chandravaakya

chandravaakya (sanskrut mein : chandravaakyaani) soochi (list) ke roop mein vyavasthit sankhyaaon ke ek samooh ko kehte hain jinka upayog praacheen bhaarateeya ganitjnyaon dvaara chandrama ki pruthvi ke chaaro or gati ki ganana ke liye kiya jaata tha. vaastav mein ye sankhya ke roop mein hote hi naheen hain balki sankhyaaon ko katapayaadi vidhi dvaara shabdon mein badal diya jaata hai. is prakaar ye 'shabdon ki soochi', 'shabd-samooh' ya sanskrut mein likhe chhote-chhote vaakyon jaise dikhte hain. isi liye ye 'chandravaakya' kahalaate hain.

paramparaagat roop se vararuchi (chauthi shataabdi) ko chandravaakyon ka rachayita maana jaata hai. chandravaakyon ka upayog samay-samay par panchaang banaane tatha pehle se hi chandrama ki sthiti ki ganana ke liye kiya jaata tha. chandravaakyon ko 'vararuchivaakyaani' tatha 'panchaaङagavaakyaani' bhi kaha jaata hai.

sangamagraam ke maadhav (1350 – 1425 E) ne sanshodhit chandravaakyon ki rachana ki. unhone apne prasiddh granth venvaaroh mein chandravaakyon ki ganana ke liye ek vidhi bhi viksit ki.

Kerala ke alaava chandravaakya Tamil Nadu ke kshetron mein bhi khoob prayog kiye jaate the. vahaaain inka upayog panchaagon ke nirmaan mein kiya jaata tha jinhein 'vaakyapanchaang' kehte the. aajkal jo panchaang bante hain ve druk-panchaang kahalaate hain. druk-panchaangon ka nirmaan chandravaakyon ke bajaay khagoleeya prekshanon se praapt aakadon ki sahaayata se kiya jaata hai.

pathaneeya

inhein bhi dekhein

  • parahitkaran