chaamunda

chaamunda maata paarvati ka hi ek roop hai. maata ka naam chaamunda padane ke peechhe ek katha prachalit hai. doorga saptashati mein maata ke naam ki utpatti katha varnit hai. hajaaron varsh poorv dharati par shumbh aur nishumbh naamak do daityo ka raaj tha. unke dvaara dharati va svarg par kaafi atyaachaar kiya gaya. jiske falasvaroop devataaon va manushyo ne devi doorga ki aaraadhana ki aur devi doorga ne un sabhi ko varadaan diya ki vah avashya hi in donon daityo se unki raksha kareingi. iske pashchaat devi doorga ne koshiki naam se avataar grahan kiya. maata koshiki ko shumbh aur nishumbh ke dooto ne dekh liya aur un dono se kaha mahaaraaj aap teenon loko ke raaja hai. aapke yahaan par sabhi amoolya rat‍aan sushobhit hai. indr ka eraavat haathi bhi aap hi ke paas hai. is kaaran aapke paas aisi divya aur aakarshak naari bhi honi chaahiye jo ki teenon lokon mein sarvasundar hai. yeh vachan sun kar shumbh aur nishumbh ne apna ek doot devi koshiki ke paas bheja aur us doot se kaha ki tum us sundari se jaakar kehna ki shumbh aur nishumbh teeno loke ke raaja hai aur vo dono tumhein apni raani banaana chaahate hai. yeh sun doot maata koshiki ke paas gaya aur dono daityo dvaara kahe gaye vachan maata ko suna diye. maata ne kaha main maanati hoon ki shumbh aur nishumbh donon hi mahaan balashali hai. parantu main ek pran le choonki hoon ki jo vyakti mujhe yuddh mein hara dega main usi se vivaah karoongi. yeh saari baate doot ne shumbh aur nishumbh ko bataai. to vah dono koshiki ke vachan sun kar us par krodhit ho gaye aur kaha us naari ka yeh doos‍aasaahas ki vah hamein yuddh ke liye lalakaare. tabhi unhonne chand aur mund naamak do asuro ko bheja aur kaha ki uske kesh pakadkar hamaare paas le aao. chand aur mund devi koshiki ke paas gaye aur use apne saath chalne ke liye kaha. devi ke mana karne par unhonne devi par prahaar kiya. tab devi ne apna kaali roop dhaaran kar liya aur asuro ko yamalok pahuncha diya. un dono asuro ko maarane ke kaaran maata ka naam chaamunda pad gaya.