chakravaateeya varsha

do vipreet svabhaav waali havaaen jab vipreet dishaaon se aakar milti hain to vaataagr ka nirmaan hota hain. is vaataagr ke sahaare garm havaaen oopar uth jaati hain tatha thandi havaaen neeche ho jaati hain. is tarah ka chakravaateeya vaataagr praay: sheetoshn katibndhon mein banta hain jahaan par dhraveeya thandi tatha bhaari havaaen (u0 poo0) tatha garm, halki pachhuva havaaen (da0 pa0) milti hain. iske vipreet bhoomadhya rekha le paas samaan svaabhaav waali vyaapaarik havaaen (parantu vipreet dishaaon waali) ke milne se bhi vaataagr ka nirmaan hota hain. vaastav mein chakravaat havaaon ka ek kram hota hain, jiske madhya mein nimn daab tatha paridhi ki or uchch daab hota hain, havaaen baahar se andar ki or chalti hain. kab garm tatha thandi havaaen aamne-saamane milti hain to kam ghanatvavaali halaki hava thandi tatha bhaari hava ke oopar uthana padta hain, parantu yahaan par hava ka oopar uthana sanvaahaneeya havaaon ki tarah oodhvaardhar na hokar tirchhe rup mein hota hain. oopar ki garm hava sthir nahi ho paati tatha neeche thandi hava ke kaaran thandi hone jagati hain aur dheere-dheere usaka sanghanan praarambh ho jaata hain aur varsha praarambh ho jaati hain.