ऍcha॰ jee॰ vels

ऍcha॰ jee॰ vels (1920)

harbat George vels (21 September 1866 – 13 August 1946) mahaan angreji vigyaan kathaakaar the.

parichay

vels ko gambhir vigyaan katha saahitya ka janak maana jaata hai. fraanseesi lekhak jools barn ne jis tarah gubbaaron, panadubbiyon aadi vaigyaanik aavishkaaron ka sahaara lekar romaanchak yaatraaon ki kahaaniyaan likheen, vels ne vigyaan tatha praudyogiki ke maanav tatha maanav samaaj par padne vaale sambhaavit prabhaavon ka chitran kiya. aaj varn aur vels vigyaan katha saahitya ke janak maane jaate hain.

vels ka janm 21 September 1866 ko braamle, kaint (ingalaind) mein ek madhyavargeeya parivaar mein hua tha. unka soch samaajavaadi tha aur unki vigyaan kathaaon mein yeh parilkshit bhi hua hai. unhonne badi sankhya mein vigyaan kathaaen aur upanyaas likhe. haalaanki tab kahaani lekhan ki is vidha ka naam 'science fikshan' naheen pada tha. 'the star', 'country of the blaaind', 'the maijik shaap', 'the byootiful suit', 'the stolan baisils' aadi unki avismaraneeya kahaaniyaan hain. unka pehla upanyaas 'the time machine' 1895 mein chhapa. yeh duniya bhar mein lokapriya hua. time machine ke roop mein vels ne adbhut kalpana ki. yeh unki kalpana ka ek aisa aavishkaar tha jiska vishv bhar mein vigyaan lekhak aaj tak upayog kar rahe hain. is aavishkaar par aadhaarit saikadon kahaaniyaan likhi gayi hain aur ab bhi likhi ja rahi hain. mainne bhi likhi hai. meri vigyaan katha 'ateet mein ek din' ke paatr bhi aisi hi ek time machine yaani kaal yantr mein jahaangeer ke yug ki sair karte hain. vels ne apne is anokhe vichaar se kaalayaatra ko kalpana mein sambhav bana diya. isse vigyaan-kathaakaaron ko vigyaan tatha praudyogiki ke sahaare viksit ho rahe apne samaaj ke ateet, vartamaan aur bhavishya par drushti daalne ka raasta mil gaya.

19 veen sadi ke aakhiri varshon mein vels ne jo katha vichaar diye, un par vigyaan kathaakar aaj bhi kahaaniyaan likh rahe hain. kehne ka matlab yeh ki bhaavi vigyaan kathaakaaron par vels ka gahra prabhaav pada.

apne upanyaas 'the inavijibl main' (1897) mein unhonne dikhaaya tha ki vigyaan ke bal par adhik taakat haath mein aa jaane ka hashr kya ho sakta hai. 'the vaar in the air' (1908) upanyaas mein unhonne bhaavi yuddh mein havaai bamabaari ki poorv kalpana kar li thi. isi tarah apne ek aur upanyaas 'the world set free' (1914) mein unhonne vigyaan ki khojon se viksit ho rahe vinaashakaari hathiyaaron par savaal uthaae. vels ne chaand ki yaatra par 'the first main in the moon' (1901) upanyaas likha tha. unke lagbhag sabhi upanyaason par filmein bani.

vigyaan-katha ki nai vidha dekar H. ji. vels amar ho gaye. angreji katha saahitya mein unka naam sammaan ke saath liya jaata hai.

baahari kadiyaaain