charm rog

ek charmarog

tvacha ke kisi bhaag ke asaamaanya avastha ko charmarog (dermatosis) kehte hain. tvacha shareer ka sanase bada tantr hai. yeh seedhe baahari vaataavaran ke sampark mein hota hai. iske atirikt bahut se anya tantron ya angon ke rog (jaise baabaaseer) bhi tvacha ke maadhyam se hi abhivyakt hote hain. (ya apne lakshan dikhaate hain)

tvacha shareer ka sabse vistrut ang hai saath hi yeh vah ang hai jo baahya jagat ke sampark (contact) mein rahata hai. yahi kaaran hai ki ise anek vastuon se haani pahuainchati hai. is haani ka prabhaav shareer ke antarik avayavon par naheen padta. tvacha ke rog vibhinn prakaar ke hote hain. tvacha saralata se dekhi ja sakti hai. is kaaran iske rog, chaahe chot se hon athva sankraman (infection) se hon, rogi ka dhyaan apni or turant aakarshit kar lete hain.

anukram

tvacha rogon ke vibhinn kaaran

tvacha ke rog anek kaaranon se hote hain. in kaaranon par prakaash daalne se poorv yeh jaan lena aavashyak hai ki pratyek manushya ki tvacha ek jaisi naheen hoti aur na hi is par samaan kaaranon ka ek jaisa prabhaav hi padta hai.

janmajaat kaaran

tvacha sambandhi kuchh rog janm se hote hain, jinka kaaran tvacha ka kuvikaas (maldevelopment) hai. is prakaar ke rog janm ke kuchh din pashchaat hi maata evam anya logon ka dhyaan apni or aakarshit karte hain, udaaharanaarth laal uthe hue dhabbe (nevus), jinmein rakt jhalakata hai. ye shareer ke kisi ang par nikal sakte hain. ye chinh (scar) teen chaar varsh ki aayu mein apne aap mit jaate hain. inki kisi vishesh chikitsak se chikitsa karaani chaahiye, jisse koi kharaab, ubhara hua chinh na rah jaae.

iske atirikt kuchh manushyon ki tvacha sookhi aur machhali ki tvacha ki bhaaainti hoti hai. yeh janm bhar aisi hi rahati hai. aise vyakti ko saabun ka prayog naheen karna chaahiye. kuchh manushyon ki tvacha, baal aur aaainkhon ka svachh mandal (cornea) shvet hota hai. aise vyakti ko soorajamukhi, athva varnaheen (albino), kehte hain. soorya ki kirnein inke liye atyant haanikaarak hoti hain, at: inhein sadaiv dhoop se bache rahana chaahiye tatha dhoop mein nikalte samay "dhoop ka chashma" upayog mein laana chaahiye.

bhautik kaaran

tvacha par bhautik kaaranon (physcial causes) se bhi kuchh rog hote hain, jaise kisi vastu ke tvacha par dabaav tatha rang, garami, saradi evam eksare (x-rays) ke prabhaav ke kaaran utpann rog. tvacha par kathor dabaav ke kaaran thes pad jaati hai jismein dabaav ke kaaran peeda hoti hai. kabhi kabhi aisa bhi dekha gaya hai ki nirantar dabaav padne par tvacha patali pad jaati hai, jaise poton mein aaaint utarana. iski rokathaam ke liye kamaani pahanate hain.

adhik bheegane par tvacha sikudti hai aur chhootane lagti hai. is tarah ki tvacha par saabun ka bura prabhaav padta hai. is prakaar ki tvacha dhobi, ghar mein kaam kaaj karanevaale naukar hotel ke rasoie tatha baratan saaf karanevaalon ki hoti hai. haath pair ki tvacha ke saath saath uaingaliyon aur naakhoon par bhi iska prabhaav padta hai.

