buranji

buranji, asamiya bhaasha mein likhi huin aitihaasik krutiyaaain hain. ahom raajya sabha ke puraatatv lekhon ka sankalan buranji mein hua hai. pratham buranji ki rachana asam ke pratham raaja sukafa ke aadesh par likhi gayi jinhone san 1228 E mein asam raajya ki sthaapana ki.

aarambh mein ahom bhaasha mein inki rachana hoti thi, kaalaantar mein asamiya bhaasha in aitihaasik lekhon ki maadhyam hui. ismein raajya ki pramukh ghatnaaon, yuddh, sandhi, raajyaghoshana, raajadoot tatha raajyapaalon ke vividh kaarya, shishtamandal ka aadaan pradaan aadi ka ullekh praapt hota hai - raaja tatha mantri ke dainik kaaryon ke vivran bhi prakaash daala gaya hai. asam pradesh mein inke anek vruhadaakaar khand praapt hue hain. raaja athva raajya ke uchchapadasth adhikaari ke nirdeshaanusaar shaasanatantr se poorn parichit vidvaan athva shaasan ke yogya padaadhikaari inki rachana karte the. ghatnaaon ka chitran saral evam spasht bhaasha mein kiya gaya hai; in krutiyon ki bhaasha mein alankaarikta ka abhaav hai. solahaveen shati ke aarambh se unneesaveen shati ke ant tak inka aalekhan hota raha. buranji raashtreeya asamiya saahitya ka abhinn ang hain. gadaadhar Singh ke raajatvakaal mein purani asam buranji ka nirmaan hua jiska sanpaadan hemachandr Goswami ne kiya hai. poorvi asam ki bhaasha mein in buranjiyon ki rachana hui hai.

"buranji" moolat: ek taai shabd hai, jiska arth hai "agyaat kathaaon ka bhaandaar". in buranjiyon ke maadhyam se asam pradesh ke madhyayug ka kaafi vyavasthit itihaas upalabdh hai. buranji saahitya ke antargat kaamaroop buranji, kachhaari buranji, aahom buranji, jayanteeya bunraji, beliyaar buranji ke naam apekshaakrut adhik prasiddh hain. in buranji granthon ke atirikt raajavanshon ki vistrut vanshaavaliyaaain bhi is kaal mein hui.

aahom raajaaon ke asam mein sthaapit ho jaane par unke aashray mein rachit saahitya ki prerak pravrutti dhaarmik na hokar laukik ho gayi. raajaaon ka yashavarnan is kaal ke kaviyon ka ek pramukh kartavya ho gaya. vaise bhi ahom raajaaon mein itihaasalekhan ki parampara pehle se hi chali aati thi. kaviyon ki yashavarnan ki pravrutti ko aashrayadaata raajaaon ne is or mod diya. pehle to ahom bhaasha ke itihaas granthon (buranjiyon) ka anuvaad asamiya mein kiya gaya aur fir maulik roop se buranjiyon ka srujan hone laga.

inhein bhi dekhein