chand baradaai

chand baradaai (1149 – 1200) bhaarateeya raaja pruthveeraaj chauhaan, jinhonne Ajmer aur Delhi par 1165 se 1192 tak raajya kiya, ke raajakavi the. Lahore mein janme, chand baradaai bhaat jaati ke jagaat naamak gotr ke braahman the. chand pruthveeraaj ke pita someshvar ke samay mein raajapootaane aae the. someshvar ne chandabaradaai ke pita ko apna darabaari kavi banaaya. yaheen se chand ke darabaari jeevan ki praarambh hua. pruthveeraaj ke samay mein unke pita naagaur mein bas gaye. yahaaain aaj bhi unke vanshaj rahate hain.

chand baradaai ko jaalandhari devi ka isht tha jinki krupa se ye adrusht-kaavya bhi kar sakte the. var praapt karne ke kaaran hi inka naam baradaai pada. ve shadbhaasha, vyaakaran, kaavya, saahitya, chhandashaasr, jyotish, puraan, naatak aadi anek vidyaaon mein paarangat the. inke poorvajon ki bhoomi Punjab thi. unki ek maatr rachana pruthveeraaj raaso mahaakaavya hai. is mahaakaavya ke naayak unke mitr aur aashrayadaata raaja pruthveeraaj chauhaan hain. chand baradaai veer ras ke adviteeya kavi samajhe jaate hain.

gori ke vadh mein sahaayata

inka jeevan pruthveeraaj ke jeevan ke saath aisa mila hua tha ki alag naheen kiya ja sakta. yuddh mein, aakhet mein, sabha mein, yaatra mein, sada mahaaraaj ke saath rahate the aur jahaaain jo baatein hoti theen, sab mein sammilit rahate the. yahaan tak ki muhammad gori ke dvaara jab pruthveeraaj chauhaan ko paraast karke evam unhe bandi bana karke gajani le jaaya gaya to ye bhi swayam ko vash me nahi kar sake evam gajani chale gaye. aisa maana jaata hai ki kaid me band pruthveeraaj ko jab andha kar diya gaya to unhein is avastha mein dekh kar inka hrudaya dravit ho gaya evam inhonne gori ke vadh ki yojana banaayi. ukt yojana ke antargat inhonne pehle to gori ka hrudaya jeeta evam fir gori ko yeh bataaya ki pruthveeraaj shabdabhedi baan chala sakta hai. isse prabhaavit hokar mohammad gori ne pruthveeraaj ki is kala ko dekhne ki ichha prakat ki. pradarshan ke din chand baradaayi gori ke saath hi manch par baithe. andhe pruthveeraaj ko maidaan mein laaya gaya evam unase apni kala ka pradarshan karne ko kaha gaya. pruthveeraaj ke dvaara jaise hi ek ghante ke oopar baan chalaaya gaya gori ke muainh se akasmaat hi "vaah! vaah!!" shabd nikal pada bas fir kya tha chandabaradaayi ne tatkaal ek dohe mein pruthveeraaj ko yeh bata diya ki gori kahaaain par evam kitni ooainchaai par baitha hua hai. vah doha is prakaar tha:

chaar baaains chaubees gaj, angul asht pramaan! ta oopar sultaan hai, mat chooke chauhaan!!

is prakaar chand baradaai ki sahaayata se pruthveeraaj ke dvaara gori ka vadh kar diya gaya. inke dvaara rachit pruthveeraaj raaso hindi bhaasha ka pehla praamaanik kaavya maana jaata hai.

inhein bhi dekhein

baahari kadiyaaain