tvacha par thand ka bhi bura prabhaav padta hai, visheshakar yadi taap shoonya se neecha ho. adhik sheet se tvacha ki komal (delicate) chhoti chhoti maheen raktavaahani shiraaeain sikudne lagti hain tatha tvacha neeli pad jaati hai, in shiraaon mein rakt jam jaata hai tatha ang gal jaata hai. is rog ko tushaararog (frost-bite) kehte hain. is ka prabhaav kaan, naak aur haath pair ki uaingaliyon par padta hai. is rog ki praathamik chikitsa ka gyaan un sainikon ke liye atyant aavashyak hai, jo parvateeya seema ki raksha karte hain. jis ang ki tvacha par tushaararog ka prabhaav ho usako aaraam se rakhana chaahiye tatha saaf karne ke baad ooni kapde se lapet dena chaahiye. maalish aur seink haanikaarak hain.

adhik sheet ke kaaran kuchh logon ke hath pair ki uaingaliyaaain sooj jaati hain, laal pad jaati hain aur unamein ghaav bhi ho jaate hain. is rog se bachane ke liye paushtik bhojan karna chaahiye aur uaingaliyon ko dastana pahanakar garam rakhana chaahiye. yahaaain paushtik bhojan se taatparya adhik proteen aur vasaayukt bhoj se hai.

rasaayanon ka prabhaav

tvacha par raasaayanik padaarthon, jaise kshaar tatha aml aadi, ka bura prabhaav padta hai. Bhaarat sanprati audyogeekaran ki or agrasar ho raha hai, ataev anek prakaar ke raasaayanik padaarthon ka prayog anivaarya hai. aisi sthiti mein tvacha ke bahut se rog tvacha par in rasaayanakon ke bura prabhaav daalne ke kaaran drushtigochar honge.

aadhunik samay mein anya deshein mein vyaavasaayik tvachaarongon (occupational skin diseases) ki or adhik dhyaan diya ja raha hai. kisi audyogik sanstha mein shramik ke pravesh karte samay yeh dekha jaata hai ki us audyogik sanstha mein jo rasaayan upayog mein aate hain, ve shramikon ke liye haanikaarak to naheen hain. doosari baat yeh hai ki aisi audyogik sansthaaon ke prabandhak evam chikitsak yeh bhi dekhte hain ki samast karmachaari uchit prakaar se haath paaainv dhote hain aur kaam ke pashchaat apne kapde badalate hain athva naheen. jin kapadon ko pahan kar ve rasaayanakon ka prayog karte hain, unhein kaam ke pashchaat turant badal lena chaahiye, jisse shareer par un padaarthon ka bura prabhaav adhik der tak na padta rahe.

aajkal pragatisheel deshon mein audyogik sansthaaeain in samast baaton par poora poora dhyaan rakhati hain aur is baat par bhi dhyaan deti hain ki kaarkhaanon ki tvacha par bura prabhaav na daal sakein. karmachaari ke svaasthya ka poora poora dhyaan rakha jaata hai. pratyek karmachaari ka jeevan beema hota hai, jisse kaam ke madhya yadi vah rogagrast ho jaae to usaki chikitsa uchit prakaar se ho sake. jis avadhi tak vah rogagrast rahata hai, us avadhi ka vetan jeevan beema company deti hai aur usaki uchit chikitsa bhi karavaati hai. iske atirikt, yadi yeh siddh ho jaata hai ki karmachaari ko koi rog kaarkhaanon mein kaarya karte samay aur vahaaain ki kisi aisi vastu ko sparsh karne se hua hai, jo haanikaarak hai, to us factory ya kaarkhaane ke prabandhakon ki or se kshatipoorti (compensation) ke roop mein kuchh dhan bhi karmachaari ko dilaaya jaata hai.

asvachhata evam sansargajanit rog

hamaare desh mein adhikaanshat: tvacha ke ve rog dekhe jaate hain, jo shareer ki poorn safaai na karne, nirdhanata, nirantar snaan na karne tatha rogi pashuon ki tvacha ke sparsh se ho jaate hain. is prakaar ke rog chhoot ke rog hote hain aur ek doosare ke sansarg se lag jaate hain. aise rogon mein adhikaansh roop se khaaj (scabies), jooain(pediculosis) aur daad (ringworm) ityaadi hote hain. log yeh sochate hain ki in rogon ke jeevaanuon ko maarane ke liye teevr se teevr aushadhiyon ka prayog karna chaahiye. yeh vichaar nirmool evam galat hai. aisa karne se tvacha ko bahut haani pahuainchati hai. logon ko is baat ka gyaan hona chaahiye ki ve sab rog, jinmein khujali ek saamaanya upasarg hai, bhinn bhinn kaaranon se hote hain. khaaj ke liye gandhak ka maraham bahut laabhadaayak hai. rog ke poore nidaan ke liye chikitsak ki aavashyakta padti hai. gandhak ke maraham ko shareer par raat mein lagaakar sona chaahiye. maraham teen baar lagaana kaafi hoga.

