagadhi bhaasha mein jo saahitya racha gaya, vah kareeb ek hajaar saal se hua hai.

anek saahityako ne is ek hajaar varsh ko is prakaar vibhaajit kiya hai :

  • (1) gaatha yug (san 1000 se 1500 E. tak)
  • (2) bhakti yug - madhya kaal (san 1500 se 1900 E. tak)
  • (3) aadhunik yug (san 1900 se aaj tak)

ye vibhaajan saahityik pravruttiyon ke anusaar kiya gaya hai yadyapi pyaarelaal gupt ji ka kehna theek hai ki - " saahitya ka pravaah akhandit aur avyaahat hota hai." shri pyaarelaal gupt ji ne bade sundar andaaj se aage kehte hai - " tathaapi vishisht yug ki pravruttiyaaain saahitya ke vaksh par apne charan-chihm bhi chhodti hai : pravrutyaanurup naamakaran ko dekhkar yeh naheen sochana chaahiye ki kisi yug mein kisi vishisht pravruttiyon se yukt saahitya ki rachana hi ki jaati thi. tatha anya prakaar ki rachanaaon ki us yug mein ekaant abhaav tha."

yeh vibhaajan kisi pravrutti ki saapekshik adhikta ko dekhkar kiya gaya hai.

ek aur ullekhaneeya bat yeh hai ki doosare aaryabhaashaaon ke jaise chhatteesagadhi mein bhi madhyayug tak sirf padyaatmak rachanaaeain hui hai.

yeh bhi dekhein

baahari kadiyaaain