chhaayaavaadi yug

1916 ke aaspaas hindi mein kalpanaapoorn, svachhand aur bhaavuk ek lahar umadi. bhaasha, bhaav, shaili, chhand, alankaar sab drushtiyon se puraani kavita se iska koi mel na tha. aalochakon ne ise chhaayaavaad ya chhaayaavaadi kavita ka naam diya. aadhunik hindi kavita ki sarvashreshth upalabdhi is kaal ki kavita mein milti hai. laakshanikta, chitramayata, nootan prateek vidhaan, vyangyaatmakata, madhurata, sarasata aadi gunon ke kaaran chhaayaavaadi kavita ne dheere-dheere apna prashansak varg utpann kar liya. chhaayaavaad shabd ka sabse pehle prayog mukutadhar paandeya ne kiya.

shabd chayan aur komalakaant padaavali ke kaaran itivruttaatmak (mahaakaavya aur prabandh kaavya jinmein kisi katha ka varnan hota hai) yug ki khuradari khadi boli saundarya, prem aur vedana ke gahan bhaavon ko vahan karne yogya bani. hindi kavita ke antarang aur bahirang mein ekdam parivartan ho gaya. vastu niroopan ke sthaan par anubhooti niroopan ko pramukhata mili. prakruti ka praanamaya pradesh kavita mein aaya. jayashankar prasaad, sooryakaant tripaathi niraala, sumitraanandan pant aur mahaadevi varma is yug ke chaar pramukh stambh hain.

Ramkumar varma, maakhanalaal chaturvedi, harivansharaaya Bachchan aur [[raamadhaari Singh dinkar][indr bahaadur khare ] ko bhi chhaayaavaad ne prabhaavit kiya. kintu Ramkumar varma aage chalakar naatakakaar ke roop mein prasiddh hue, maakhanalaal chaturvedi raashtravaadi dhaara ki or rahe, Bachchan ne prem ke raag ko mukhar kiya aur dinkar tatha indr bahaadur ne vidroh ki aag ko aavaaj di.

chhaayaavaad ke pramukh kavi mahaadevi varma, jayashankar prasaad, sooryakaant tripaathi niraala, sumitraanandan pant

yeh bhi dekhe