sir ki jooain se chhutakaara paane ke liye sir ki safaai karna tatha baalon ko katavaana chaahiye aur di.di.ti. (D.D.T.) ya anya aushadhiyon ka prayog chikitsak ki sanmati ke anusaar karein. khujali tatha jooain se chhutakaara paane ke liye anya cheejon se utana laabh naheen hota jitna uparyukt aushadhiyon se.

daad par aisa maraham na lagaana chaahiye, jo tvacha ko haani pahuainchaae. paseena aanevaale sthaanon par yeh rog adhik dekha jaata hai. is kaaran aise sthaanon ko paaudar dvaara sookha rakhana chaahiye. saath hi maraham aur paaudar ka prayog daad ke theek hone ke pashchaat bhi kuchh samay tak nirantar karte rahana chaahiye. is rog ke liye abhi ek aisi aushadhi nikli hai jo tikiya (tablet) ke roop mein khaai jaati hai. yeh rog ke liye atyant laabhadaayak hai.

ye rog kabhi kabhi pakanevaali khujali ke roop mein hote hain aur hamaari tvacha par jo jeevaanu mitr ke samaan rahate hain, shatru ho jaate hain. in jeevaanuon ko maarane ke liye penisilin (penicillin) aur salfa (sulpha) maraham, jaise sibaajol (cibazol), haanikaarak hain.

tvacha par rahane vaale jeevaanu (baiktiriya)

tvacha par rahanevaale jeevaanu adhiktar apne aap hi tvacha ke rog ka kaaran ho jaate hain, jo fode (boils), funsiyon (furrunculosis) ke roop mein prakat hota hai. in sab mein jeevaanu kisi chhupanevaale sthaan, jaise naak, mein chhipe rahate hain. is kaaran yeh aavashyak hai ki chikitsa ke samay inapar bhi dhyaan diya jaaya. in rogon ki chikitsa mein khaane tatha lagaane ki dava ka prayog karna chaahiye. jis jagah ki tvacha par ye rog prakat hon usaki safaai ka poora dhyaan rakhana chaahiye. in rogon ke liye koi maraham, jismein ki chikitsak jink oksaaid (Zinc oxide), haaidemaun (hydammon), aayodauksikvionalin (codoxyquionlin) ityaadi milaate hain, lagaana chaahiye aur salfa tatha aintibaayotik (antibiotic) varg ki aushadhi ka muainh, athva injekshan dvaara, prayog karna chaahiye.

madhumeh ke jeevaanu atyadhik haanikaarak hote hain aur kaarabankal (carbuncle) rog paida karte hain, jiski chikitsa samajhadaari ke saath aur tatkaal karni chaahiye, jisse jeevan ko koi haani na ho.

inke atirikt tvacha ke kuchh aur rog bhi hain, jo bahut hi sookshm jeevaanuon dvaara hote hain. inmein se ek rog ko gokharoo (wart or molluscum contagiosum) kehte hain. yeh chhoot ka rog hai. isi prakaar ka ek aur rog hai, jise harapeejjaustar (Herpeszoster) kehte hain. yeh pata naheen hai ki isko makadi falana kyon kehte hain. ismein shareer par chhaale pad jaate hain aur dard hota hain. aayu ke anusaar hi peeda ka anubhav hota hai, arthaat bachchon ko peeda kam hoti hai aur badon ko adhik. ek anya rog harapeej laibiailis (herpes labialis) aur projenitailis (progenitalis) bhi hota hai. inmein honth tatha shishn par jvar aadi ke baad chhaale pad jaate hain. abhi tak in rogon ke vishaanuon (viruses) ko maarane ki koi upayukt aushadhi gyaat naheen ho saki hai.

