charak

patanjali yogapeeth haridvaar mein maharshi charak ki pratima

charak ek maharshi evam aayurved vishaarad ke roop mein vikhyaat hain. ve kushaan raajya ke raajavaidya the. inke dvaara rachit charak sanhita ek prasiddh aayurved granth hai. ismein roganaashak evam roganirodhak davaaon ka ullekh hai tatha sona, chaaaindi, loha, paara aadi dhaatuon ke bhasm evam unke upayog ka varnan milta hai. aachaarya charak ne aachaarya agnivesh ke agniveshatantr me kuchh sthaan tatha adhyaaya jodkar use naya roop diya jise aaj ham charak sanhita ke naam se jaante hai.

parichay

charakasanhita aayurved mein prasiddh hai. iske upadeshak atriputr punarvasu, granthakarta agnivesh aur pratisanskaarak charak hain.

praacheen vaaङa‌aamaya ke parisheelan se gyaat hota hai ki un dinon granth ya tantr ki rachana shaakha ke naam se hoti thi. jaise kath shaakha mein kathopanishd bani. shaakhaaeain ya charan un dinon ke vidyaapeeth the, jahaaain anek vishyon ka adhyayan hota tha. at: sambhav hai, charakasanhita ka pratisanskaar charak shaakha mein hua ho.

charakasanhita mein paali saahitya ke kuchh shabd milte hain, jaise avakraanti, jeintaak (jantaak - vinyapitk), bhangodan, khuddaak, bhootadhaatri (nidra ke liye). isse charakasanhita ka upadeshakaal upanishdon ke baad aur buddh ke poorv nishchit hota hai. iska pratisanskaar kanishk ke samay 78 E. ke lagbhag hua.

tripitk ke cheeni anuvaad mein kanishk ke raajavaidya ke roop mein charak ka ullekh hai. kintu kanishk bauddh tha aur usaka kavi ashvaghosh bhi bauddh tha, par charak sanhita mein buddhamat ka jordaar khandan milta hai. at: charak aur kanishk ka sambandh sandigdh hi naheen asambhav jaan padta hai. paryaapt pramaanon ke abhaav mein mat sthir karna kathin hai.

saaaincha:praacheen Bhaarat ke vaigyaanik