chanba

chanba
nagar
चंबा का लक्ष्मीनारायण मंदिर
chanba ka lakshmeenaaraayan mandir
samay mandal: IST (UTC+5:30)
desh Flag of India.svg Bhaarat
raajya Himachal pradesh
jila chanba
mahaapaur
janasankhya 20,312 (2001 tak )
kshetrafal
ooainchaai (AMSL)

• 996 meter

Erioll world.svgnirdeshaank: 32°a20′aN 76°a42′aE / 32.34°aN 76.7°aE / 32.34; 76.7

chanba Bhaarat ke Himachal pradesh praant ka ek nagar hai. Himachal pradesh ka chanba apne ramaneeya mandiron aur haindeekraaft ke liye sarvavikhyaat hai. ravi nadi ke kinaare 996 meter ki oonchaai par sthit chanba pahaadi raajaaon ki praacheen rajdhani thi. chanba ko raaja saahil varman ne 920 E. mein sthaapit kiya tha. is nagar ka naam unhonne apni priya putri chanpaavati ke naam par rakha. chaaron or se oonchi pahaadiyon se ghire chanba ne praacheen sanskruti aur viraasat ko sanjo kar rakha hai. praacheen kaal ki anek nishaaniyaan chanba mein dekhi ja sakti hain.

anukram

mukhya aakarshan-

chanpaavati mandir

yeh mandir raaja saahil varman ki putri ko samarpit hai. yeh mandir shahar ki police chauki aur koshaagaar bhavan ke peechhe sthit hai. kaha jaata hai ki chanpaavati ne apne pita ko chanba nagar sthaapit karne ke liye prerit kiya tha. mandir ko shikhar shaili mein banaaya gaya hai. mandir mein pattharon par khoobsoorat nakkaashi ki gayi hai aur chhat ko pahiyenuma banaaya gaya hai.

lakshmeenaaraayan mandir

yeh mandir paanraparik vaastukaari aur moortikla ka utkrush‍aat udaaharan hai. chanba ke 6 pramukh mandiron mein yeh mandir sabse vishaal aur praacheen hai. kaha jaata hai ki savase pehle yeh mandir chamba ke chaugaan mein sthit tha parantu baad mein is mandir ko raajamahal (jo vartamaan mein chamba jile ka raajakeeya mahaavidyaalaya hai) ke saath sthaapit kar diya gaya. Bhagwan vishnu ko samarpit yeh mandir raaja saahil varman ne 10 veen shataabdi mein banavaaya tha. yeh mandir shikhar shaili mein nirmit hai. mandir mein ek vimaan aur garbhagruh hai. mandir ka dhaancha mandap ke samaan hai. mandir ki chhatariyaan aur patthar ki chhat ise barfabaari se bachaati hai.

bhoori Singh sangrahaalaya

yeh sangrahaalaya 14 September 1908 E. ko khula tha. 1904-1919 tak yahaan shaasan karne vaale raaja bhoori Singh ke naam par is sangrahaalaya ka naam pada. bhoori Singh ne apni parivaar ki peintigs ka sangrah sangrahaalaya ko daan kar diya tha. chanba ki saanskrutik viraasat ko sanjoe is sangrahaalaya mein basaholi aur kaangada Art school ki laghu peintig bhi rakhi gayi hain.

bhandaal ghaati

yeh ghaati vanya jeev premiyon ko kaafi lubhaati hai. yeh khoobsoorat ghaati 6006 feet ki oonchaai par sthit hai. yeh ghaati chanba se 22 kimi .door salooni se judi hui hai. yahaan se traiking karte hue Jammu Kashmir pahuncha ja sakta hai.

bharamaur

chanba ki is praacheen rajdhani ko pehle brahmapura naam se jaana jaata tha. 2195 meter ki oonchaai par sthit bharamaur ghane jangalon se ghira hai. kivdantiyon ke anusaar 10 veen shataabdi mein yahaan 84 sant aae the. unhonne yahaan ke raaja ko 10 putr aur ek putri chanpaavati ka aasheervaad diya tha. yahaan bane mandir ko chauraasi naam se jaana jaata hai. lakshmi devi, ganesh aur narasinh mandir chauraasi mandir ke antargat hi aatein hain. bharamaur se kugati paas aur kaleecho paas ki or jaane ke liye uttam traiking root hai.

chaugaan

yeh khula ghaas ka maidaan hai. lagbhag 1 kimi. lamba aur 75 meter chauda yeh maidaan chanba ke beechon beech sthit hai. chaugaan mein prativrsh minjar mele ka aayojan kiya jaata hai. ek saptaah tak chalne vaale is mele mein sthaaneeya nivaasi rang birangi veshabhoosha mein aate hain. is avsar par yahaan badi sankhya mein saanskrutik aur khelakood ki gatividhiyaan aayojit ki jaati hain.

vajareshvari mandir

yeh praacheen mandir ek hajaar saal puraana maana jaata hai. prakaash ki devi vajareshvari ko samarpit yeh mandir nagar ke uttari hisse mein sthit janasaali baajaar ke ant mein sthit hai. shikhar shaili mein nirmit is mandir ka chhat lakdi se bana hai aur ek chabootare par sthit hai. mandir ke shikhar par behatareen nakkaashi ki gayi hai.

