chandrakaant raajoo

chandrakaant raajoo (janm 7 March 1954) Bhaarat ke computer vigyaani, ganitjnya, bhautikshaastri, shikshaashaastri, daarshanik evam bahujnya anusandhaanakarta hain. samprati ve nayi Delhi ke sabhyata adhyayan kendra (Centre for Studies in Civilizations) se jude hue hain. Bhaarat ke pratham suparakampyootar 'param' (1988-91) mein unka ullekhaneeya evam pramukh yogadaan raha.

anukram

parichay

shri chandrakaant raajoo ka janm madhya pradesh ke gvaaliyr mein hua tha. unhone san 1973 mein mumbai ke vigyaan sansthaan (Institute of Science) se vigyaan mein snaatak ki upaadhi praapt ki. mumbai ke hi pragat ganit adhyayan kendra (Centre of Advanced Study in Mathematics) se san 1975 mein emaesasi kiya. unhone san 1980 mein Kolkata sthit bhaarateeya saankhyiki sansthaan se Ph.D. ki.

unhone mukhyat: ganit aur bhautiki par bahut si pustake evam lekh likhi hain. unhone vigyaan ke darshan evam itihaas par bhi bahut kuchh likha hai. shri raajoo ke adhikaansh vishvaas evam dhaaranaaen bahut vivaadaspad raheen hain.

pramukh vichaar

chandrakaant raajoo ke vigyaan tatha ganit se sambandhit pramukh vichaar nimnalikhit hain-

  • yuklid aur klaudiys taulemi ke astitv ka koi gambhir saboot naheen hai. unhein jin kitaabon ka rachanaakaar bataaya jaata hai, ve kitaabein bahut baad ki hain.
  • koparniks ne arab lekhakon se shabdash: nakl ki.
  • vikrut pashchimi itihaas ke saath-saath pashchimi dharmashaastr se rainge maithametiks aur vigyaan ki bina sameeksha kiye dharmanirpeksh gyaan ke roop mein schooli bachchon ko padhaaya jaata hai.
  • vigyaan mein Swaraj ki maang : ganit aur vigyaan ko vyaavahaarik uddeshyon se jodkar pashchimi dharmashaastr se door rakhana hoga aur pashchimi saamaajik sveekruti ke maanadand se khud ko alag karna hoga.

pramukh krutiyaaain

  • 'kya vigyaan pashchim mein shuroo hua?' (is pustak ki press vigyapti)
  • Cultural foundations of mathematics: the nature of mathematical proof and transmission of the calculus from India to Europe in the 16th Century

inhein bhi dekhein

baahari kadiyaaain