chaangalaang

chaangalaang
city
samay mandal: IST (UTC+5:30)
desh Flag of India.svg Bhaarat
raajya arunaachal pradesh
jila chaangalaang
janasankhya 6,394 (2001 tak )

Erioll world.svgnirdeshaank: 27°a26′aN 96°a08′aE / 27.43°aN 96.14°aE / 27.43; 96.14 chaangalaang arunaachal pradesh praant ka ek shahar hai. aroonaachal pradesh mein sthit chaangalaang bahut hi khoobsoorat s‍aathaan hai. yeh apni khoobsoorti ke liye bahut prasiddh hai. iski khoobsoorti ko nihaarane ke liye har varsh yahaan par hajaaron ki sankhya mein paryatak aate hain. krushi yahaan ke logon ka mukhya kaam-dhandha hai. isi par iski arthavyavastha bhi tiki hui hai. iski adhiktar janansakhya gaanvon mein vaas karti hai. yeh gaanv bahut hi aakarshak hain. yahaan ke pratyek gaanv mein alag-alag prakaar se kheti ki jaati hai. in gaanvon mein har varsh anek utsav bhi manaae jaate hain. chaangalaang mein anek jaatiyaan rahati hain. iname taangsa, mukalom, haavi, longachaang, jugali, kimsing, mugari, ronraang, mosong aur laangafi pramukh hain. in jaatiyon ki sanskruti alag-alag aur bahut rang-birangi hai. yahaan aane vaale paryatakon ko inki sanskruti bahut pasand aati hain. yeh vividhtaaon bhara kshetr hai kyoki yahaan kaheen khule maidaan hain to kaheen oonche-oonche pahaad. is kaaran yahaan par varsha bhi asamaan hoti hai.


anukram

sanskruti

chaangalaang mein anek jaatiyaan rahati hain. anek jaatiyaan hone ke kaaran inki sanskruti bhi alag-alag aur rang-birangi hain. inmein taangsa aur tutasaas pramukh hain. yeh rangafaraah devata ki pooja karte hain. yahaan rahane waali adhiktar jaatiyon ne isaai aur bauddh dharm apna liya hai. chaangalaang mein sabke ghar lagbhag ek jaise hi hote hain. sthaaneeya nivaasi in gharon ko machaang pukaarate hain. yeh jameen se 5-6 feet ki oonchaai par hote hai aur inmein keval ek hi kamara hota hai jismein do choolhe hote hain. yahaan ke logon ka mukhya kaam-dhangha krushi hai aur isi se inki aajeevika chalti hai. sthaaneeya nivaasi suar, bakari aur murge bhi paalate hain.

mukhya aakarshan

chaangalaang mein varsh mein kai tyauhaar aur utsav manaae jaate hain. sthaaneeya logon mein yeh utsav bahut lokapriya hain. sthaaneeya logon ke alaava paryatak bhi in utsavon mein bhaag le sakte hain. in utsavon mein paryatak chaangalaang ki sanskruti aur dhaarmik maanyataaon ko kaafi najadeek se dekh sakte hain.

moh-mol utsav

moh-mol utsav chaangalaang ka prasiddh utsav hai. chaangalaang ke adhiktar nivaasi krushi kaaryon se jude hue hai. yeh utsav bhi krushi se juda hua hai. is utsav ko fasal ki buvaai shuroo hone se pehle manaaya jaata hai. sthaaneeya nivaasi is utsav ko badi dhoomadhaam se manaate hain. is utsav mein vah apne paaramparik vastr aur aabhooshan pahanate hain aur lokageet gaate hue nrutya karte hain. is utsav ka mukhya uddeshya nai peedhi ko apni sanskruti ke prati aakarshit karna hai. chaangalaang ke gaanvon mein vibhinn prakaar se kheti ki jaati hai. isliye utsav bhi alag-alag samay par manaae jaate hain. yeh sabhi utsav April-July maah mein manaae jaate hain. sthaaneeya nivaasi in utsavon mein apne poorvajon ko pindadaan bhi karte hain. ant mein fasal ki devi tugaja chamaja aur sampannata ki devi nong ki pooja ki jaati hai.

pongatoo kuh

yeh tutasaas jaati ka sabse puraana krushi utsav hai. is utsav ko varsha ritu mein manaaya jaata hai. sthaaneeya nivaasiyon ke anusaar pongatoo kuh pong too aur kuh se milkar bana hai. iska arth hota hai vaayu, ekaant vaas aur utsav. is utsav ka aayojan baajare ki fasal ki kataai ke baad kiya jaata hai. ismein chaangalaang ke sabse bade devata rangakathok ki pooja ki jaati hai. pooja karne ka sabse bada kaaran hai ki rangakathok devata unki fasalon ki raksha karein aur sampannta dein. is utsav ka aayojan April maah mein kiya jaata hai. sthaaneeya nivaasi is utsav ko badi dhoomadhaam se manaate hain. is utsav mein paryatak sthaaneeya aadivaasiyon ka naach-gaana bhi dekh sakte hain.

shaapvang yaang maanu poi

yeh shingafo gaanv ka pramukh utsav hai. shingafo ki sanskruti bahut khoobsoorat hai aur paryatakon ko bahut pasand aati hai. shaapvang yaang maanu poi February maah mein manaaya jaata hai. is utsav mein mukhya roop se yuvak-yuvatiyaan bhaag lete hain. vah apne paaramparik vastr aur aabhooshan pahanakar sundar nrutya pesh karte hain. yeh nrutya paryatakon ko bahut pasand aata hai. naach-gaane ke baad chaangalaang ke devata ki pooja-archana bhi ki jaati hai.

van

chaangalaang mein anek pahaadiyaan hain aur in pahaadiyon ke van bahut hi khoobsoorat hain. yahaan sadaabahaar aur ooshn katibandheeya van paae jaate hain. lekin sthaaneeya nivaasiyon ne krushi kaaryo ke liye bade paimaane par vanon ko kaat diya. iske baavajood paryatak yahaan par anek khoobsoorat ped-paudhon aur fal-foolon ke khoobsoorat drushya dekh sakte hain. yahaan par baans ki bhi kai prakaar ki prajaatiyaan pai jaati hain. inmein haillok, holong, mekaai, jutooli, dhoona, misheliya champak aur betula pramukh hain. iske alaava naamadaaf mein blu vaanda bhi dekha ja sakta hai. yeh baans ki lupt praaya: jaati hai.


vanya jeevan

chaangalaang mein anek jungle hain. in jangalon mein paryatak chaangalaang ke vanya jeevan ke khoobsoorat drushya dekh sakte hain. yahaan par paryatak teinduaa, haathi, gaur, saambhar, malaayan saambhar, hiran, bhaalu aur paanda dekh sakte hain. in jangali jaanvaron ke alaava paryatak yahaan par kai khoobsoorat pakshiyon ko bhi dekh sakte hain. pakshiyon mein paryatak mor, bulabul, kathafoda, peduki, batakh aur kabootar dekh sakte hain. sardiyon mein paryatak yahaan par pravaasi pakshiyon ko bhi dekh sakte hain.


sandarbh