chandragrahan

June 2011 ka poorn chandragrahan

chandragrahan us khagoleeya sthiti ko kehte hai jab chandrama pruthvi ke theek peechhe usaki prachhaaya mein aa jaata hai. aisa tabhi ho sakta hai jab soorya, pruthvi aur chandrama is kram mein lagbhag ek seedhi rekha mein avasthit hon. is jyaamiteeya pratibandh ke kaaran chandragrahan keval poornima ko ghatit ho sakta hai. chandragrahan ka prakaar evam avadhi chandra aasandhiyon ke saapeksh chandrama ki sthiti par nirbhar karte hain.

kisi sooryagrahan ke vipreet, jo ki pruthvi ke ek apekshaakrut chhote bhaag se hi dikh paata hai, chandragrahan ko pruthvi ke raatri paksh ke kisi bhi bhaag se dekha ja sakta hai. jahaaain chandrama ki chhaaya ki laghuta ke kaaran sooryagrahan kisi bhi sthaan se keval kuchh minton tak hi dikhta hai, vaheen chandragrahan ki avadhi kuchh ghanton ki hoti hai. iske atirikt chandragrahan ko, sooryagrahan ke vipreet, aaainkhon ke liye bina kisi vishesh suraksha ke dekha ja sakta hai, kyonki chandragrahan ki ujjvalata poorn chandra se bhi kam hoti hai.

chandragrahan ka saraleekrut chitran

inhein bhi dekhein