anya kaaran

tvacha shareer ka baahya avayav hai. is kaaran anek vastuon ka prabhaav ispar padta hai. yeh prabhaav tvacha ko atyant komal aur sugraahi banaakar chhaajan (eczema), ya tvachaashoth (dermatitis), athva pitti (urticaria) ka roop dhaaran kar leta hai. in rogon ki uchit chikitsa ke liye yeh jaanana aavashyak hai ki tvacha kis cheej se prabhaavit hui hai. vartamaan kaal mein anek vastueain tvacha ko prabhaavit karti hain, jinmein naai ka ustara aur kaantivrdhak vastueain (cosmetics) mukhya hain.

tvacha hamaare shareer ke liye darpan ke samaan hai, jispar hainsi, prasannata, du:kh tatha khinnata ka prabhaav turant padta hai. fyaas (roosi) ka kaaran maanasik pareshaani aur neend na aana hai. tvacha par anya angon ke rog ka bhi prabhaav padta hai, jaise madhumeh aur peeliya rogon mein shareer par khujali ho jaati hai.

khaanapaan mein aavashyak padaarthon ki kami ke prabhaav bhi tvacha par vibhinn rogon ke roop mein prakat hote hain. bhinn bhinn rogon ke liye anek davaaeain di jaati hain. nai nai davaaeain nitya prati prayog mein aati rahati hain. bhinn bhinn aushadhiyon ka adhik prayog kane se bhi tvagrog hota hai, jise drag raish (drugrash) ya drag chakatta kehte hain.

paseena kam nikalne se bhi tvacha ke rog ho sakte hain. isi prakaar charbi ki granthi se bhi rog hote hain. inmein se ek rog ka naam muhaaainsa (acne vulgaris) hai, jo praaya: yuva ladkon tatha ladkiyon mein dekha jaata hai. vastut: yeh rog naheen hai. is aayu mein ling granthiyon ke kaaryarat hone ke kaaran charbi ki granthiyaaain apne aap charbi utpann karti hain. jisko muhaaainse ka rog he use meetha, mirch tatha masaala kam khaana chaahiye. muhaaainson ko nochana naheen chaahiye.

tvacha par baal bhi hote hain. kabhi kabhi sir ke baal adhik tootate hain. iske liye sir ki safaai aur kisi saade tel ka prayog laabhakar siddh hota hai. kabhi kabhi yuva ladke, lakadiyon ke baal kam aayu mein hi safed ho jaate hain, jisse ve du:khi rahate hain. parantu abhi tak koi aushadhi aisi gyaat naheen ho pai hai jiske prayog se yeh rog theek ho sake. khijaab aadi lagaane se kabhi kabhi adhik haani ho jaane ki aashanka rahati hai. kabhi kabhi sir ya daadhi ke baal jagah jagah se ud jaate hain. iska kaaran shaayad chinta hai. yadi rogi ko vishvaas dilaate rahein ki ude hue baal pun: aa jaaeainge, to isse laabh hota hai.

tvacha ke saath saath naakhoon ka bhi varnan karna aavashyak hai. naakhoon mein bhi tvacha ke samaan daad ho sakti hai. kabhi kabhi nel paalish se naakhoon sheegra toot jaate hain ya khuradare ho jaate hain.

iske atirikt chinta bhi tvacha ka rog paida kar deti hai. tvacha ke safed hone ko safed daag (leucoderma) kehte hain. abhaagyavash isko kodh (kusht) samjha jaata hai. isse rogi ko aur chinta ho jaati hai. is rog mein tvacha ko rooi se chhoone se bhi sooi chhedane jaisi peeda hone lagti hai. lekin kusht mein peeda naheen hoti. abhi tak is rog ki koi santoshajanak chikitsa gyaat naheen ho saki hai.

tvacha mein kshaya rog ke keetaanu bhi tvachaagulikaarti (skin tuberculosis) utpann karte hain. isi prakaar upadansh (syphilis) ke dhabbe bhi tvacha par prakat hote hain.