sui maata mandir

chanba ke nivaasiyon ke liye apna jeevan tyaagane waali yahaan ki Rajkumari sui ko yeh mandir samarpit hai. yeh mandir shaah madaar hil ki choti par sthit hai. yahaaain sui maata nein kuchh samay ke liye vishraam kiya tha. yahaaain sui maata ki yaad mein yahaan har saal sui maata ka mela chait maheene se shuru hokar baisaakh maheene tak chalta hai. yeh mela mahilaaon aur bachchon dvaara manaaya jaata hai. mele mein raani ke geet gaae jaate hain aur raani ke balidaan ko shraddhaanjali‍ dene ke liye log sui mandir se raani ke validaan sthal maloona tak jaate hain.

chaamunda devi mandir

yeh mandir pahaad ki choti par sthit hai jahaan se chanba ki slet nirmit chhaton aur raavi nadi va uske aaspaas ka sundar najaara dekha ja sakta hai. mandir ek oonche chabootare par bana hua hai aur devi durga ko samarpit hai. mandir ke darvaajon ke oopar, stambhon aur chhat par khoobsoorat nakkaashi ki gayi hai. mandir ke peechhe Shiv ka ek chhota mandir hai. mandir chanba se teen kilometer door chanba-jammuhaar rod ke daayeen or hai. bhaarateeya puraatatv vibhaag mandir ki dekhbhaal karta hai.

hareeraaya mandir

Bhagwan vishnu ka yeh mandir 11 shataabdi mein bana tha. kaha jaata hai ki yeh mandir saalabaahan ne banavaaya tha. mandir chaugaan ke uttar pashchim kinaare par sthit hai. mandir ke shikhar par behatareen nakkaashi ki gayi hai.

hareeraaya mandir mein chatumoorti aakaar mein Bhagwan vishnu ki kaanse ki bani adbhut moorti sthaapit hai. kesariya rang ka yeh mandir chanba ke praacheenatam mandiron mein ek hai.

lakhna mandir Bharmour yeh Himachal pradesh ka shikhar shaili mein bana bahut puraana mandir hai. devi lakshmi ko yahaan mahisaasuramardini roop mein dikhaaya gaya hai. mandir mein sthaapit devi ki peetal ki pratima raaja meroo varman ke ustaad kaareegar mugga ne banaai thi. yeh mandir Himachal pradesh ka pramukh aur pavitra teerth sthal hai. yahaan har saal manimhesh yaatra ka aayojan hota hai.

rangamahal

yeh praacheen aur vishaal mahal suraada mohalle mein sthit hai. mahal mein ab Himachal emporiym bana diya gaya hai. is mahal ki neenv raaja umed Singh ne (1748-1768) daali thi. mahal ka dakshini hissa raaj shri Singh ne 1860 mein banavaaya tha. yeh mahal mugal aur british shaili ka mishrit udaaharan hai. yeh mahal yahaan ke shaasakon ka nivaas sthal tha.

akhand chandi mahal

chanba ke shaahi parivaaron ka yeh nivaas sthal raaja umed Singh ne 1748 se 1764 ke beech banavaaya tha. mahal ka punaroddhaar raaja shaam Singh ke kaaryakaal mein british injeeniyron ki madad se kiya gaya. 1879 mein captain maarshal ne mahal mein darbaar hall banavaaya. baad mein raaja bhoori Singh ke kaaryakaal mein ismein janaana mahal joda gaya. mahal ki banaavat mein british aur mugalon ka spasht prabhaav dekha ja sakta hai. 1958 mein shaahi parivaaron ke uttaraadhikaariyon ne Himachal sarkaar ko yeh mahal bech diya. baad mein yeh mahal sarkaari college aur jila pustakaalaya ke liye shiksha vibhaag ko saunp diya gaya.

aavaagaman

vaayumaarg-

chanba jaane ke liye najadeeki airport Punjab ke amrutasar mein hai jo chanba se 240 kimi. door hai. amrutasar se chanba jaane ke liye bas ya taxi ki sevaaen li ja sakti hain.

relamaarg-

chanba se 140 kimi. door pathaanakot najadeeki railway station hai. pathaanakot Delhi aur mumbai se niyamit trainon ke maadhyam se juda hua hai. yahaan se bas ya taxi ke dvaara chanba pahuncha ja sakta hai.

sadak maarg-

chanba sadak maarg se Himachal ke pramukh shaharon va Delhi aur Chandigarh se juda hua hai. raajya parivhan nigam ki basein chanba ke liye niyamit roop se chalti hain.

jaab

jaab parvateeya pradesh chanba ka arabi naam hai. iske jaaf, haab, aab aur gaab naam bhi hain. iski praacheen rajdhani brahmapur (vayaraatapattan) thi. huenatsaang ne iska varnan karte hue likha hai ki yeh alakhananda aur karanaali nadiyon ke beech basa hai. kuchh kaal baad is pradesh ki rajdhani chanba ho gayi. 15 April 1948 mein iska vilyan Bhaarat sarkaar dvaara shaasit Himachal pradesh mein ho gaya.

arab lekhakon ne saamaanyat: chanba ke sooryavanshi rajput shaasakon ko 'jaab' ki upaadhi ke saath likha hai. habn rusta ka mat hai ki yeh shaasan saaluki vansh ke the parantu raajavansh ki utpatti ke sambandh mein vidvaanon mein matabhed hai. 846 E. mein sarvapratham habn khurradadbi ne 'jaab' ka prayog kiya, par aisa lagta hai ki is shabd ki utpatti arab saahitya mein isse poorv ho chuki thi. is prakaar yeh praamaanik maana jaata hai ki chanba nagar 9 veen shataabdi ke pratham dashak mein vidyamaan tha. ibn rusta ne likha hai ki chanba ke shaasak praaya: gurjaron aur pratihaaron se shatruta rakhate the.