chandravanshi
 |
is lekh mein sandarbh ya sootr naheen diye gaye hain. krupaya vishvasaneeya sootron ke sandarbh jodkar is lekh mein sudhaar karein. bina sootron ki saamagri ko hataaya ja sakta hai. (April 2016) |
chandravansh ek pramukh praacheen bhaarateeya kshatriykul.
aanushrutik saahitya se gyaat hota hai. ki aaryon ke pratham shaasak (raaja) vaivasvat manu hue. unke nau putron se sooryavanshi kshatriyon ka praarambh hua. manu ki ek kanya bhi thi - ila. usaka vivaah budh se hua jo chandrama ka putr tha. unase pururavas ki utpatti hui, jo ail kahalaaya aur chandravanshiyon ka pratham shaasak hua. usaki rajdhani pratishthaan thi, jahaaain aaj prayaag ke nikat jhooainsi basi hai. pururava ke chh: putron mein aayu aur amaavasu atyant prasiddh hue. aayu pratishthaan ka shaasak hua aur amaavasu ne kaanyakubj mein ek nae raajavansh ki sthaapana ki. kaanyakubj ke raajaaon mein jahvu prasiddh hue jinke naam par ganga ka naam jaahnavi pada. aage chalakar vishvarath athva vishvaamitr bhi prasiddh hue, jo paurohitya pratiyogita mein kosal ke purohit vasishth ke sangharsh mein aae. aayu ke baad usaka jetha putr nahush pratishthaan ka shaasak hua. uske chhote bhaai kshatravruddh ne kaashi mein ek raajya ki sthaapana ki. nahush ke chhah putron mein yati aur yayaati sarvamukhya hue. yati sannyaasi ho gaya aur yayaati ko raajagaddi mili. yayaati shaktishaali aur vijeta samraat hua tatha anek aanushrutik kathaaon ka naayak bhi. uske paaainch putr hue - yadu, turvasu, druhyu, anu aur puru. in paaainchon ne apne apne vansh chalaae aur unke vanshajon ne door door tak vijay keen. aage chalakar ye hi vansh Yadav, turvasu, druhyu, aanav aur paurav kahalaae. rigved mein inheen ko panchakrushtaya: kaha gaya hai. yaadavon ki ek shaakha haihaya naam se prasiddh hui aur dakshinaapath mein narmada ke kinaare ja basi. maahishmati haihayon ki rajdhani thi aur kaartaveerya arjun unka sarvashaktimaan aur vijeta raaja hua. turvasuke vanshajon ne pehle to dakshin poorv ke pradeshon ko adheenasth kiya, parantu baad mein ve pashchimottar chale gaye. druhyuon ne sindh ke kinaaron par kabja kar liya aur unke raaja gaandhaar ke naam par pradesh ka naam gaandhaar pada. aanavon ki ek shaakha poorvi Punjab aur doosari poorvi Bihar mein basi. Punjab ke aanav kul mein usheenar aur shivi naamak prasiddh raaja hue. pauravon ne madhyadesh mein anek raajya sthaapit kiye aur ganga-yamuna-doaab par shaasan karanevaala dushyant naamak raaja unamein mukhya hua. shakuntala se use bharat naamak medhaavi putr utpann hua. usane digvijya dvaara ek vishaal saamraajya ki sthaapana ki aur sambhavat: desh ko bhaaratavarsh naam diya.
chandravanshiyon ki mool rajdhani pratishthaan mein, yayaati ne apne chhote ladke puru ko uske vyavahaar se prasann hokar - kaha jaata hai ki usane apne pita ki aajnyaa se uske sukhopabhog ke liye apni yuvaavastha de di aur usaka budhaapa le liya - raajya de diya. fir ayodhya ke aikshvaakuon ke dabaav ke kaaran pratishthaan ke chandravanshiyon ne apna raajya kho diya. parantu