tvacha ke kuchh rog aise hote hain, jo pun: pun: prakat hote hain, jaise soriaisis (psoriasis), iska vaastavik kaaran agyaat hai. lyoopas erithematosas (lupus erythematosus) bhi aisa hi rog hai.

yadi theek samajhadaari ke saath chikitsa ho to tvacha ke adhiktar rog theek ho jaate hain. tvacha ke thode hi rog aise hote hain, jinse mrutyu hoti hai, jaise peinfigs (pemphigus). is rog mein badan, muainh aur gupteindriyon par chhaale nikalte hain. bhaagyavash is rog mein kautirsesterauyad (corticesteroid) se ek naveen aasha utpann ho gayi hai aur rog par bahut kuchh aadhiptya pa liya gaya hai, kintu rogi ko jeevan bhar alp maatra mein iska prayog karte rahana chaahiye.

Cancer (Cancer) rog shareer ke pratyek ang mein ho sakta hai. tvacha mein bhi Cancer ho sakta hai. yadi rog ka sheegra nidaan ho jaata hai aur shalyachikitsa, deep eksare (Deep X-ray), rediym athva anya upachaar se laabh ho jaata hai, to rogi ki aayu badh jaati hai.

udaaharan

  • ungali ki tvacha khaana Dermatophagia
  • munhaanse
  • Actinic keratosis
  • Angioma
  • khilaadi paanv (Athlete's foot)
  • Aquagenic pruritus
  • Argyria
  • Atopic dermatitis
  • ganjaapan (Baldness)
  • Basal cell carcinoma
  • Bed sore
  • Behcet's disease
  • Blepharitis
  • foda ya bran (Boil)
  • Bowen's disease
  • Bullous pemphigoid
  • Canker sore
  • Carbuncles
  • Cellulitis
  • Chloracne
  • Chronic dermatitis of the hands and feet
  • Cold sores
  • Contact dermatitis (includes poison ivy, oak, sumac)
  • Creeping eruption
  • Dandruff
  • Dermatitis
  • Dermatitis herpetiformis
  • Dermatofibroma
  • Diaper rash
  • Dyshidrosis
  • Eczema
  • Epidermolysis bullosa
  • Erysipelas
  • Erythroderma
  • Friction blister
  • Genital wart
  • Gestational pemphigoid
  • Grover's disease
  • Hemangioma
  • Hidradenitis suppurativa
  • Hives
  • Hyperhidrosis
  • Ichthyosis
  • Impetigo
  • Jock itch
  • Kaposi's sarcoma
  • Keloid
  • Keratoacanthoma
  • Keratosis pilaris
  • Lewandowsky-Lutz dysplasia
  • Lice infection
  • Lichen planus
  • Lichen simplex chronicus
  • Lipoma
  • Lymphadenitis
  • Malignant melanoma
  • Melasma
  • Miliaria
  • Molluscum contagiosum
  • Nummular dermatitis
  • Paget's disease of the nipple
  • Pediculosis
  • Pemphigus
  • Perioral dermatitis
  • Photoallergy
  • Photosensitivity
  • Pityriasis rosea
  • Pityriasis rubra pilaris
  • Porphyria
  • Psoriasis
  • Raynaud's disease
  • Ringworm
  • Rosacea
  • Scabies
  • Scleroderma
  • Scrofula
  • Sebaceous cyst
  • Seborrheic keratosis
  • Seborrhoeic dermatitis
  • Shingles
  • Skin cancer
  • Skin Tags
  • Spider veins
  • Squamous cell carcinoma
  • Stasis dermatitis
  • Sunburn
  • Tick bite
  • Tinea barbae
  • Tinea capitis
  • Tinea corporis
  • Tinea cruris
  • Tinea pedis
  • Tinea unguium
  • Tinea versicolor
  • Tinea
  • Tungiasis
  • Urticaria (Hives)
  • Vagabond's disease
  • Vitiligo
  • Warts
  • Wheal (aka "Weal" and "Welt")

inhein bhi dekhein

  • tvacha rogon ki soochi
  • tvachaarog vigyaan

baahari kadiyaaain